Fakamulun 8:3 - Fanawbuid tagsibaliwas Fakayabian

³ Ay sanya ginan Saulu gfasigad gfaurianan ngay tagafanud. Ay kanya gsakbo sa sangay bale laman nanggamat ngay tagafanud: mangama ay mangena, sanya ginan namuba sas fagubungan.

Fakamulun 8:3 ပူးပေါင်းရင်းမြစ်များ

Fakamulun 16:19

Ay kafag baguina at ngay tagfayafun nu nalag te, wa ban e fagbulan ya salapi, nagamat Pablu ay Silas ay naguyudan anggan andasug sas fagawean laman namasalubang sat ke fagmabalyananun.

Fakamulun 22:19

“Ay nabalus au te, ‘Ku Fun, wain kafag ngay taw way gafanud ay nasaful oma te, narvbvy au ngay taw Udyu at ngay bale fakafulan laman nanggamat ay namaurianan ngay taw tagafanud sa emu?

Fakamulun 7:58

ay naguyudan sas day furuan laman namana anya ngay gang. Ngay takamuagan fag ngay tagfatuyan sabaliwas Esteban nabul at ngay lanbung ay nafamato sa sik baguama at ngayan Saulu.

Fakamulun 8:2

Ay sik ngay taw tagseg Dius nanamoli Esteban at bilug ay maksvn nu gwayway aroro kabalu.

Fakamulun 9:21

Ay fagayu tagdungugan anya kadulo, ay ginto te, “O nunda bunwa at nafaurianan ngay tagafanud sis Erusalem? Kanya andasug stie laman nanggamat fagayu tagafanud ay gtaban sa sangay fun tagfon fanggalangun.”

1 Kurintu 15:9

Ay au wan tiba daga fag nasugu, ay kwa nangus kangayan te, sik nasugu, aroro nafauri au Dius at ngay taw.

Galasya 1:13

Nadungug wam ku ugali gina au gfaning taw Udyu at fagafanudun, nafaidapan au Dius at ngay taw ay naugatan kyangay namamin kanya fagayu.

Filipus 3:6

Aroro siginan ku kamaseganaman, nafauri au ngay tagafanud. Ay nafafaning au fia em faugali.

1 Timuteu 1:13

Kanya nafili angku dewa au nalong at mauri sa anya ay dewa au nafauri ay nafalingun anya. Ay dewa katanya, Dius anfanyu yay angku, aroro gina au yud gafanud sa anya, kya saful ku fakamulun.

Santiagu 2:6

Dewa katanya, gfaidapan am at yud e kwa. O nunda bunwa at maramraman tagfaidapan ay tagtaban ayu sas tagwabilug at daga salubangan?