Fakamulun 5:3 - Fanawbuid tagsibaliwas Fakayabian

³ Ay Pedru nalong te, “Ananias, wain am fagnafabayanun Satanas nu gagbilug emu laman kamuag o sat Masine fag Falad, ay wain am fagnabuinun ay daga at nagbulan laman sa am sadili fakaylatun?

Fakamulun 5:3 ပူးပေါင်းရင်းမြစ်များ

Ub 22:13

Nu katanya, nalong o te, ‘Dius wa saful ku fakamulun. Setain ro nu sumaful ay linyabu gligung way anya?

Fangatulun 20:25

Galay o namatuyanan sas Dius, amatangani tua fia, tibaginan ban manga sa taguyan kamayud yay o.

Takamoyung 5:4

Nu nafatuyanan o sas Dius, fafasludani tua vtv. Fafasludani am ngay fatuyanan sa anya, aroro kanya wa guseganan at yud e fagsafulun yud gfafasludan at ngay fatuyanan.

Isayas 29:15

Afanyuan am tagsuksuk ay ngay algan sas Yawi. Nu gfakamulun am ay fakamulun si way sad fagmadulumun ay glong am te, “Wa ngap e glag ay we gsaful tam fakamulun.”

Eremyas 23:24

We taw masuksuan angku dewa snga nday fag furuan at masuksuk. O nunda wam saful te, si au sbanwa, ay sis daga ay nusnga nday? Au, Yawi, taglong tuy.

Usea 11:12

Dius nalong yay te, “Ngay taw Israel malayun nu kamuagan ay nu gfalingun angku. Ay ngay taw Uda anyayu wan siginan angku, Dius at matuyan ay at yud e malong.”

Tap 30:2

Sik mangama nu nke fatuyanan laman sas Yawi te, kanya gfakamulun ay duan nusnge wain, masine kanya nu gfafasludan at fatuyanan.

Mateu 13:19

Nusnga sinu at nadungug foyungan sabaliwa Dius nu gfagtainan ay nu dway nasaful at masuad, Satanas umdasug ay namul kafag taw at nadungug fag longan, kata kafag bvtang at kintong sasad dalan.

Lukas 22:3

Arodi Satanas nasakbo sas Udas Iskariute. Kanya Isus at labi duak tagadal at sadi.

Uan 13:2

Ginanya fag yabi, Isus ay at ngay tagadal gasfuan gfangon. Ay Satanas nafae amatanganan wan Udas Iskariute, Simun at baguama, laman namoyung ban Isus sat mauri fag ngay taw.

Uan 13:27

Ay Udas nu nabul wan kafag tinapay, Satanas nasakbo sa anya. Ay Isus glong te, “Fakamuluni wan am fakaylatun.”

Fakamulun 5:2

Ay dadwa ansadi gbuin at nagbulan, ay sik afud way at nafon sa sangay nasugu.

Fakamulun 5:4

O nunda kanya bunwa ay daga? Ay nu nafalao wo, o yangay at ke algan te, tain ban am fakamulun sa ay salapi. Ay wain am fagnamatanganun yay at namakamulun takatanya? Nu kamuag o bunwa sas taw nu bunway sa tuas Dius.”

Fakamulun 5:9

Ay Pedru nalong anya te, “Wain ay fagnadiuganun gfaskud tam Fun at Falad? Damai! Si was sakbawan at nanamoli am indugan, ay at fadogan ro emu wan.”

Deuterunumyu 23:21

Nu nafatuyanan wayam sa ay Dius Yawi, lag am gfaduge nu gfafasludan am. Aroro matuyan wan ay Dius Yawi nanget sa ayu famayad ay umke asalanan am siginan ay nayud nafafasludan.

Santiagu 4:7

Nu katanya, faningi Dius. Ay fawayani Satanas, ay kanya lumagyu ayu.

1 Pedru 5:8

Mafuloani ay mafalganani aroro Satanas ay fawayan glo gsubang gugat kata sik liun, gligungan ay grvbvy at fagnangonun.