Fakamulun 27:7 - Fanawbuid tagsibaliwas Fakayabian

⁷ Ngayuk menit em sakayan nu glo aroro maranan way, ay naidapan mandi mi at nangadasug sas Gnidu. Wami maturunan glao sas wabilug dagat aroro tagmara gfablang way emi. Ay nu katanya gulitan way mi sa sangaba tigyangan dagat sabaliwa furu Kreta sis aturunan furuan Salmune.

Fakamulun 27:7 ပူးပေါင်းရင်းမြစ်များ

Fakamulun 2:11

(ay sanya yangay ngay taw Udyu ay yud Udyu fag ngay taw at kinsadi sat fagafanudun) ay siginans furu Kreta ay talun Arabya. Dewa katanya, gtogdungug tam anya fagayu nu garingang sa tam ngay fangaringang laman gfoyung sabaliwa Dius at ngay nafakamulun at madulo.”

Fakamulun 27:21

Aroro ngaduge wan kafag ngay taw nu yud gfangon ya, Pablu anlindug ay glong te, “Ku ngay ibama, nu nafandungug di am ku longan te, ‘Lag yap ngap tam glelegan siginans furu Kreta,’ satu ro di tam e fagidapun takatatuy.

Fakamulun 27:4

Ay sanya ginan fag furuan, gfataglayun ami glao, ay ang way mi lang gulitan furu Sipre sas fakamenitan baliwa, aroro tagmara gfablang emi.

Titu 1:12

Ay sik taglong siginans furu Kreta nalong te, “Ngay taw Kreta kamuag, ay at ugali mauri kata ngay mangilafang, ay kanya fagayu momuy ay gfangkumon.”

Titu 1:5

Nafamato au emu sis Kreta laman namasine o ku nayud nafatabu. Kata ku suguan emu, filii tagfagtainan si sangay furuan.