Fakamulun 27:13 - Fanawbuid tagsibaliwas Fakayabian

¹³ Ay nu natagmara siginan baliwas indulungan malukme way sirut, ngay tagfakamulun sis sakayan at amatanganan te, masine wan nu gdog ami glao. Nu katanya, kanya fagayu nafabat at famatawad em sakayan ay gfasigad wami glao sa sangaba tigyangan lino sas furu Kreta.

Fakamulun 27:13 ပူးပေါင်းရင်းမြစ်များ

Lukas 12:55

Ay nu namatang am tagsiginans alvngvdan fag tagmara nu gtayuk ayu, glong am te, ‘Masugba ro,’ ay katanya wa fia.

Sulumun at Alubad 4:16

Tagmara tagsiginans fawalan ay fasiunan fag alvngvdan, uyupi sa ku tanuman laman kayuk nu mabebanglu. Ku fakesugun fag mangama, sakboi sam tanuman laman nangon o at mayayum fag ngay rawvg.

Alubad. 78:26

Siginan at fagmabalyananun, kanya nafatagmara siginans fakamenitan, ay nafadasug yangay tagmara siginans fasiunan fag alvngvdan.

Ub 37:17

Gafangenit o aroro sat masugba fag tagmara siginans fasiunan fag alvngvdan.

Fakamulun 2:11

(ay sanya yangay ngay taw Udyu ay yud Udyu fag ngay taw at kinsadi sat fagafanudun) ay siginans furu Kreta ay talun Arabya. Dewa katanya, gtogdungug tam anya fagayu nu garingang sa tam ngay fangaringang laman gfoyung sabaliwa Dius at ngay nafakamulun at madulo.”

Fakamulun 27:8

Ay gugatan ami gulitan glao sa sangaba tigyangan lino nangadasug sa sik furuan at ngayan te, Masine fag Fakaragangan, munakbang sis furuan Lasea.

Fakamulun 27:12

Ay kanya fagayu nasaful te, sanya fag buknga wa masine fakatungkudan sakayan laman gfalangfe abagat, ay tangayu baliwa gfasadan laman gtaglayun ami glao, at amatanganan te, bangaran ro manga dumasug ami sas furuan Fenise, ay sanya nu gfalangfe ami abagat. Furuan Fenise sik fakatungkudan ngay sakayan lino sis furu Kreta tagsas indulungan baliwa.

Fakamulun 27:21

Aroro ngaduge wan kafag ngay taw nu yud gfangon ya, Pablu anlindug ay glong te, “Ku ngay ibama, nu nafandungug di am ku longan te, ‘Lag yap ngap tam glelegan siginans furu Kreta,’ satu ro di tam e fagidapun takatatuy.

Titu 1:5

Nafamato au emu sis Kreta laman namasine o ku nayud nafatabu. Kata ku suguan emu, filii tagfagtainan si sangay furuan.

Titu 1:12

Ay sik taglong siginans furu Kreta nalong te, “Ngay taw Kreta kamuag, ay at ugali mauri kata ngay mangilafang, ay kanya fagayu momuy ay gfangkumon.”