Fakamulun 26:10 - Fanawbuid tagsibaliwas Fakayabian

¹⁰ Ay kanya yangay ku fakamulun sis Erusalem, aroro gfaning au ngay fun tagfon fanggalangun at fon angku fag fagmabalyananun, ngayu ku nafaubung Dius at ngay nafili. Ay nu e gfabul, gfadiuganan kyangay.

Fakamulun 26:10 ပူးပေါင်းရင်းမြစ်များ

Alubad. 16:3

Sabaliwa sangay taw at yud e malong tagbanwan sis talun Israel, gfauseganan au ayu.

Fakamulun 7:58

ay naguyudan sas day furuan laman namana anya ngay gang. Ngay takamuagan fag ngay tagfatuyan sabaliwas Esteban nabul at ngay lanbung ay nafamato sa sik baguama at ngayan Saulu.

Fakamulun 8:1

Ay Saulu nafadiuganan nu gfabul Esteban. Siginan ginanya, maksvn nu gfaurianan ngay tagafanud sis Erusalem. Nu katanya, fagayu tagafanud nasaruayan sas talun Uda ay talun Samarya. Ay at yud nalao siginans Erusalem, ngay nasugu way lang.

Fakamulun 8:3

Ay sanya ginan Saulu gfasigad gfaurianan ngay tagafanud. Ay kanya gsakbo sa sangay bale laman nanggamat ngay tagafanud: mangama ay mangena, sanya ginan namuba sas fagubungan.

Fakamulun 9:21

Ay fagayu tagdungugan anya kadulo, ay ginto te, “O nunda bunwa at nafaurianan ngay tagafanud sis Erusalem? Kanya andasug stie laman nanggamat fagayu tagafanud ay gtaban sa sangay fun tagfon fanggalangun.”

Fakamulun 9:26

Ay Saulu nu ndasug sas Erusalem, kanya kaylat oma nangaful sa tibak tagafanud, dewa katanya, kanya fagayu kalimu way aroro wa gafanud te, Saulu sik tagafanud wan.

Fakamulun 9:32

Ay Pedru nanansibo Dius at ngay tagafanud sa sangay furuan, ay nasa yangay sfuruan Lida.

Fakamulun 9:41

Sanya ginan, Pedru nated at take ay nafalindug. Ay Pedru nauro ngay fagbubayun ay tiba yak tagafanud ay nafalag sa anya fagayu te, Tabita gleleg wan.

1 Kurintu 15:9

Ay au wan tiba daga fag nasugu, ay kwa nangus kangayan te, sik nasugu, aroro nafauri au Dius at ngay taw.

Galasya 1:13

Nadungug wam ku ugali gina au gfaning taw Udyu at fagafanudun, nafaidapan au Dius at ngay taw ay naugatan kyangay namamin kanya fagayu.

Efesu 1:1

Au Pablu, tam Fun Isus at nasugu kata Dius at fakaylatun. Griruk au sa ayu, Dius at nafili fag ngay taw sanya sfuruan Efesu, at matuyan fia tagalo tam Fun Isus.

At Nafasure 17:6

Ay nalag au kafag mangena nu galangu siginan Dius at ngay taw at taguk, ngay taw at kinbul siginan nu gfaning Isus. Ay nu nalag au anya, andulo au maksvn.