Fakamulun 22:7 - Fanawbuid tagsibaliwas Fakayabian

⁷ Ay anlub kway lang sas daga ay nadungug au sik aringang glong angku te, ‘Saulu, Saulu, wain am fagfauriun angku?’

Fakamulun 22:7 ပူးပေါင်းရင်းမြစ်များ

Fakasigadan 16:8

Ay kafag tagbarita nainto anya te, “Agar, Saray at fagsuguan, daginan o ay dada o?” Ay Agar gbalus te, “Nalagyu au ku tagfayafun Saray.”

Fakasigadan 22:1

Ay Dius nafaskud Abrayam ay nauro te, “Abrayam!” Ay Abrayam nabalus te, “Wain?”

Fakasigadan 22:11

Yawi at tagbarita nauro te, “Abrayam, Abrayam!” Ay Abrayam nabalus te, “Wain?”

Fakasigadan 3:9

Ay Yawi nauro mangama te, “Dada wo?”

Nu Galin 3:4

Yawi nu nalag te, Muisis nangakbang, kanya nauro te, “Muisis, Muisis.” Ay Muisis nabalus te, “Nataw?”

Eremyas 2:5

Katatuy at longan: “Nataw fag asalanan ay ngay mangaguyang at nalag si angku, at fagnatalyuyanun angku? Kanya fagayu naseg at yud e masuad fag ngay fagsegan, nu katanya, kanya fagayu ansik yud yangay e masuad.

Eremyas 2:9

Nu katanya, gdog kyay namamatang ayu ay fagmauriun, anggan ban say ngay kasugfunanan. Au, Yawi, taglong tuy.”

Mateu 25:45

“Ay au, at Fun, gbalus au anya fagayu te, ‘Matuyan nu glong au ayu te, ay yud nafakamulun sat sadi ku faduksay at tiba daga, sa angku nu yud am gfakamulun.’

Mateu 27:23

Ay Pilatu ginto te, “Ay wain? Nataw nunda at asalanan?” Ay kafag ngay taw kaugat way nu guro te, “Tuktuki anya sas fasulungan kayu!”

Fakamulun 22:6

“Gina swabilug menit nu munakbang wami sas Damasku, sik yamag daul masulo siginans banwa nayamag si em ligung.

Fakamulun 22:8

“Ay gbalus au te, ‘Ku Fun, sinu o?’ “Ay glong angku te, ‘Au wan Isus siginans Nasaret am fagfauriun.’

Fakamulun 9:4

Nu katanya, Saulu anlub sas daga ay nadungug sik aringang te, “Saulu, Saulu, wain am fagfauriun angku?”

1 Timuteu 1:13

Kanya nafili angku dewa au nalong at mauri sa anya ay dewa au nafauri ay nafalingun anya. Ay dewa katanya, Dius anfanyu yay angku, aroro gina au yud gafanud sa anya, kya saful ku fakamulun.

1 Samwel 3:10

Yawi ankakbang sas Samwel kata aro taw ay guro te, “Samwel! Samwel!” Ay Samwel nabalus te, “Aringangi wan, aroro au, am fagsuguan, gdungugan kwan.”