Fakamulun 21:4 - Fanawbuid tagsibaliwas Fakayabian

⁴ Ay nu ndasug wami sanya, narvbvy ami sanya fag ngay tagafanud, ay sanya yaymi fituk menit. Ay siginan at Masine fag Falad at gubuk, ngay tagafanud nalong sas Pablu te, “Lag sas furuan Erusalem.”

Fakamulun 21:4 ပူးပေါင်းရင်းမြစ်များ

Mateu 10:11

“Ay nusnga nday fag furuan nu kadasug am, insafuli yap sanya te, ‘Sinu ste at matuyan fag taw?’ Ay nu e nafoyung tua ayu, banwani yap sanya yakmay am nalo sanya ginan fag furuan.

Fakamulun 11:26

Ay nu nalag Saulu, nataban sas furuan Antiukya. Ay kanya fag dua gbanwan magamut si sangay tagafanud kaduge sik banwa, ay kamoyung sas ngayuk taw. Sis Antiukya wan tam Fun nu gfangayan at ngay tagadal taguna te, Tagafanud sa tam Fun Isus.

Fakamulun 19:1

Kaduge Apulus sis furuan Kurintu, Pablu nalao sa sangay buksul sanya fag afud talun ay andasug sas furuan Efesu. Ay nalag sanya sik ngay tagafanud,

Fakamulun 21:16

Ay tibak tagafanud siginans Sesaria nangufud emi. Kanya nataban emi sas Mnasun at bale. Mnasun siginans Sipre, ay kanya at sadi taguna tam Isus at tagadal.

Fakamulun 28:14

Ay sanya e ngay tagafanud ay glong sa emi te, “Ste yap am si emi fituk menit.” Ay sanya ginan gtaglayun wami glao ay andasug ami sas furuan Ruma.

Fakamulun 9:16

Ay namalag kyangay sa anya ngay fagidapun at fagnandalanun, ay nu setain ban nu gagwanta laman sa angku.”

2 Timuteu 1:17

Kanya nu ndasug sas furuan Ruma, gugatan grvbvy angku yakmay nalag.

At Nafasure 1:10

Gina si tam Fun at Menit, at Masine fag Falad antayuk sa angku, ay nadungug au sik aringang daul siginan ku day guyuy, kata sik budyung at awang.