Fakamulun 21:3 - Fanawbuid tagsibaliwas Fakayabian

³ Ay kaduge ami gsakay, nalibanawan ami furu Sipre, dewa katanya, wami nasanya, nasa waymi sfasiunan baliwa kafag furu ay nataglayun sas Sirya.

Fakamulun 21:3 ပူးပေါင်းရင်းမြစ်များ

2 Samwel 8:6

Ay Dabid nafawat at fagmafulan sis Damasku, si sangay taw Aram at fagbanwanan. Ay Dabid nagbilug wan kafag furuan, ay sanya ginan, ngay taw Amur nu gfon at famayad sawas Dabid. Yawi nafababo Dabid sas fagayu at nafawayan.

Alubad. 45:12

Ngay taw Tiru namuba sa emu ngay fanggalangun, ay anggan at ngay maramraman sa wa emu nu get gubuk.

Alubad. 87:4

Glong te, “Nu nanriruk kway ro ngay talun tagtoglag angku ay at kinsik ngay taw Erusalem, ku fagrirukun ro: talun Igiptu, talun Babilunya, ay griruk kyangay ro anggan ngay taw Filistia, ay ngay taw Tiru, ay ngay taw Etiupya. Ay gtuyan kyangay ban te, ‘Anggan kanya fagayu kata nu kasalug sis Erusalem.’ ”

Isayas 7:2

Ay Uda at fun nu nadungug te, Sirya at fun ay Israel at fun ansadi namawayan taw Uda, kanya fag fun ay fagayu at ngay taw gtadtaruyan kalimu, kaksvn sik fulug nu guig sik fun kayu.

Mateu 11:21

Ay Isus nalong te, “Ida, furuan Kurasin ay furuan Betsaida at ngay taw. Aroro nu sa di ngap furuan Tiru ay Sidun nu gfakamulun au ku nafakamulun sa ayu at madulo, kanya ro fag duak furuan glugo wan nu gubun at ngay asalanan, ay gsulun saku, ay malunggung sis dafug, laman gfalag te, gubun wan at ngay asalanan.

Mateu 4:24

Ay andungug Isus at fakamulun sas fagdaul talun Sirya. Ay sanya fag ngay taw nataban sa anya fagayu at ke fakasaitun, dewa snga setaw fag fakasaitun, ay at ngay taginkidapan sas faganinianun, ay anggan ngay tagfansaful, ay anggan tagfatfat fag ngay taw, ay anggan at yud malao. Ay Isus nafafia tua anya fagayu.

Lukas 10:13

Ay Isus nalong te, “Ida, furuan Kurasin ay furuan Betsaida at ngay taw. Aroro nu sa di ngap furuan Tiru ay Sidun nu gfakamulun au ku nafakamulun sa ayu at madulo, kanya ro fag duak furuan glugo wan nu gubun at ngay asalanan, ay gsulun saku, ay malunggung sis dafug, laman gfalag te, gubun wan at ngay asalanan.

Lukas 2:2

Ginanya at fasadi ginan gtap ngay taw gina Kirinu gfunan sis talun Sirya.

Fakamulun 11:19

Ay Esteban nu nbul wan, anke faurianan sa sangay tagafanud sis Erusalem, ay kanya fagayu nafanaruayanan way lang. Tibak tagafanud andasug sas talun Fenisya ay Sipre ay sas furuan Antiukya sis talun Sirya, ay kanya fagayu gfoyung Dius at longan nusnga nday at fakadasugan. Ay at fagfoyungan sa way lang ngay taw Udyu.

Fakamulun 12:20

Fun Erudes maksvn nu kauri ngay taw Tiru ay ngay taw Sidun. Nu katanya, kafag ngay taw kaylat namakamatoan laman nangasadi sa anya aroro kafag ngay taw at fagnamulan at fakonun sanya ginan wan. Dewa katanya, kafag ngay taw nanamagadgalangan yay taguna Blastu aroro kanya tagulit fun at bale daul.

Fakamulun 13:4

Ay at Masine fag Falad nasugu Bernabe ay Saulu sas furuan Seleusia. Ay sanya ginan duama nasakay sa sik sakayan lino tagsas furu Sipre.

Fakamulun 15:23

Katatuy at nalong sit ba rirukan: Ami fag ngay nasugu ay fag ngay fagtainan, nariruk ami sa ayu em ngay faduksay, yud Udyu fag ngay tagafanud tagbanwan si sangay furuan Antiukya ay Sirya ay Silisya te, O manabayan tuam?

Fakamulun 15:39

Pablu ay Bernabe ankugat yay nu gbadbaboan, ay duama nasaruayan. Nu katanya, Bernabe nataban Markus ay duama nasakay sas sakayan lino tagsas furu Sipre.

Fakamulun 15:41

Ay duama nadalan sas talun Sirya ay sas Silisya laman gfaksvn sanya fag ngay tagafanud at ngay fagafanudun.

Fakamulun 18:18

Sanya ginan, Pablu nabanwan yay sis Kurintu ngayuk menit, ay nu nalong wa sanya fag ngay tagafanud te, glo kwan, kanya nasakay gasfuan Prisila ay Akila sa sik sakayan lino tagsas Sirya. Ay nu ndasug wan sas furuan Senkrea, nafagud at buk laman gfafasludan at fatuyanan.

Fakamulun 21:16

Ay tibak tagafanud siginans Sesaria nangufud emi. Kanya nataban emi sas Mnasun at bale. Mnasun siginans Sipre, ay kanya at sadi taguna tam Isus at tagadal.

Fakamulun 21:2

Ay nu ndasug wami, natunggu ami sik sakayan lino tagsas Fenisya ay nasakay wami.

Fakamulun 21:7

Siginans furuan Tiru, nafataglayun ami glao laman nangadasug sas Tulemaida. Ay nu ndasug wami, nafakamatoan ami sanya fag ngay tagafanud, ay sanya yaymi sik menit.

Fakamulun 27:4

Ay sanya ginan fag furuan, gfataglayun ami glao, ay ang way mi lang gulitan furu Sipre sas fakamenitan baliwa, aroro tagmara gfablang emi.

Fakamulun 4:36

Ay katanya yangay Use at nafakamulun. Nu katanya, ngay nasugu nafangayan anya te, Bernabe, at masuad te, Tagfabitsug Tiba at ngay Amatanganan. Kanya sik taw Lebi siginans furu Sipre.

Tagfangguna 10:6

Ngay taw Israel nadog yay nafakamulun at mauri sas Yawi at daga salubangan. Kanya fagayu natalyuyan Yawi ay naseg Baal ay Asturet fag ngay fagsegan, ay ngay taw Aram, taw Sidun, taw Muab, taw Amun, ay taw Filistia at ngay fagsegan.