Fakamulun 20:7 - Fanawbuid tagsibaliwas Fakayabian

⁷ Ay gina Sabadu sad yabi maful ami laman kon tam Fun at Yafun, ay Pablu nu gfoyung sa sangay taw anggan swabilug yabi aroro at amatanganan glo waban sbalabag.

Fakamulun 20:7 ပူးပေါင်းရင်းမြစ်များ

1 Kurintu 16:2

Fasadik menit kayu linggu, galay am at sadi fasamani wan ay fanggubukun kafanud ay fagmakatuun, ay nu gfaful am, lag gfanya ya gina au ndasug sanya.

Fakamulun 2:42

Ay kanya fagayu gfataglayun tua nu gdungugan Isus at ngay nasugu at foyungan, ay gfataglayun yangay nu nangaful, ay nu kon tam Fun at Yafun, ay anggan nu gdarangin.

Uan 20:19

Ay ginanya fag yabi, sis Linggu fag menit, at ngay tagadal maful. Ay at fagmafulan fag bale at ngay sakbawan madingdingan, aroro kanya fagayu kalimu taw Udyu at ngay tagfangguna. Isus andasug masakit ay malindug sanya fag ngay taw at wabilug, ay nalong te, “Sumawa nangus fia ayu fagmanabayanun.”

Uan 20:1

Sis Linggu sbalabag gina yay madulum, Maria Magdalena nalao sas fagfolian, ay kanya nalag te, faningding fagfolian at sakbawan fag gang, andaging wan.

At Nafasure 1:10

Gina si tam Fun at Menit, at Masine fag Falad antayuk sa angku, ay nadungug au sik aringang daul siginan ku day guyuy, kata sik budyung at awang.

Fakamulun 20:11

Ay Pablu gdog yay nasakbo laman nanlungud tinapay ay nangon. Sanya ginan, gdog yay kamoyung sitsigons daga kamenit. Sanya ginan, nalao wan.

Fakamulun 28:23

Ay kanya fagayu nafili sik menit laman gdog yay maful, ay ngayuk taw at kindasug sas Pablu at bale nu ndasug at nafili fag menit. Ay Pablu gfoyung sas fagayu taw siginans balabag yakmay anyabi, ay gfayamag sa anya fagayu siginan Muisis at Faugali ay siginan Dius at ngay taglong at ngay rirukan, sabaliwa Dius nu gfagtainan. Ay Pablu gugatan gfoyung sabaliwas Isus laman kafag ngay taw gafanud.

Fakamulun 20:9

Ay sik baguama at ngayan Eutiku malunggung sis fagbanawanan. Ay aroro ngaduge Pablu nu gfoyung, kanya natiugun, nu katanya, kanya natiug ngabasad ay antong siginan at fatuluk salug, ay ngay taw nu namangkad wan, anbul wan.

Lukas 24:35

Ay kafag duama nafansulitan at nalag gina si sangaba dalan, ay nu gtoglag Isus gina glungud tinapay.

1 Kurintu 15:10

Ay dewa katanya, siginan tam Dius at fagmagalangun, ansik nasugu kyangay. Ay di nfangulan Dius at nafon angku, nu bunway naugatan ktua nafakamulun gtungud yay ku ngay ibama at nafakamulun. Dewa katanya, bunwa siginan ku sadili fagmakatuun, nu bunway siginan tua tam Dius at fagmagalangun sa angku.

1 Kurintu 10:16

Ansadi tam sa tam Fun Isus at taguk nu nainum tam gina tam Fun at yafun, ay guseganan tam sas Dius. Ay ansadi yangay tam sat bilug nu naon tam kafag sadik tinapay.

Fakamulun 20:31

Nu katanya, mataganani, ay amatangani te, kaduge tuluk banwa gfoyung kwa gugat ayu, at kaksvnan gwayway au kayu menit ay yabi.

Fakamulun 2:46

Kayu menit, kanya fagayu nanseg Dius sas Dius at bale, ay nangaful gugat sa sangay bale laman nangon tam Fun at Yafun. Ay kanya fagayu kon guseganan ay manabayan at ngay amatanganan,

Uan 20:26

Ay nu nlangfe waluk menit, at ngay tagadal gdog yay anful sisad bale magamut Tumas. Ay at ngay sakbawan matabingan, dewa katanya Isus nasakbo sasad bale ay malindug sit wabilug, ay kanya nalong te, “Si wa ayu fagmanabayanun.”

Lukas 22:19

Isus nabul sik tinapay ay nu naseg Dius, nalungud ay nafon sat ngay tagadal ay nalong te, “Tuy ku bilug at nafon laman sa ayu. Fakamuluni ban takatatuy, laman gamatang am angku.”

Nemyas 9:3

Ay kaduge e gtap at Dius Yawi at Faugali, ngay taw malindug kaduge tuluk uras. Ay kaduge yangay tuluk uras, kanya fagayu nafoyung at ngay asalanan ay gseg at Dius Yawi.

2 Timuteu 4:2

nusnga ginain, mafalganani nu gfoyung o Dius at longan; turuni tagdungugan emu at ngay ugali siginan am longan, ay salagi nu gfakamulun at yud matuyan, ay faksvni at ngay amatanganan siginan nu gugatan o gfoyung.

Markus 16:9

Isus gina nadog yay gleleg sis Linggu sbalabag sirut, kanya ansure sas Maria Magdalena. Ebi Isus naiyan siginan anya fituk mauri fag falad.

Fakamulun 16:10

Ay Pablu nu nfulo wan, nafalganan wami vtv aroro saful wami te, Dius nauro emi laman namoyung at Masine fag Barita sas talun Masidunya.

Fakamulun 20:5

Ay kanya fagayu naguna emi ay gfanya sis Truas.