Fakamulun 20:3 - Fanawbuid tagsibaliwas Fakayabian

³ ay nabanwan sanya tuluk magdanun. Ay nu galoun wan sas Sirya, nasaful te, ngay taw Udyu e algan namabul anya. Nu katanya, namatangan te, kafoli way, ay sa way bans Masidunya nu glao.

Fakamulun 20:3 ပူးပေါင်းရင်းမြစ်များ

Esra 8:31

“Ay sis falabi duak menit gina taguna fag magdanun nalao ami siginans Liskung Aaba ay nataglayun ami sas Erusalem. Ay kaduge ami glao, em Dius nagubuk ay nadiri tua emi siginan em ngay fawayan ay siginan takamabul fag ngay taw.

Fangatulun 1:11

Lag o nangalo kanya fagayu dewa glong te, “Gewan, aloi emi! Namanya watam ay namabul tam nusnga sinu fag taw tam nalag deyud e nafakamulun at mauri.

Eremyas 5:26

Ku ngay taw at mauri gfanya at fagnamauriun. Kanya fagayu kata sik takawat sangdaw fanggamat ngay manuk tungud, ay nafoli sangdaw laman sa sangay taw.

Mateu 4:24

Ay andungug Isus at fakamulun sas fagdaul talun Sirya. Ay sanya fag ngay taw nataban sa anya fagayu at ke fakasaitun, dewa snga setaw fag fakasaitun, ay at ngay taginkidapan sas faganinianun, ay anggan ngay tagfansaful, ay anggan tagfatfat fag ngay taw, ay anggan at yud malao. Ay Isus nafafia tua anya fagayu.

Fakamulun 16:12

Ay sanya ginan nataglayun ami sas furuan Filipus, ngay taw Ruma at fagagbilugun fag furuan tagsibaliwas talun Masidunya. Ay nabanwan yaymi sanya ngayuk menit.

Fakamulun 16:9

Ay ginanya fag yabi Pablu nataginfan, ay e nalag sik taw Masidunya nu malindug, ay gfainfanyuan te, “Adasugi staes Masidunya ay gubuki emi.”

Fakamulun 18:18

Sanya ginan, Pablu nabanwan yay sis Kurintu ngayuk menit, ay nu nalong wa sanya fag ngay tagafanud te, glo kwan, kanya nasakay gasfuan Prisila ay Akila sa sik sakayan lino tagsas Sirya. Ay nu ndasug wan sas furuan Senkrea, nafagud at buk laman gfafasludan at fatuyanan.

Fakamulun 19:21

Nu nfasludan wan takatanya fagayu, Pablu anke algan laman glao sas Erusalem, dewa katanya, taguna nandalan yay Masidunya ay Akaya. Ay namatangan yangay te, sa yay bans Ruma nu nanansibo wan Erusalem.

Fakamulun 20:1

Nu ntabu wan kafag fagbadbaboanun, Pablu nafaful ngay tagafanud ay nafabitsug at ngay amatanganan, ay nu nalong wan katanya, nalao wan, ay nataglayun sas Masidunya.

Fakamulun 20:19

Gfababaun au fia galiasun nu gfaning au tam Fun, dewa au nadalan at maksvn fag fagidapun aroro ngay taw Udyu at algan namauri angku.

Fakamulun 20:2

Ay kanya nanansibo sanya fag ngay furuan ay kamoyung, ay ngay tagafanud at ngay amatanganan anbitsug. Sanya ginan, nataglayun wan sas Gresya,

Fakamulun 21:3

Ay kaduge ami gsakay, nalibanawan ami furu Sipre, dewa katanya, wami nasanya, nasa waymi sfasiunan baliwa kafag furu ay nataglayun sas Sirya.

Fakamulun 25:3

Kafag ngay taw get gfainfanyuan sas Feliks te, “Fafolii Pablu sas Erusalem, dewa katanya, kanya fagayu at algan namalabag way Pablu sasad dalan, laman namabul.”

2 Kurintu. 1:15

Aroro gafanud au fia katanya, ku algan sa ban ayu taguna nu glao au, laman kaksvn ay fagusegananun.

2 Kurintu. 11:26

Ay nusnga nday au, nadalan au fagmalimuun: gina au gdife liskung, ay sa sangay tagfangkamul, ay sa ku ngay kaiban taw Udyu, ay anggan sas yud Udyu fag ngay taw, ay si sangay furuan, ay sas talun at yud e taw, ay sis dagat, ay sa tam ngay faduksay takamuagan.

2 Kurintu. 7:5

Gina ami sis talun Masidunya, wami yangay e fagmanabayanun ya. Nadalan ami ngayuk fagidapun dewa ndaginan. E fawayan ami, ay e fakalimuun.

Galasya 1:21

Ay sanya ginan nalo au sas Sirya ay sas Silisya.