Fakamulun 20:1 - Fanawbuid tagsibaliwas Fakayabian

¹ Nu ntabu wan kafag fagbadbaboanun, Pablu nafaful ngay tagafanud ay nafabitsug at ngay amatanganan, ay nu nalong wan katanya, nalao wan, ay nataglayun sas Masidunya.

Fakamulun 20:1 ပူးပေါင်းရင်းမြစ်များ

Fakasigadan 48:10

Ay Israel wa bangan glag ya aroro mafufuama wan, nu katanya, Use nataban at ngay sisian namakbang sas Israel. Ay Israel naugwan duksay ay nayuk.

Fakamulun 11:26

Ay nu nalag Saulu, nataban sas furuan Antiukya. Ay kanya fag dua gbanwan magamut si sangay tagafanud kaduge sik banwa, ay kamoyung sas ngayuk taw. Sis Antiukya wan tam Fun nu gfangayan at ngay tagadal taguna te, Tagafanud sa tam Fun Isus.

Fakamulun 16:12

Ay sanya ginan nataglayun ami sas furuan Filipus, ngay taw Ruma at fagagbilugun fag furuan tagsibaliwas talun Masidunya. Ay nabanwan yaymi sanya ngayuk menit.

Fakamulun 16:9

Ay ginanya fag yabi Pablu nataginfan, ay e nalag sik taw Masidunya nu malindug, ay gfainfanyuan te, “Adasugi staes Masidunya ay gubuki emi.”

Fakamulun 19:21

Nu nfasludan wan takatanya fagayu, Pablu anke algan laman glao sas Erusalem, dewa katanya, taguna nandalan yay Masidunya ay Akaya. Ay namatangan yangay te, sa yay bans Ruma nu nanansibo wan Erusalem.

Fakamulun 20:10

Ay Pablu naduksun ay namalub sit tungud ungdan ay nasafung, ay nalong sa sangay taw te, “Lag am kalimu, kanya gleleg yay.”

Fakamulun 20:2

Ay kanya nanansibo sanya fag ngay furuan ay kamoyung, ay ngay tagafanud at ngay amatanganan anbitsug. Sanya ginan, nataglayun wan sas Gresya,

Fakamulun 20:3

ay nabanwan sanya tuluk magdanun. Ay nu galoun wan sas Sirya, nasaful te, ngay taw Udyu e algan namabul anya. Nu katanya, namatangan te, kafoli way, ay sa way bans Masidunya nu glao.

Fakamulun 20:37

Fagayu taw maksvn nu gwayway ay naugwan ay nayuk Pablu.

Ruma 15:19

Siginan at ngay madulo ay at mabalyanan fag ngay fakamulun tagsiginan at Masine fag Falad at fagmabalyananun, nafamoyung kwan at Masine fag Barita sabaliwa tam Fun Isus sas fagayu talun siginans Erusalem sitsigons talun Iliriku.

Ruma 16:16

Mafafanyuani tua nu gkamatoan am sas galay am at sadi. Fagayu at maful tagafanud sa tam Fun Isus, glong te, O manabayan tuam?

1 Kurintu 16:20

Ay anggan fagayu tam ngay faduksay tagste glong ayu te, O manabayan tuam? Adkafanyuani tua sas galay am at sadi.

1 Kurintu 16:5

Ay gina kban siginans talun Masidunya, ku algan nandalan au sa ayu.

2 Kurintu. 13:12

Kamatoani tua fia sas galay am at sadi at mafafanyuanan fag ngay kamatoanan. Tam ngay faduksay ste glong sa ayu te, O manabayan tuam?

2 Kurintu. 7:5

Gina ami sis talun Masidunya, wami yangay e fagmanabayanun ya. Nadalan ami ngayuk fagidapun dewa ndaginan. E fawayan ami, ay e fakalimuun.

1 Tesalunika 5:26

Sadsafulani tua fia sas fagayu tam ngay faduksay, tagfatuyan te, maksvn nu kedkesugan am.

1 Timuteu 1:3

Kata ku longan emu gina au glo sas Masidunya te, banwani yap sis Efesu laman nansalag o tibak taw sanya tagsalan at foyungan.