Fakamulun 2:4 - Fanawbuid tagsibaliwas Fakayabian

⁴ Ay at Masine fag Falad antayuk sa anya fagayu. Ay kanya fagayu naringang at fagyudun saful fag ngay fangaringang, siginan at Masine fag Falad at nafon fag fagmakatuun.

Fakamulun 2:4 ပူးပေါင်းရင်းမြစ်များ

2 Samwel 23:2

“Yawi at Falad naringang sa angku, ay at aringang si wa ku amatanganan.

Isayas 28:11

Kafag ngay taw wa kaylat gdungugan. Nu katanya, Yawi nangaringang sanya fagayu siginan tibak taw tagsaman at fangaringang.

Isayas 59:21

“Ay katatuy ku nasadian sa ayu: wa ban kalyam ku Falad tagbanwan si ayu, ay anggan ku nafoyung ayu fag ngay longan. Ay foyungi kanya fag ngay longan sa ay ngay sisian, ay katanya yangay sat daga vtv fag ngay gaban ay anggan sat ngay kasugfunanan kabavn. Au, Yawi, taglong tuy.”

Eremyas 6:11

Maksvn yangay nu kadotama au, kata Yawi nu kadotama, ay kwa kagwanta ya.” Yawi nalong te, “Namadasug au ku dotama sa sangay sisian tagawean, ay sa sangay baguama at maful, ay sa sangay dadwa ay anggan sat ngay mafagtainan wan.

Esekyel 3:11

Loi wan sam ngay kaiban at natabanan yangay gasfuan emu, ay namoyung o te, ‘Katatuy Yawi tam Fun at longan.’ Ay kanya ban fagayu gdungugan man ay duan, foyungi sa anya fagayu ku nalong emu.”

Mikas 3:8

Dewa katanya, Yawi at Falad si tua gugat angku, kanya gfon angku fagmabalyananun laman mafafasludan au at matuyan, ay gfabitsug tua ku amatanganan laman mafafoyung au te, ngay taw Israel ay taw Uda gasalanan.

Mateu 10:19

Ay nu nataban ban ayu, lag am gafanawa te, tain siring ay longan, ay nataw ay foyungan. Aroro ginanya ban e gfamatanganan ayu sik longan at masine, laman ban e foyungan tuam sanya fag ngay taw.

Markus 16:17

Ay fagayu ban tagafanud mafakamulun at madulo siginan ku fagmabalyananun, ay maiyan ban at mauri fag ngay falad ay maringang ban tibak fangaringang.

Lukas 1:15

Aroro am baguama ban sik mabalyanan sa tam Fun at daga salubangan, ay kanya ban wa ginum fanlangu, ay siginan yay nu yud ansalug, at Masine fag Falad siwa anya.

Lukas 1:41

Ay Elisabet nu nadungug Maria at aringang, at fafionan maksvn nu gfanleleg, ay at Masine fag Falad antayuk sas Elisabet.

Lukas 1:67

At Masine fag Falad antayuk sas Sakaryas, Uan at mama, ay kanya gfoyung te,

Lukas 12:12

Aroro ginanya ban at Masine fag Falad gfoyung sa ayu ay ngay longan ban at masine.”

Lukas 21:15

Aroro gfoyung kban sa ayu at mamatanganan fag longan laman at nansalag ayu wa mababo ay we fagmafamayudun ya ay longan.

Lukas 4:1

At Masine fag Falad nu ntayuk sas Isus, Isus nalao wan siginans Liskung Urdan. Ay at Masine fag Falad nataban anya sas talun at yud e taw.

Uan 14:26

Dewa katanya, at Masine fag Falad, fag Tagfasun, ku Mama at fagsuguun sa ku ngayan, kanya tagfoyung ban ayu fagayu nusnge wain, ay tagfamatang yangay ban sa ayu ku ngay foyungan.

Uan 20:22

Isus nu nalong wan takatanya, kanya nauyup sat ngay tagadal ay nalong te, “Aylati at Masine fag Falad.

Fakamulun 1:5

Uan nafasurung ngay taw sasad mamam, ay wa ban glugo ya, kasurung ban am sat Masine fag Falad.”

Fakamulun 1:8

Ay baliwan, gina ban at Masine fag Falad andasug, gfon ban sa ayu fagmabalyananun. Ay namoyung ban am ay ngay nalag sa baliwa angku sas Erusalem ay sas fagdaul talun Udea ay sas talun Samarya ay anggan sas fagdaul daga.”

Fakamulun 10:46

Aroro kafag ngay taw Udyu nadungug at yud Udyu fag ngay taw nu garingang sa tibak ngay fangaringang ay nu gseg Dius.

Fakamulun 10:47

Ay Pedru nalong te, “Dius nafon yangay sas yud Udyu fag ngay taw at Masine fag Falad kata nu gfon antam. Ay nu katanya we masalag kafag ngay taw nu kasurung sas mamam.”

Fakamulun 11:15

“Ay gina au ganangaringangun, at Masine fag Falad antayuk sanya fag ngay taw, kata yangay nu kafasludan ebi sa antam.

Fakamulun 11:24

Bernabe sik matuyan fag taw ay at Masine fag Falad si tua anya, ay maksvn at fagafanudun, ay kanya nataban ngayuk taw sa tam Fun.

Fakamulun 13:52

Ay ngay tagafanud sis furuan Antiukya anke Masine fag Falad ay maksvn nu guseganan.

Fakamulun 13:9

Ay Saulu, at ngayan yangay te, Pablu, anke Masine fag Falad, ay kanya nadama Elimas ay nalong sa anya te,

Fakamulun 15:8

Dius saful way fagayu taw at amatanganan. Ay kanya nafalag te, kaylat yangay anggan yud Udyu fag ngay taw siginan nu gfon sa anya fagayu at Masine fag Falad, kata at nafon sa antam.

Fakamulun 19:6

Sanya ginan, Pablu nafatayuk at daluap sa kafag ngay taw, ay at Masine fag Falad antayuk sa anya fagayu ay naringang sa tibak fangaringang ay mafafoyung Dius at longan.

Fakamulun 2:11

(ay sanya yangay ngay taw Udyu ay yud Udyu fag ngay taw at kinsadi sat fagafanudun) ay siginans furu Kreta ay talun Arabya. Dewa katanya, gtogdungug tam anya fagayu nu garingang sa tam ngay fangaringang laman gfoyung sabaliwa Dius at ngay nafakamulun at madulo.”

Fakamulun 2:3

Ay kanya fagayu e nalag kata sik ngay igang ayu sirut ay antayuk sas galay at sadi.

Fakamulun 4:31

Ngay tagafanud nu ntabu gdarangin, at fagmafulan fag bale nauigan. Ay at Masine fag Falad antayuk sa anya fagayu ay maseganama nu kamoyung Dius at longan.

Fakamulun 4:8

Ay siginan at Masine fag Falad at gubuk, Pedru nabalus te, “Am fag ngay tagfangguna ay fag ngay fagtainan,

Fakamulun 6:3

Nu katanya, em ngay faduksay filii si ayu fituk mangama ay natuyan te, matuyan at ugali, ay at ke Masine fag Falad. Ay kanya ban at namakamulun sabaliwa ngay fakonun.

Fakamulun 6:5

Ay fagayu tagafanud naylat ngay nasugu at famalun. Ay nafili Esteban, sik mangama at maksvn nu gafanud ay at Masine fag Falad si anya. Ay nafili yangay Felipe, Prukuru, Nikanur, Timun, Parmenas ay Nikulas siginans furuan Antiukya sis talun Sirya, at kintaip sas taw Udyu at fagafanudun.

Fakamulun 6:8

Dius nafon sas Esteban fagmabalyananun. Nu katanya, kanya nafasure at mabalyanan ay at madulo fag ngay fakamulun ay ngayuk taw at nalag.

Fakamulun 7:55

Ay at Masine fag Falad antayuk sas Esteban, ay kanya natangda sas banwa ay nalag Dius at fagmatuyanun ay nalag yangay Isus nu malindug sit siun baliwa.

Fakamulun 8:17

Nu katanya, Pedru ay Uan nafatayuk at daluap sa kafag ngay tagafanud ay at Masine fag Falad antayuk sa anya fagayu.

Fakamulun 9:17

Ay Ananias nalao wan ay nasakbo sas Saulu at fagtaglayunan fag bale ay nafatayuk at daluap sa anya ay glong te, “Faduksay Saulu, tam Fun Isus at kinsure sa emu si sangaba dalan nasugu angku laman gdog yay ro wo glag, ay at Masine fag Falad umtayuk sa emu.”

Ruma 15:13

Dius wan tagfon fagsegun, ay ku darangin te, kanya yangay nangus tagfon ayu fagusegananun ay fagmanabayanun aroro gafanud tuam sa anya, laman maksvn tua ay fagsegun siginan at Masine fag Falad at fagmabalyananun.

1 Kurintu 12:10

Ay nafon sa tibak taw fagmakatuun gfakamulun at madulo, ay sa tibak taw fagmakatuun gfayamag Dius at longan. Ay nafon yangay sa tibak taw fagmakatuun laman gtoglag te, o tagsi anya fag falad siginan at Masine fag Falad ay o mannga siginan way at mauri fag falad. Ay nafon sa tibak taw fagmakatuun garingang sat fagyudun togdungug fag fangaringang, ay nafon sa tibak taw at fagmakatuun gfayamag kafag ngay fangaringang at masuad.

1 Kurintu 13:1

Dewa au saful fagayu taw ay anggan ngay tagbarita at fangaringang, dewa katanya, nu dway e si angku fakesugun, kata kway at meglis fag tingting ay kata sik udlung at awang yud e masuad.

1 Kurintu 13:8

Katabu way ban nu kamoyung Dius at longan, ay nu garingang sat yud katogdungug fag ngay fangaringang, ay anggan fagsafulun. Dewa katanya, fakesugun di ban e fakatabuan.

1 Kurintu 14:18

Guseganan au sa tam Dius te, gtungud yay ayu fagayu nu garingang au at yud katogdungug fag fangaringang.

1 Kurintu 14:5

Kaylat au fagayu am nu saful am garingang at yud katogdungug fag fangaringang. Ay maksvn nu kaylat au nu kamoyung am Dius at longan. Aroro takamoyung Dius at longan, amafanud yap tua tagaringang at yud katogdungug fag fangaringang, kanya nu dway gfayamag at longan at masuad, laman gfaksvn ngay tagafanud.

Efesu 3:19

Ay laman sumaful am tam Fun Isus at fakesugun, dewa tam yud nasaful fagdaul at fakesugun. Nu katanya tua, umtayuk wam fia fagdaul Dius at fagmadiusun.

Efesu 5:18

Lag am glanguan, aroro kanya mauri way, nu bunway ugatani laman at Masine fag Falad gbanwan tua si ayu.

Efesu 6:18

Ay kaduge am gfakamulun katanya, kabavn darangini siginan at Masine fag Falad at gubuk. Darangini fagayu ay fagdaranginun. Ay darangini tua gugat Dius at nafili fag ngay taw.

1 Pedru 1:12

Dius nafoyung sa kafag ngay taglong te, bunwa at ngay sadili at faggubukun nu bunway ayu tua at faggubukun. Ay katsi nadungug tuam kanya fag foyungan siginan at nafoyung ayu at Masine fag Barita. Kanya fagayu nafoyung sa ayu siginan at Masine fag Falad at fagmabalyananun, Dius at nasugu siginans banwa. Ngay tagbarita kaylat yangay nangasaful sabaliwa kafag ngay matuyan.

2 Pedru 1:21

Aroro Dius at ngay taglong at foyungan bundi siginan at ngay sadili amatanganan, nu bunway siginan tua at Masine fag Falad at gubuk laman kanya fagayu mafamoyung Dius at longan.

1 Samwel 1:14

Nu katanya, kanya nalong sa anya te, “Seduge ya ban nu glanguan o gugat? Deyud ya am fanlangu!”

1 Samwel 10:10

Saul ay at fagsuguan nu ndasug sas Gibya, sik ngay taglong nafablang duama. Ay Dius at Falad antayuk sa anya, ay kanya mafoyung yangay Dius at longan magamut kafag ngay taglong.