Fakamulun 2:3 - Fanawbuid tagsibaliwas Fakayabian

³ Ay kanya fagayu e nalag kata sik ngay igang ayu sirut ay antayuk sas galay at sadi.

Fakamulun 2:3 ပူးပေါင်းရင်းမြစ်များ

Fakasigadan 11:6

Yawi nalong te, “Kanya fag ngay taw masadi anggan at fangaringang. Tuy at famagsigad yay lang at fagnamakamulunun ban! Ay wa glugo ya namakamulun wan nusnge wain at fakaylatun.

Alubad. 55:9

Ku Fun, fasayuani anya fagayu gina gkamatoanan. Ay nalag au sanya fag furuan daul nu mauri ay nu yud mabayan.

Isayas 6:5

Nu katanya, nalong au te, “Afanyuan au! Matuyan wan umfaurianan au, aroro glong au gugat at mauri, ay gbanwan au magamut si sangay taw taglong gugat at mauri. Ay katsi, nalag au tam Fun, Yawi at Mabalyanan!”

Eremyas 23:29

O nunda ku ngay longan wa mabalyanan? Ku ngay longan kata sik afuy nu girug ay sik famulpug nu marufa gang.

Mateu 3:11

Gfasurung au ayu sasad mamam laman fagayu taw sumaful te, naubun wam ay ngay asalanan. Ay tagguyan ban angku fag taw gtungud yay angku nu mabalyanan. Kwa masine nusdi at fagsuguan laman tagbuba at lapak. Ay kanya namasurung ayu sat Masine fag Falad ay sas afuy.

Mateu 3:15

Ay Isus nabalus te, “Dewa, fasurungi wa angku. Aroro nu katanya tua, gfaning wata Dius at fakaylatun fagayu.” Ay Uan nafaning fia at longan.

Lukas 24:32

Ay duama gkamatoanan te, “Newa ngani mabayan tua aro nu gdungugan ta kaduge gfayamag sa anta Dius at Longan at masuad, o kin?”

Fakamulun 1:15

Ay ginanya fag ngay menit, sadik sandan duak safuluk tagafanud maful ay Pedru anlindug si sangay taw at daga salubangan ay gfoyung te,

Fakamulun 2:11

(ay sanya yangay ngay taw Udyu ay yud Udyu fag ngay taw at kinsadi sat fagafanudun) ay siginans furu Kreta ay talun Arabya. Dewa katanya, gtogdungug tam anya fagayu nu garingang sa tam ngay fangaringang laman gfoyung sabaliwa Dius at ngay nafakamulun at madulo.”

Fakamulun 2:2

Ay kaduge maful, sik awang daul siginans banwa andasug masakit kata sik maksvn fag tagmara ay ankapnu sat fagmafulan fag bale.

Fakamulun 2:4

Ay at Masine fag Falad antayuk sa anya fagayu. Ay kanya fagayu naringang at fagyudun saful fag ngay fangaringang, siginan at Masine fag Falad at nafon fag fagmakatuun.

1 Kurintu 12:10

Ay nafon sa tibak taw fagmakatuun gfakamulun at madulo, ay sa tibak taw fagmakatuun gfayamag Dius at longan. Ay nafon yangay sa tibak taw fagmakatuun laman gtoglag te, o tagsi anya fag falad siginan at Masine fag Falad ay o mannga siginan way at mauri fag falad. Ay nafon sa tibak taw fagmakatuun garingang sat fagyudun togdungug fag fangaringang, ay nafon sa tibak taw at fagmakatuun gfayamag kafag ngay fangaringang at masuad.

Santiagu 3:6

Tam leplep kata sik afuy. Sanya ginan wan ngayuk mauri. Kanya sik afud tam bilug tagfae fagmauriun sas fagdaul tam bilug ay tam ugali. Ay kanya sik afuy siginans Afuy Daul ay gfaurianan antam.

At Nafasure 11:3

Dewa katanya gsugu kban ku tagfatuyan fagdua tagalanbungan at mataras fag lanbung, ay kaduge ban sadik libu duak sandan unumk safuluk menit, kanya ban gfoyung Dius at longan.”

At Nafasure 14:6

Ay sanya ginan nalag au sadi yak tagbarita nu glayug sis kiwang gbuba at Masine fag Barita at yud e fakatabuan, ay kanya gfoyung sas fagayu taw tagbanwan sas fagdaul daga, sas fagayu talun, ay sas fagayu kasugfunanan, ay sas fagayu fangaringang, ay sas fagayu gaban taw.