Fakamulun 19:9 - Fanawbuid tagsibaliwas Fakayabian

⁹ Dewa katanya, tibak taw kamaogatun at ngay amatanganan, sarokta wa kaylat gdungugan, ay kanya fagayu gfasaful sas fagngayuan te, wa matuyan at foyungan sabaliwas Isus. Nu katanya, Pablu ay anggan sanya fag ngay tagafanud nalao wan sanya ginan fag bale fakafulan, ay kayu menit, Pablu nangaful sas Tiranus at fagagbilugun fag fagadalan, laman gfataglayun namoyung sas fagngayuan taw.

Fakamulun 19:9 ပူးပေါင်းရင်းမြစ်များ

2 Fun 17:14

Dewa katanya, kanya fagayu wa nafandungug. Kamaogatun way at ngay amatanganan kata at ngay mangaguyang at yud gafanud sat Dius Yawi.

2 Krunika 30:8

Nu katanya, lag am kamaogatun ay ngay amatanganan, kata ay ngay mangaguyang, nu bunway faningi tua Yawi. Nangaful am sas Dius at nafili fag bale, ay namakamulun am sa ay Dius Yawi, laman kanya gfalyam wan nu kadotama ayu maksvn.

2 Krunika 36:16

Dewa katanya, kafag ngay taw nafalingun way Dius at ngay taglong, ay naase ay nafaeyud e masuad at ngay foyungan. Nu katanya, Yawi andotama anya fagayu, ay we mafaragang ya at dotama,

Nemyas 9:29

Ay nalong o sa anya fagayu te, Lag kalyam ngay faugali. Dewa katanya, kanya fagayu kamatungudun way gugat ay wa nafaning am ngay suguan. Ay wa yangay nafaning am ngay suguan tagfon leleg. Ay kanya fagayu nafamabo ay natalyuyan emu ay wa kaylat gdungugan.

Alubad. 95:8

Dius glong te, “Lag am kamaogatun kata ay ngay mangaguyang at nafakamulun, gina kanya fagayu sis Meriba, ay sis Masa, sit yud e taw fag talun.

Fangatulun 8:34

Masine sik taw at amatanganan nu sa tua gugat angku, laman gdungugan angku.

Isayas 8:14

Au ban ay fagsarirungan. Dewa katanya, nu sa sangay taw Israel ay sa sangay taw Uda, kata kway sik fakataidan fag gang. Ay nu sa sangay taw tagbanwan sis Erusalem, kata kway sik sangdaw.

Eremyas 19:15

“Yawi at Mabalyanan, Israel at Dius, glong te, ‘Namadasug kban sanya fag furuan ay sa sangay furuan ayu sirut sit ligung ku nalong fag faurianan aroro kanya fag ngay taw kamatungudunun ay wa gdungugan ku ngay longan.’ ”

Eremyas 7:26

Dewa katanya, wam nadungugan ay nafaning kanya fag ngay taglong. Ay ay ngay amatanganan amogat yap ay ngay mangaguyang at amatanganan, ay ay ngay fakamulun amauri yap ay ngay mangaguyang at nafakamulun.

Mateu 15:14

Fabayani wa anya, aroro kafag ngay taw takata way sik taw yud glag tagtabanan sik taw at yud yangay glag. Ay fagdua ro kabulsu way sasad lusung.”

Mateu 16:4

Ay fagyalagunun sik mabalyanan fag fakamulun aroro mauri wayam fag ngay taw ay at yud matuyan sas Dius. Ay wa ban e gfalag ya sa ayu takatanya sas day at kinfasludan sas Dius at taglong Unas.” Ay Isus naubun kafag ngay taw ay nalo wan.

Mateu 26:55

Ay ginanya Isus ginto sanya fag ngay taw te, “Nataw ay fagsteun ngayu gafisoan ay e ngay ba famalang? O nanggamat am angku kata nu ggamat am sik tagfangkamul? Kayu menit malunggung kway sis Dius at bale ay gfoyung, ay diam nagamat angku.

Uan 12:40

“Dius nafayud glag kafag ngay taw, ay nafaogat at ngay amatanganan. Ay Dius glong te, Nafakamulun au takatanya, laman kafag ngay taw ban wa glag ay wa gtogdungug, ay wa ban kafoli sa angku laman namafia au anya fagayu.”

Fakamulun 11:26

Ay nu nalag Saulu, nataban sas furuan Antiukya. Ay kanya fag dua gbanwan magamut si sangay tagafanud kaduge sik banwa, ay kamoyung sas ngayuk taw. Sis Antiukya wan tam Fun nu gfangayan at ngay tagadal taguna te, Tagafanud sa tam Fun Isus.

Fakamulun 14:4

Ay sanya fag furuan at ngay taw wa masadi. Tibak taw gfaning taw Udyu ay tibak taw gfaning Isus at ngay tagadal.

Fakamulun 17:4

Tibak taw nafanud sas Pablu at foyungan ay tibak taw ansadi yangay sas duama. Ay ngayu yangayk taw Gresya tagseg Dius ay takadungug fag ngay mangena at kinsadi sas duama.

Fakamulun 19:23

Ay ginanya, anke awayan sis furuan Efesu sabaliwa sangay foyungan sabaliwas Isus.

Fakamulun 19:30

Ay Pablu ganangaringangun oma, dewa katanya, ngay tagafanud sanya nasalag way.

Fakamulun 20:31

Nu katanya, mataganani, ay amatangani te, kaduge tuluk banwa gfoyung kwa gugat ayu, at kaksvnan gwayway au kayu menit ay yabi.

Fakamulun 22:4

Nafauri au ay gugatan namabul fagayu tagfaning ngay foyungan sabaliwas Isus. Ay nagamat au fagayu mangama ay mangena, ay nafaubung.

Fakamulun 24:21

Malgau ro, at foyungan te, gsalan au ebi ku nalong gina au sit ngay daga salubangan, aroro mabitsug au nalong te, ‘Gafanud au te, at ngay kinbul ban gdog yay gleleg, kanya wan fagnafoyungun angku katsi sim daga salubangan.’ ”

Fakamulun 28:22

Ay dewa katanya, kaylat ami gdungugan nusnga setaw am fagyalongun, aroro saful wami te, nusnga ndaginan ngayuk taw takauri sam naylatan fag fagafanudun.”

Fakamulun 7:51

Sanya ginan, Esteban nalong te, “Kamaogatun am ay amatanganan! Ay wam kaylat gdungugan ay gfaning Dius at foyungan. Nu setain ay mangaguyang at fakamulun, katanya yangay ay fakamulun. Ay gfauri am gugat at Masine fag Falad.

Fakamulun 9:2

laman nanget sik rirukan at fagfalagun sa sangay taw Udyu sa sangay bale fakafulan sis Damasku, laman mananggamat ngay mangama ay ngay mangena tagfaning at foyungan sabaliwas Isus, ay arodi namuba sas Erusalem laman nangubung.

Ruma 11:7

Katsi malong tam te, ngay taw Israel wa nafabul at fagyabulun. At nafabul, Dius way lang at nafili fag ngay taw. Ay tiba kamaogatun way at ngay amatanganan.

Ruma 9:18

Nu katanya, Dius kafanyu tua at fakaylatun kafanyu, ay nusnga sinu takamabo anya gfaksvn at fakamaboun.

1 Kurintu 16:9

Aroro umke buknga au gfakamulun ku fakamulun ste, dewa ngayu tagsalag angku.

1 Timuteu 6:5

Kanya fagayu kaylat kamabadbaboan ay wa matuyan at ngay amatanganan ay wa saful at matuyan. Kanya fag ngay taw at amatanganan, fagfaningun Dius sik balyawvtan way laman karamraman.

2 Timuteu 1:15

Nasaful o te, fagayu ku ibama tagsis talun Asya naubun wan angku, ay anggan yangay duama Figelu ay Ermugenes.

2 Timuteu 3:5

ay kamaningan glong te, “Gfaning ami Dius,” dewa katanya, we kalag sit ugali ay sit fakamulun. Lag o gfaning takatanya fag ngay taw.

2 Timuteu 4:2

nusnga ginain, mafalganani nu gfoyung o Dius at longan; turuni tagdungugan emu at ngay ugali siginan am longan, ay salagi nu gfakamulun at yud matuyan, ay faksvni at ngay amatanganan siginan nu gugatan o gfoyung.

Ebreu 3:13

Nu katanya, kayu menit ay kaduge e buknga yay, masine nu gfadfamatangan am, laman diam e gadayan asalanan tagfae fakamaboun ayu.

2 Pedru 2:12

Ay kanya fag ngay taw gfalingun nusnge wain deyud saful. Kanya kata way sik mangilafang at yud e amatanganan. Ay at faginsalugun laman taw ggamat ay gfabul anya. Kanya ban fag ngay taw kabul kata ngay mangilafang.

2 Pedru 2:2

Ay ngayu ban tagfaning kanya fagayu at ngay ugali, ay siginan ban takatanya tibak taw namalingun tam fagfaningun fag foyungan at matuyan.

Udas 1:10

Dewa katanya, kanya fag ngay taw gfalingun nusnge wain at fagyudun gtogdungug. Kanya fagayu we amatanganan kata way ngay mangilafang, ay at fagfakamulunun at sadili way fakaylatun at namamin ban anya fagayu.