Fakamulun 19:1 - Fanawbuid tagsibaliwas Fakayabian

¹ Kaduge Apulus sis furuan Kurintu, Pablu nalao sa sangay buksul sanya fag afud talun ay andasug sas furuan Efesu. Ay nalag sanya sik ngay tagafanud,

Fakamulun 19:1 ပူးပေါင်းရင်းမြစ်များ

1 Kurintu 16:12

Ay nu saman tam faduksay Apulus, naet au sa anya te, nansiboi ayu sanya gadgaloan tiba tam faduksay. Dewa katanya, kanya fagayu ya manansibo ayu, gfanya yay sik buknga.

1 Kurintu 1:12

Katatuy ku longan at masuad: am tiba glong am te, “Au, gfaning au Pablu.” Ay at sadi glong te, “Au gfaning au Apulus.” Ay tibak taw glong yangay te, “Au gfaning au Pedru.” Ay tiba glong te, “Au gfaning au tam Fun Isus.”

Fakamulun 18:1

Ay sanya ginan, Pablu nalao wan siginans Atenas ay nataglayun sas Kurintu.

Fakamulun 18:8

Krispu, tagfangguna sanya fag bale fakafulan, ay at fagyafunan gafanud sa tam Fun, ay ngayuk taw Kurintu at nafanud ay at kinsurung nu nadungug Pablu at foyungan.

Fakamulun 19:17

Ay fagayu taw Udyu ay taw Gresya tagbanwan sis Efesu nadungug takatanya, ay andasug sik fakalimuun daul sa anya fagayu. Ay ankugat nu gseg tam Fun Isus.

Fakamulun 19:26

Ay nalag wam ay nadungug te, Pablu nagewan ngayuk taw sis furuan Efesu ay sas fagdaul talun Asya. Kanya gfoyung te, taw at nawat fag ngay fagsegan bunwa at matuyan fag fagsegan.

Fakamulun 20:16

Wami nadalan ya furuan Efesu, aroro Pablu wa kaylat gfangulan at buknga sis talun Asya. Aroro kanya at fakaylatun si was nangus Erusalem gina yud andasug fagmafulun Pentekustes.

Fakamulun 20:18

Ay at ngay fagtainan nu ndasug wan, Pablu nalong sa anya fagayu te, “Nasaful wam ku ugali gina au gugat si ayu, siginan taguna fag menit nu kadasug au sas talun Asya.

Fakamulun 21:29

(At fagnalongun katanya, aroro nalag Trufimu fag taw Efesu nu nangalo Pablu sas Erusalem, at amatanganan yangay te, Pablu nataban anya sas Dius at bale.)

1 Kurintu 4:6

Ku ngay faduksay, ami Apulus ay fagfaningan laman e tungkul tuam, ay sumaful am at masuad sik faydayuanan te, “Lag glangfe at Rirukan.” Ay laman nusnga sinu am wam e kamatungudun te, ami fag ngay nasugu at sadi gtungud tua em iba.

1 Kurintu 15:32

Ku fawayan ste sis furuan Efesu kata sik ngay idu talun tagfangagat, ay we tungkul nu gfawayan au nu sa ways taw at leleg katsi. Nu matuyan way ro te, Dius ban wa gfadog ya gfaleleg at ngay kinbul, at masine, “Gfangon yakman lang tam ay ginum, aroro balabag ban manga kabul watam.”

1 Kurintu 16:8

Ay ku algan gbanwan kyay ban sis furuan Efesu yakmay ban andasug Pentekustes fag fagmafulun.

Efesu 1:1

Au Pablu, tam Fun Isus at nasugu kata Dius at fakaylatun. Griruk au sa ayu, Dius at nafili fag ngay taw sanya sfuruan Efesu, at matuyan fia tagalo tam Fun Isus.