Fakamulun 18:3 - Fanawbuid tagsibaliwas Fakayabian

³ ay aroro Pablu sik takawat yangay bale ramit kata dadwa, kanya gbanwan yangay sanya ay gfakamulun.

Fakamulun 18:3 ပူးပေါင်းရင်းမြစ်များ

2 Fun 6:2

Nu katanya, nantaban ami emu laman nanfangkayu tam sas tigyangan Liskung Urdan. Sanya, ngayu fag kayu, ay sanya wa ro nu kawat tam tam fagmafulan fag bale.” Ay Elisyu nalong te, “Agvd, loi wan.”

1 Kurintu 4:12

Ay gfakamulun ami laman e fakonun tuami. Ay gdarangin ami ngay taw tagfauri emi. Ay gagwanta ami nu e gfaidapan emi.

1 Kurintu 9:14

Ay katanya yangay tam Fun at suguan te, tagfoyung at Masine fag Barita, siginan wan at fagfoyungan nu gbul at ngay fagayudanun.

1 Kurintu 9:15

Ay dewa katanya kwa gfakamulun takatanya. Ay kwa griruk sa ayu laman gfon am angku ay fanggubukun. Ay dewa au gakabulun wan, kwa get sa ayu nusnge wain, laman ban we gfae yud e tungkul ku fakamatungudunun.

1 Kurintu 9:18

Nu katanya, nataw ku fagfanyaun fag famayad? Nu gfoyung au at Masine fag Barita kwa get famayad, dewa au masine gbul aroro sik takamoyung au at Masine fag Barita.

2 Kurintu. 11:7

Ay gina au gfoyung sa ayu at Masine fag Barita, kwa naet famayad siginan ayu. Nafamababaun au laman ggubuk ayu sabaliwa nu kaksvn ay fagafanudun. O takatanya ku fakamulun gfae asalanan way angku?

2 Kurintu. 11:9

Ay gina au magamut si ayu, deyud au e kwa ya, kwa nafaidapan nusdi at sadi si ayu, aroro tam ngay faduksay siginans talun Masidunya nafosuk tua sa emi at fanggubukun. Siginans fakasigadan nasaruy au laman kwa gfaidapan ayu sas nusnga setaw fag balyawvtan, ay sas fagayu buknga gfakamulun au takatanya.

2 Kurintu. 12:13

Nataw at masine ku nafakamulun sa tibak furuan ku yud nafakamulun sa ayu? Kwe nafakamulun tiba, sas day nu yud au naet nusnga setaw sa ayu. Falyami wan kanya ku kakurangan sa ayu.

1 Tesalunika 2:9

Em ngay faduksay, gamatang yay ro am em nainlufuyan ay em nainkidapanan. Nafakamulun ami fagngabak menit ay yabi laman dimi nafaidapan sas nusnga sinu si ayu kaduge ami gfoyung Dius at Masine fag Barita sa ayu.

1 Tesalunika 4:11

Ugatani banwani manabayan. Lag am kasalag ay iba nu mabanwan, nu bunway ugatani tua sa ay sadili fakamulun kata em longan ayu,