Fakamulun 17:14 - Fanawbuid tagsibaliwas Fakayabian

¹⁴ Nu katanya, sanya fag ngay tagafanud nataban Pablu sas tigyangan dagat, ay dewa katanya Silas ay Timuteu anfamato yay sis Berea.

Fakamulun 17:14 ပူးပေါင်းရင်းမြစ်များ

Fakamulun 17:10

Ay ginanya yangay fag yabi, ngay tagafanud nasugu Pablu ay Silas sas furuan Berea. Ay duama nu ndasug sanya, nasakbo sa sangay taw Udyu at bale fakafulan.

Mateu 10:23

Ay sik furuan at taw nu gfauri way ayu, lagyui sat fadogan fag furuan. Aroro matuyan nu glong au ayu te, ya ban am nadasug ngay taw Israel at ngay furuan tiba, au, Taw at Baguama, yakmay kban andasug.

Fakamulun 16:1

Sanya ginan, Pablu ay anggan at ufud nataglayun ay andasug sas furuan Derbe ay Listra. Ay sanya, e sik tagafanud at ngayan Timuteu, at mina sik taw Udyu ay sik tagafanud yangay, ay at mama sik taw Gresya.

Fakamulun 9:30

Ay ngay tagafanud nu nasaful kafag ngay taw Udyu at algan, kanya fagayu nataban Saulu sas furuan Sesaria ay nafauli sas furuan Tarsu.

Fakamulun 9:25

Dewa katanya, sik yabi, Saulu at ngay tagadal nasuad anya sa sik bang ay nafatagbung sas day alad.

Titu 1:5

Nafamato au emu sis Kreta laman namasine o ku nayud nafatabu. Kata ku suguan emu, filii tagfagtainan si sangay furuan.

1 Timuteu 1:3

Kata ku longan emu gina au glo sas Masidunya te, banwani yap sis Efesu laman nansalag o tibak taw sanya tagsalan at foyungan.

Fakamulun 20:3

ay nabanwan sanya tuluk magdanun. Ay nu galoun wan sas Sirya, nasaful te, ngay taw Udyu e algan namabul anya. Nu katanya, namatangan te, kafoli way, ay sa way bans Masidunya nu glao.

Fakamulun 19:22

Ay Pablu nafaguna Timuteu ay Erastu sas Masidunya, kafag duama taggubuk anya sas Dius at fakamulun, dewa katanya, sia anfamato yay sis Asya.

Fakamulun 15:22

Nu katanya, Isus at ngay nasugu ay ngay fagtainan, anggan fagayu tagafanud namatangan te, Masine nu gfili tam siginan antam nu seyuk mangama laman at nangalo Pablu ay Bernabe sas furuan Antiukya. Ay kanya fagayu nafili Silas ay Udas at ngayan yangay te, Barsabas. Ay kanya fag dua tagfangguna ngay tagafanud.

Uswe 2:16

Rakab nalong sas duama te, “Nu glo am, sa yakman sa sangay buksul laman ro at namafalo ayu wa glag ayu. Suksuani sanya tuluk menit yakmay kanya fag ngay taw anfoli stae. Sanya ginan, masine wam guli.”

Fakamulun 1:15

Ay ginanya fag ngay menit, sadik sandan duak safuluk tagafanud maful ay Pedru anlindug si sangay taw at daga salubangan ay gfoyung te,

Fakamulun 17:4

Tibak taw nafanud sas Pablu at foyungan ay tibak taw ansadi yangay sas duama. Ay ngayu yangayk taw Gresya tagseg Dius ay takadungug fag ngay mangena at kinsadi sas duama.

Fakamulun 17:6

Ay kanya fagayu wa nalag duama, nu katanya, at nagamat Asun way ay tiba yak tagafanud. Ay kanya fagayu naguyudan kafag ngay tagafanud sa sangay tagfangguna at daga salubangan, ay guro te, “Kafag duama gfae fagawayanun nusnga nday siginan at ngay foyungan, ay katsi, andasug stie sa tam furuan.

Fakamulun 17:15

Ay at nanangufud Pablu nanangalo yay sitsigons furuan Atenas. Sanya ginan, at ngay nanangufud Pablu anfoli sas Berea laman namasaful sas Silas ay Timuteu Pablu at suguan te, “Dewa gina, guyani wa vtv angku.”

Fakamulun 18:5

Silas ay Timuteu nu ndasug wan siginans talun Masidunya, Pablu nafalganan fagdaul at buknga laman kamoyung, ay gfoyung sa sangay taw Udyu te, Isus, Dius at nafili fag Fun.