Fakamulun 17:12 - Fanawbuid tagsibaliwas Fakayabian

¹² Ay nu katanya, ngayuk taw Udyu at nafanud sis furuan Berea, katap yangay sanya sik ngay mangena siginans Gresya at ke fanambagun sit furuan, ay anggan yangay sik ngay mangama Gresya at nafanud.

Fakamulun 17:12 ပူးပေါင်းရင်းမြစ်များ

Markus 15:43

Use tagsiginans Arimatea, nafaksvn at amatanganan laman nanget sas Pilatu Isus at bilug. Ngay taw gsuyu tua anya, ay kanya sik tagfangguna yangay sa sangay taw Udyu. Kanya gfanya Dius nu gfagtainan.

Uan 7:17

Nusnga sinu takaylat gfaning Dius at fakaylatun, sumaful te, ku foyungan siginans Dius ay mannga siginan way ku sadili.

Fakamulun 13:46

Dewa katanya, Pablu ay Bernabe mabitsug nu gbalus te, “Sa way nangus ayu fag ngay taw Udyu taguna nu gfoyung Dius at longan. Dewa katanya, wam naylat, nu katanya, kanya wan tagfatuyan te, wam masine kae afud sas leleg at yud e fakatabuan, nu katanya, katsi glo wami sas yud Udyu fag ngay taw laman nanfamoyung.

Fakamulun 13:50

Ay ngay taw Udyu ankuri duama ay nasugu sa takadungug fag ngay mangena tagseg Dius, ay anggan sa sangay mangama ke fanambagun sit furuan laman namabadbaboan duama ay nangaiyan siginan at talun.

Fakamulun 14:1

Sanya ginan, Pablu ay Bernabe andasug sas furuan Ikunyu ay nasakbo sas taw Udyu at bale fakafulan. Ay duama nafoyung at Masine fag Barita, ay ngayuk taw Udyu ay taw Gresya at nafanud.

Fakamulun 2:47

ay gseg gugat Dius, ay galay at sadi guseganan. Ay kayu menit tam Fun gfamut ngay taw takalangfe.

1 Kurintu 1:26

Ku ngay faduksay, amatangani ay kayaunanan gina Dius guro ayu. Wa ngayu si ayu at mamatanganan, kata ste swa daga fag fagmamatanganun, ay wa ngayu si ayu at mabalyanan ay takadungug fag gaban taw.

Efesu 5:14

Ay at nayamagan matuyan nasasad mayamag. Kata sik longan te, “O fag taw tagtiug, afuloi wan, ay abangkadi siginans fakabulun, ay tam Fun Isus dumamlag emu.”

Santiagu 1:10

Ay at maramraman fag tagafanud, masine nu guseganan te, Dius nafababa anya. At matuyan, at maramraman fag taw kalyam way kata sik makmak.

Santiagu 1:21

Nu katanya, ubuni wan fagayu at mauri fag fakamulun ay fagayu at yud masine fag ugali. Ay famababauni tua nu gafanud am sas Dius at longan at nafon sa ayu, at kintanum sa ay ngay amatanganan, aroro kanya wan at mafalangfe ayu.