Fakamulun 15:9 - Fanawbuid tagsibaliwas Fakayabian

⁹ Dius nu gdama yud Udyu ay antam fag ngay taw Udyu, gsud way, aroro Dius nafasine yangay yud Udyu at ngay amatanganan gina kanya fagayu anke fagafanudun.

Fakamulun 15:9 ပူးပေါင်းရင်းမြစ်များ

Alubad. 51:10

Dius, foni angku at matuyan fag amatanganan, ay fafolii ku fagmatuyanun.

Esekyel 47:22

Am ban ay anggan tagsiginan tibak talun tagbanwan si ayu at kinke sisian at nangagbilug tuy fag daga. Tuyani anya fagayu te, ngay taw Israel, ay foni ban sik afud daga siginan sangay taw Israel at daga.

Fakamulun 10:15

Ay kafag aringang glong yay fia te, “Dius at ngay nafasine lag o gtuyan te, masuya.”

Fakamulun 10:28

nu katanya, kanya nalong sa anya fagayu te, “Nasaful wam te, wa masine sik taw Udyu nu gfagadgalangan sik yud Udyu fag taw ay nusdi at nansibo sat bale. Dewa katanya, Dius nafalag angku te, ‘Lag o gtuyan te, masuya nusnga sinu fag taw.’

Fakamulun 10:34

Ay Pedru gfasigad gfoyung te, “Katsi nasaful au te, Dius we fagfili taw.

Fakamulun 11:12

Ay at Masine fag Falad nalong sa angku te, ‘Lag o gadgaragun nangalo anya.’ Ay unumk tagafanud nanangalo angku. Ay nu ndasug ami sas furuan Sesaria, nasakbo ami sas Kurnelyu at bale.

Fakamulun 14:1

Sanya ginan, Pablu ay Bernabe andasug sas furuan Ikunyu ay nasakbo sas taw Udyu at bale fakafulan. Ay duama nafoyung at Masine fag Barita, ay ngayuk taw Udyu ay taw Gresya at nafanud.

Fakamulun 14:27

Ay duama nu ndasug sanya, nafaful ngay tagafanud ay nafoyung sa anya fagayu sabaliwa Dius at ngay nafakamulun, ay at balyawvtan laman at yud Udyu fag ngay taw gafanud.

Ruma 3:22

Dius natap fagayu taw kata nu yud e asalanan siginan nu gafanud sas Isus tam Fun, aroro Dius di e fagfili taw.

Ruma 3:9

Nu katanya, tain katsi tam fagmalongun? O ami fag ngay taw Udyu, gtungud tuami yud Udyu fag ngay taw? Duan. Aroro nalong wami te, fagayu taw, dewa taw Udyu ay dewa taw Gresya, si ways asalanan at daga fagmabalyananun.

Ruma 9:24

Itam wan Dius at nauro fag ngay taw, bundi lang ngay taw Udyu, nu bunway anggan yangay at yud Udyu fag ngay taw.

1 Kurintu 1:2

Griruk ami sa ayu, Dius at ngay taw sis Kurintu, am at nafili siginan nu nsadi am sa tam Fun Isus. Ay Dius nauro ayu laman sik ngay yud tuam e malong, gasfuan fagayu nusnga nday at natoglag tam Fun Isus, fagayu tagafanud at Fun.

1 Kurintu 7:18

Sik taw nu e fakatoglagan wan gina Dius guro anya, lag gfabali ya at fakatoglagan. Ay sik taw at yud e fakatoglagan gina Dius guro anya, lag gfae fakatoglagan ya.

Galasya 3:28

Nu katanya, we fagsamanun ya taw Udyu ay yud Udyu, ngay fagsuguan ay yud fagsuguan, mangama ay mangena. Fagayu am masadi tuam aroro sa ay nasadian sa tam Fun Isus.

Galasya 5:6

Aroro nusnga sinu at kinsadi sa tam Fun Isus, we tungkul ya dewa e fakatoglagan ay yud e fakatoglagan. Nu bunway, at mafanud, ke fagafanudun tua takalag sit fakamulun siginan nu mafangesug.

Efesu 3:6

Katatuy Dius at algan at masuksukan: aroro ngay yud Udyu gafanud yangay sat Masine fag Barita, kanya fagayu mul yangay Dius at famonun kata ngay taw Udyu. Kafag duak gaban ansadi sa sik bilug, ay kanya fagayu mul Dius at fatuyanan fag famonun aroro siginan at fagmasadiun sa tam Fun Isus.

Kulusas 3:11

Nu katanya, fagayu taw gsud way, dewa taw Gresya, ay taw Udyu, ay at ke fakatoglagan, ay at yud e fakatoglagan, ay at nafoyungan fag taw, ay at yud yay nafoyungan, ay sik fagsuguan, ay yud fagsuguan. Tam Fun Isus way lang at mafanud, ay kanya tagsi ayu fagayu.

1 Pedru 1:22

Siginan nu gfaning am at matuyan, katsi masine tuam ay kedkesugan laman sik ngay tagfaduksayan. Nu katanya, faksvni ay famafanudi fia nu kedkesugan am.