Fakamulun 15:4 - Fanawbuid tagsibaliwas Fakayabian

⁴ Ay kanya fagayu nu ndasug sas Erusalem, sanya fag ngay tagafanud, ngay nasugu ay at ngay fagtainan, guseganan gfasakbo anya fagayu. Sanya ginan, Pablu ay Bernabe nafoyung sabaliwa Dius at ngay nafakamulun.

Fakamulun 15:4 ပူးပေါင်းရင်းမြစ်များ

Mateu 10:40

“Nusnga sinu tua takaylat ayu, kaylat yangay angku. Ay nusnga sinu takaylat angku, kaylat yangay at nasugu angku.

Fakamulun 11:30

Ay kanya fagayu nafaful at fanggubukun, ay nafabuba sas Bernabe ay sas Saulu laman namosuk sa sangay fagtainan bale fakafulan.

Fakamulun 14:27

Ay duama nu ndasug sanya, nafaful ngay tagafanud ay nafoyung sa anya fagayu sabaliwa Dius at ngay nafakamulun, ay at balyawvtan laman at yud Udyu fag ngay taw gafanud.

Fakamulun 15:12

Ay fagayu tagsanya nu nadungug takatanya, namaragangan way lang. Ay kanya fagayu nadungugan Pablu ay Bernabe nu gfansulitan sabaliwas Dius at nafakamulun sa anya fagayu gina duama magamut sis yud Udyu fag ngay taw. Duama nafakamulun at ngay madulo ay at mabalyanan tagfatuyan te, Dius si anya.

Fakamulun 15:2

Nu katanya, Pablu ay Bernabe gfabadbaboan kanya fag ngay taw tagsiginans Udea. Ay ngay tagafanud sis Antiukya nafili Pablu ay Bernabe laman glao sas Erusalem gadgaloan tibak tagafanud ay namakamatoan sanya fag ngay nasugu ay fag ngay fagtainan sabaliwa nu gfae fakatoglagan.

Fakamulun 15:22

Nu katanya, Isus at ngay nasugu ay ngay fagtainan, anggan fagayu tagafanud namatangan te, Masine nu gfili tam siginan antam nu seyuk mangama laman at nangalo Pablu ay Bernabe sas furuan Antiukya. Ay kanya fagayu nafili Silas ay Udas at ngayan yangay te, Barsabas. Ay kanya fag dua tagfangguna ngay tagafanud.

Fakamulun 15:3

Nu katanya, ngay tagafanud sis furuan Antiukya nasugu duama ay tiba yak tagafanud. Ay kanya fagayu gina gdalan sas talun Fenisya ay Samarya, nafasaful te, e ngay yud Udyu tagafanud wan sas Isus. Ay sanya fag ngay tagafanud maksvn nu guseganan.

Fakamulun 15:6

Nu katanya, Isus at ngay nasugu ay at ngay fagtainan anful laman gkamatoan sabaliwa takatanya.

Fakamulun 16:4

Sas fagayu at fagsiboan fag ngay furuan, Pablu ay anggan at ufud nanamasaful sa sangay tagafanud, ngay nasugu ay sis Erusalem fag ngay fagtainan at nasadian fag ngay faugali laman gfaning tua.

Fakamulun 18:27

Ay Apulus nu galoun wan sas talun Akaya, at ngay tagafanud sis Efesu nafaksvn at amatanganan ay nariruk sa sangay tagafanud sis Akaya laman gfasakbo fia anya sat bale. Ay Apulus nu ndasug sanya, gbia at fanggubukun sa sangay taw at nafanud siginan Dius at fagmagalangun.

Fakamulun 21:17

Nu ndasug ami sas Erusalem, sanya at ngay tagafanud guseganan mandi gfasakbo emi sat bale.

Fakamulun 21:19

Sanya ginan, Pablu nalong sanya fagayu te, nangus manabayan tuam. Arodi, nafoyung Dius at ngay nafakamulun sas yud Udyu fag ngay taw, siginan Dius at gubuk anya.

Ruma 15:18

Aroro kwa gfakamulun nusnga setaw nu nanfamatungudun kway, nu bunway ku fagfakamulunun tam Fun Isus tua at fakamulun, laman siginan ku foyungan ay ku fakamulun at yud Udyu fag ngay taw gfaning tua Dius.

Ruma 15:7

Kata tam Fun Isus nu guseganan kaylat ayu, katanyai yangay ay fakamulun sas galay am at sadi, laman gfauseganan tuam tam Dius.

1 Kurintu 15:10

Ay dewa katanya, siginan tam Dius at fagmagalangun, ansik nasugu kyangay. Ay di nfangulan Dius at nafon angku, nu bunway naugatan ktua nafakamulun gtungud yay ku ngay ibama at nafakamulun. Dewa katanya, bunwa siginan ku sadili fagmakatuun, nu bunway siginan tua tam Dius at fagmagalangun sa angku.

2 Kurintu. 5:19

Katatuy ku longan at masuad: siginan tam Fun Isus, Dius nafafoli fagayu taw sa anya, ay wa ban gamatangan ya kafag ngay taw at asalanan. Ay kanya nafatigwanan wan sa emi takatanya laman namafoli ami ngay taw sa anya.

2 Kurintu. 6:1

Ami, taggubuk Dius at fakamulun, maksvn nu glong ami ayu te, lag am gfayud e tungkul Dius at nafon antam fag fagmagalangun.

Kulusas 4:10

Aristarku, ku ufud iste sis fagubungan taw, glong ayu te, O manabayan tuam? Katanya yangay anggan Markus, Bernabe at lagbe. Useganani fia fasakboi Markus nu ndasug sanya, kata ku suguan ayu.

2 Uan 1:10

Sik taw nu ndasug sa ayu, ay at foyungan way kata em foyungan, lag gfasakbo sa ay bale ay lag gfagadgalangan.