Fakamulun 11:3 - Fanawbuid tagsibaliwas Fakayabian

³ Kanya fagayu nalong sas Pedru te, “Wain am fagnanangaloun ay am fagnafasfuanun gfangon ngay yud Udyu at yud yay nafae fakatoglagan?”

Fakamulun 11:3 ပူးပေါင်းရင်းမြစ်များ

Mateu 9:11

Ay sanya fag ngay taw Fariseu nu nalag, ginto sas Isus at ngay tagadal te, “Wain manga ay takamoyung nu gfangon fagfasfuanun ngay tagbul famayad laman sas fun ay anggan ngay tagasalanan?”

Lukas 15:2

Ay ngay taw Fariseu anggan ngay tagfoyung Muisis at Faugali gibugan te, “Kafag taw gfakamatoan way tagasalanan ay gfasfuan anya gfangon.”

Uan 18:28

Ay balabag di sbalabag sirut, kafag ngay taw nataban Isus siginan Kayfas at bale sas fun Pilatu at bale daul. Ngay taw Udyu wa nasakbo sanya fag bale laman we gfangayan anya fagayu te, masuya. Aroro kanya fagayu kaylat nu kon at yafun ginanya sit fagmafulun sabaliwa Tagbarita nu Glangfe.

Fakamulun 10:23

Ay Pedru nafasakbo kafag tuluk mangama kata sik ngay betaw. Ay balabag di Pedru ay tibak tagafanud sis Upa nanangalo kafag mangama tulu.

Fakamulun 10:28

nu katanya, kanya nalong sa anya fagayu te, “Nasaful wam te, wa masine sik taw Udyu nu gfagadgalangan sik yud Udyu fag taw ay nusdi at nansibo sat bale. Dewa katanya, Dius nafalag angku te, ‘Lag o gtuyan te, masuya nusnga sinu fag taw.’

Fakamulun 10:32

Sugui tuluk mangama sas furuan Upa laman nantaban Simun, at ngayan yangay te, Pedru. Kanya gbanwan sis Simun at bale sis tigyangan dagat. Simun sik tagfagong fagbaugun at balat.’

Fakamulun 10:48

Ay Pedru nasugu te, “Fasurungi anya fagayu sa tam Fun Isus at ngayan.” Ay sanya ginan, kanya fag ngay taw nalong sas Pedru te, “Banwani yap ste nu seyuk menit.”

1 Kurintu 5:11

Ku longan fia te, lag am gfadkaylatan ya sik taw taglong te, “Gafanud au sa tam Fun Isus,” ay aroro mangaro gfanugtug way, ay gfanganuran, ay gseg at yud matuyan fag fagsegan, ay glong at mauri sat iba, ay gfanlanguan, ay gfangkamul. Lag am gfasfuan gfangon takatanya fag taw.

Galasya 2:12

Aroro gina Santiagu at nasugu fag ngay mangama yud yay andasug, Pedru gfangon gfasfuan yud Udyu fag ngay tagafanud. Ay dewa katanya, Santiagu at ngay nasugu nu ndasug, Pedru wa kaylat ya gfasuglatan at yud Udyu fag ngay tagafanud, aroro kalimu ngay tagfoyung te, at yud Udyu fag ngay tagafanud masine nu gfae fakatoglagan.

2 Uan 1:10

Sik taw nu ndasug sa ayu, ay at foyungan way kata em foyungan, lag gfasakbo sa ay bale ay lag gfagadgalangan.