Fakamulun 10:3 - Fanawbuid tagsibaliwas Fakayabian

³ Ay sik menit gina sis fatulu sfafun, Kurnelyu nataginfan, ay nalag Dius at tagbarita at sadi, ay kafag tagbarita nalong te, “Kurnelyu.”

Fakamulun 10:3 ပူးပေါင်းရင်းမြစ်များ

Alubad. 55:17

Galay balabag ay swabilug menit anggan sfafun, gfoyung au gugat ku ngay fagidapun, ay gfandeng au laman get gubuk sas Yawi. Ay kanya gbalus tua angku.

Nu Galin 33:17

Yawi nabalus Muisis te, “Gfakamulun au am fagetun sa angku. Aroro guseganan au emu ay toglag kwa emu.”

Isayas 45:4

Nafili au emu laman nanggubuk o ku fagsuguan ay ku nafili fag ngay taw Israel. Nafauseganan au emu gina o yud natoglag angku.

Mateu 27:46

Ay gina sfafun sfatulu, Isus nauro daul te, “Eli, Eli, lama sabaktani?” At masuad te, “Ku Dius, ku Dius, wain am fagnaubunun angku?”

Lukas 1:11

Ay ginanya, tam Fun at tagbarita at sadi ansure sas Sakaryas. Ay kanya malindug sis day fagirugan famaebebanglu, sis fasiunan baliwa.

Lukas 2:13

Arodi vtv, ngayuk tagbarita ansure gfasfuan anya, ay gseg Dius ay glong te,

Fakamulun 10:17

Kaduge Pedru gamatangan at taginfan at masuad, Kurnelyu at ngay fagsuguan andasug, ay grvbvy Simun at bale, ay malindug sis day sakbawan alad,

Fakamulun 10:19

Ay kaduge Pedru gamatangan at taginfan at masuad, at Masine fag Falad nalong anya te, “Tuluk mangama grvbvy emu.

Fakamulun 10:30

Ay Kurnelyu nabalus te, “Ebi vtv sis fatuluk menit, kata yangay katsi sfatulu sfafun, gdarangin au si ku bale. Ay sik mangama masulo at lanbung andasug masakit ay namalindug si ku salubangan.

Fakamulun 10:9

Ay balabag di nu swabilug menit wan, Kurnelyu at fagsuguan fag tulu nu munakbang wan sas furuan Upa, Pedru nasas tungud bale laman nandarangin.

Fakamulun 11:13

Ay Kurnelyu nafoyung emi te, ‘Nalag au sik tagbarita si ku basad bale ay nalong angku te, “Sugui am fagsuguan sas furuan Upa laman nanlag Simun, at ngayan yangay te, Pedru.

Fakamulun 27:23

Aroro aro sad yabi Dius at tagbarita at sadi malindug si ku day tigyangan. Dius, ku fagsegan ay ku fagfaningan at nafadasug ste,

Fakamulun 3:1

Sik menit, gina sis fatulu sfafun, Pedru ay Uan nalao sas Dius at bale laman nandarangin, aroro ginanya fandaranginan.

Fakamulun 5:19

Ay ginanya fag yabi tam Fun at tagbarita andasug ay naluang ubung dingding sakbawan ay nafaduksun ngay nasugu, ay glong te,

Fakamulun 9:10

Ay sis furuan Damasku e sik tagafanud at ngayan Ananias. Tam Fun gfakamatoan anya siginan sik taginfan ay glong te, “Ananias.” Ay kanya nabalus te, “Nataw, ku Fun?”

Fakamulun 9:4

Nu katanya, Saulu anlub sas daga ay nadungug sik aringang te, “Saulu, Saulu, wain am fagfauriun angku?”

Ebreu 1:14

Nu katanya, ngay tagbarita, kanya Dius way at ngay fagsuguan, ay at nasugu laman at nanggubuk at fagfalangfeun fag ngay taw.

Ebreu 1:4

Nu katanya, kanya gtungud tua ngay tagbarita aroro Dius at nafon anya fag ngayan gtungud tua at ngay tagbarita at ngayan.