Fakamulun 1:3 - Fanawbuid tagsibaliwas Fakayabian

³ Ay nu nlangfe at nadalan fag ngay fagidapun, kanya ngayu ginan kasure sat ngay nasugu laman gfatuyan te, gdog wa gleleg. Ay kaduge ufatk safuluk menit, kanya nsure sa anya fagayu ay gfoyung sabaliwas Dius nu gfagtainan.

Fakamulun 1:3 ပူးပေါင်းရင်းမြစ်များ

1 Fun 19:8

Ay Elyas anfulo, ay nafangon ay nainum. Ay anfoli at fagmabitsugun, ay nalao kaduge ufatk safuluk menit ay ufatk safuluk yabi, ay andasug sas Kureb, Dius at nafili fag buksul.

Mateu 21:43

Nu katanya, glong au ayu te, Wa ban am umful sas Dius at fagfagtainanan. At kumful ban, tagfaning tua at fakaylatun.

Mateu 28:9

Ay kaduge sangaba dalan, Isus nafablang duena ay nafakamatoan. Ay duena ankakbang sas Isus ay nated at darafa, ay naseg anya.

Mateu 3:2

“Ubuni ay ngay asalanan, aroro munakbang wan Dius sas banwa nu gfagtainan taw.”

Mateu 4:2

Ay kaduge ufatk safuluk menit ay ufatk safuluk yabi Isus we naon, ay nu ntabu wan, kalunus.

Markus 16:19

Ay tam Fun Isus nu nalong wan sat ngay tagadal takatanya, e nafabat anya sas banwa ay kanya nananmalunggung sas Dius at siun baliwa.

Uan 20:26

Ay nu nlangfe waluk menit, at ngay tagadal gdog yay anful sisad bale magamut Tumas. Ay at ngay sakbawan matabingan, dewa katanya Isus nasakbo sasad bale ay malindug sit wabilug, ay kanya nalong te, “Si wa ayu fagmanabayanun.”

Uan 21:1

Ay sanya ginan Isus gdog yay gfalag anya sat ngay tagadal sas tigyangan Lino Galilea. Katatuy at kinfasludan.

Uan 21:14

Kanya at fatulu ginan Isus nu gfalag anya sat ngay tagadal siginan nu nadog naleleg.

Fakamulun 13:31

Ay ngayu yayk menit Isus nu gfalag anya sa sangay taw at naalo anya ebi gina glao sas Erusalem siginans talun Galilea. Ay katsi kanya fagayu gfatuyan yangay sa sangay taw Israel sabaliwa anya.

Fakamulun 19:8

Ay kayu Famiangalay fag Menit kaduge tuluk magdanun, Pablu nanakbo sanya sas taw Udyu at bale fakafulan. Ay kanya maseganama nu gfoyung ay gfayamag sabaliwa tam Dius nu gfagtainan.

Fakamulun 28:23

Ay kanya fagayu nafili sik menit laman gdog yay maful, ay ngayuk taw at kindasug sas Pablu at bale nu ndasug at nafili fag menit. Ay Pablu gfoyung sas fagayu taw siginans balabag yakmay anyabi, ay gfayamag sa anya fagayu siginan Muisis at Faugali ay siginan Dius at ngay taglong at ngay rirukan, sabaliwa Dius nu gfagtainan. Ay Pablu gugatan gfoyung sabaliwas Isus laman kafag ngay taw gafanud.

Fakamulun 28:31

Ay fagdaul at amatanganan di e gsalag nu gfoyung sabaliwa tam Dius nu gfagtainan ay sabaliwa tam Fun Isus.

Fakamulun 8:12

Ay dewa katanya, Felipe nu nafoyung sa kafag ngay taw at Masine fag Barita sabaliwas Dius nu gfagtainan ay sabaliwas Isus, Dius at nafili fag Fun, ngayuk taw at nafanud, ay kanya nafasurung ngayuk mangama ay mangena.

Ruma 14:17

Dius nu gfagtainan taw wa siginans fakonun ay fanginum, nu bunway siginan tua nu gbanwan matuyan ay manabayan, ay at ke fagusegananun siginan at Masine fag Falad.

Deuterunumyu 9:18

Ay namalub au sis Yawi at daga salubangan kaduge ufatk safuluk menit ay ufatk safuluk yabi. Kadugenya kwe naon ay kwe nainum, aroro sa ay nafakamulun fag ngay asalanan. Ay nafakamulun am at mauri sis Yawi at daga salubangan, ay siginan takatanya nafadotama am anya.

Deuterunumyu 9:9

Gina au gundaud sas buksul laman namul ngay dalifi fagrirukan Yawi at nasadian at nawat sa ayu, sanya kway gugat kaduge ufatk safuluk menit ay ufatk safuluk yabi, ay kadugenya kwa gfangon ay kwa ginum.

Kulusas 1:13

Ay kanya nafalangfe antam siginans fagmadulumun at fagmabalyananun ay nafalin antam sat fakesugun at Baguama at fagfagtainanan.

1 Tesalunika 2:12

ugalii at matuyan sis Dius at daga salubangan. Kanya nauro ayu laman gfagtainan ayu ay laman mafabul am at fagmasineun.

1 Uan 1:1

Griruk ami sa ayu em nadungug sabaliwa Tagfon leleg fag Longan. Ay siginans fakasigadan kafag Longan sanya wan, ay nadungug ami fia, ay nalag ay nated anya.