Ester 9:18 - Fanawbuid tagsibaliwas Fakayabian

¹⁸ Dewa katanya, sis furuan Susa, ngay taw Udyu gfataglayun yay nu gfabul at ngay fawayan. Ay sis falabi limak menit gina Adar fag magdanun kanya fagayu gtungkud ay guseganan.

Ester 9:18 ပူးပေါင်းရင်းမြစ်များ

Ester 8:11

Ay siginan kafag rirukan, nafasaful sa sangay taw Udyu te, masine nu kaful laman gfalangfe at ngay sadili. Ay masine way gfabul nusnga sinu at namawayan anya fagayu siginan tibak gaban taw nusnga nday, ay laman gbalabag at ngay mangena ay at ngay sisian, ay nu gbul at ngay fawayan at ngay ramraman.

Ester 9:1

Gina sis falabi tuluk menit sis falabi duak magdanun, Adar fag magdanun, fun Akasuerus nafafasludan at suguan. Ginanya fag menit, ngay taw Udyu at ngay fawayan nu glong, mafamin way anya fagayu. Ay wa nfasludan kata at algan aroro mangaro ngay taw Udyu way at nafabul anya fagayu.

Ester 9:11

Ginanya yangay fag menit, fun nainsaful te, seyu at kinbul sis furuan daul Susa.

Ester 9:13

Ay Ester nalong te, “Mesug fag fun, nu kaylat tuo, aylati ngay taw Udyu tagbanwan ste sis furuan Susa nu namafasludan am suguan balabag, kata at nafakamulun katsi. Ay farabingi Aman at baguama fag safulu at ngay bilug at mabulan.”

Ester 9:15

Balabag di sis falabi ufatk menit gina Adar fag magdanun, ngay taw Udyu tagsis furuan Susa gdog yay maful ay nafabul tuluk sandank mangama. Dewa katanya, wa nabul kafag ngay taw at ngay ramraman.

Ester 9:2

Ginanya fag menit, ngay taw Udyu anful sat ngay furuan ayu daul ay sa sangay afud talun sis fun Akasuerus at fagfagtainanan laman namabul nusnga sinu at ke algan namawayan anya fagayu. Dewa katanya, we nafaskud aroro kanya fagayu kalimu ngay taw Udyu.

Ester 9:21

Ay sanya fag rirukan Mardukyu nalong sa sangay taw Udyu te, “Amatangani tua gugat sis falabi ufat ay sis falabi limak menit, galay Adar fag magdanun,”