Ester 8:9 - Fanawbuid tagsibaliwas Fakayabian

⁹ Nu katanya, gina sis faduak safulu e tuluk menit sis fatuluk magdanun, Siban fag magdanun, nafauro ngay tagalaga fun at ngay ramraman. Kanya fagayu nariruk Mardukyu at ngay nalong. Kanya fag rirukan laman sa sangay taw Udyu, sa sangay fun ayu sirut, sa sangay fun ay sa tibak tagfangguna tagsanya fag ngay afud talun fag sik sandan duak safulu e fitu, tagsiginans Indya sitsigons Etiupya. Ay nariruk takatanya sas fagayu gaban taw at fangaringang, anggan sa sangay taw Udyu at fangaringang.

Ester 8:9 ပူးပေါင်းရင်းမြစ်များ

2 Fun 18:26

Ay Elyakim, Sebna ay Ua nalong sas tagfangguna tagfawayan te, “Anin, nu gfakamatoan o emi sa yakmans taw Aram at fangaringang, aroro kanya way em fagtogdungugun. Lag garingang sas Ebreu fag fangaringang aroro tagsis alad furuan fag ngay taw gdungug way.”

2 Krunika 15:10

Kanya fagayu anful sas talun Erusalem, gina sis fatuluk magdanun, sis falabi limak banwa Asa nu gfunan.

Ester 1:1

Sis talun Persya e sik fun at ngayan Akasuerus. Kanya gbanwan sit bale sis furuan Susa. Kanya at fagagbilugun sadik sandan duak safulu e fituk afud talun siginans Indya sitsigons Etiupya.

Ester 1:22

Ay fun nasugu te, “Riruki sat mesa fangaringang ay fabubai sa sangay afud talun sas fagdaul ku fagfagtainanan.” Katatuy at rirukan, galay sik talanan mangama tua tagfangguna.

Ester 10:1

Fun Akasuerus nasugu ngay taw sat fagfagtainanan anggan yangay tagbanwan sa sangay furu ayu sirut laman namon ngay famayad sas fun.

Daniel 4:1

Fun Nabukudunusur nawat sik fansulitan laman sas fagayu gaban taw sas fagayu talun sas fagdaul daga, tagsaman at ngay fangaringang. Katatuy at rirukan: Sumawa nangus fia ayu at masine fag kayaunanan.

Daniel 6:1

Fun Daryu nafili sik sandan duak safuluk fun ayu sirut laman gfangguna sas fagdaul at fagfagtainanan.

Daniel 6:25

Sanya ginan fun Daryu nariruk sas fagayu gaban taw sas fagayu talun sas fagdaul daga, tagsaman at ngay fangaringang te, Manabayan tuam nangus.