Ester 8:5 - Fanawbuid tagsibaliwas Fakayabian

⁵ ay nalong te, “Nu mauseganan ktua sa emu, mesug fag fun, ay nu matuyan ktua ay masine sa emu, get au sa emu te, riruki sik suguan famayud e masuad Aman, Amedata at baguama fag taw Agag, at nafafagdaul fag suguan taglong te, fabuli fagayu taw Udyu sim fagfagtainanan.

Ester 8:5 ပူးပေါင်းရင်းမြစ်များ

Ester 2:17

Fun naylat Ester gtungud yay sa tibak baguina. Kanya maksvn nu guseganan Ester, nu katanya, nafae sangbo ay namangena laman fantubus Basti.

Ester 2:4

Ay am naylatan ban fag baguina fantubus am mangena Basti.” Nu katanya, fun naylat at famalun ay nafaning.

Ester 3:1

Sanya ginan, fun Akasuerus nafabat Aman at fanambagun. Aman, Amedata at baguama, fag taw Agag. Nafili anya laman gtungud tua fagayu tagfangguna.

Ester 5:8

nu maylat ktua sa emu, ay nu kaylat o gfon angku ku fagetun, gdog kyay ban fia gfastae ayu fagdua balabag, sa ku nafalganan fag yafun laman sa ayu. Ay ginanya ya ban nu glong au ku fagetun sa emu.”

Ester 7:3

“Mesug fag fun, nu mauseganan ktua sa emu, falangfei angku ay anggan ku ngay kaiban fag ngay taw Udyu. Kanya wan ku fagetun sa emu.

Nu Galin 33:13

Nu mafanud tua te, guseganan o angku, foyungi sa angku ku fakamulun laman gtoglag au emu ay laman gtaglayun nu guseganan o angku. Amatangani te, tuy fag furuan am ngay taw.”

Nu Galin 33:16

Tain way ban tibak taw nu gsaful te, guseganan o angku ay anggan am ngay taw? Ay tain ro em fagsamanun fagayu taw sis fagdaul daga, nu dway o nangalo ya emi?”

1 Samwel 20:29

Ay kanya nalong te, ‘Ku faduksay at sadi nalong sa angku te, Nangalo kyay ku ngay kalongan laman namon fanggalangun sas Yawi,’ ay naylat au kata at fagetun. Kanya wan katsi at fagyudun gfasfuan antam gfangon.”