Ester 8:14 - Fanawbuid tagsibaliwas Fakayabian

¹⁴ Ay siginans fun at suguan, ngay tagfosuk longan nalao wa vtv, gsakay sit fun at ngay kabayu. Ay nafarapyag yangay sas furuan daul Susa kanya fag suguan.

Ester 8:14 ပူးပေါင်းရင်းမြစ်များ

1 Fun 4:28

Ay kanya fagayu gfon yangay sas fun Sulumun ngay barli ay nagbiluganan laman famaug at ngay kabayu. Ay gbuba kafag ngay famaug sat fagfafangonan.

2 Krunika 30:6

Ay kata fun at suguan, ngay taw tagfosuk longan nalao sas fagdaul talun Israel ay Uda, gbuba fun ay at ngay tagfangguna at rirukan. Katatuy at rirukan: “Ngay taw Israel, anlangfe tuam siginan sangay taw Asirya at fun, nu katanya, katsi wan at buknga nu kafoli am sas Yawi, ay ngay mangaguyang, Abrayam, Isak, ay Akub at Dius, laman kanya kafoli yangay sa ayu.

Nemyas 1:1

Katatuy at fansulitan sabaliwas Nemyas, Kakalya at baguama, at ngay nafakamulun. Gina sis fasiamk magdanun, at nafangayan te, Kisleb, ay fun Artaserses at faduak safuluk banwa nu gfunan sis Persya, ginanya si au at maaladan fag furuan daul Susa.

Ester 2:3

Filii sas galay afud talun am fagfagtainanan sik ngay fagsuguan laman nanrvbvy at masine fag ngay baguina ay gtaban stie sfuruan Susa, sa sangay mangena at bale. Ay fatigwanani sas Egay aroro kanya am fagsuguan at sadi tagalaga ngay mangena at bale. Kanya wan tagfon sa sangay baguina at ngay fagayudanun ay at ngay famasine.

Ester 3:13

Ay ngay tagfosuk longan nafarapyag kafag rirukan sas fagayu afud talun. Nariruk sanya fag suguan te, kadasug ban sik menit nu gfabul ngay taw Udyu: ngay sisian, ay at mafagtainan, mangama ay mangena, ay gbul kanya fagayu at ramraman. Umfasludan ban takatanya sis falabi tuluk menit sis falabi duak magdanun, Adar fag magdanun.

Ester 3:14

Sanya ginan, kafag ngay tagfosuk longan masakit nu namosuk sas fagayu afud talun fun Akasuerus at suguan, ay nafoyung sa sangay taw takatanya laman kanya fagayu gsaful nu ginain fag menit nu namabul ngay taw Udyu. Ay kafag suguan nafasaful yangay sas furuan Susa. Kaduge fun Akasuerus ay Aman malunggung ginum fanlangu, ngay taw sis furuan Susa gfansulitan sabaliwa at kindasug.

Ester 8:13

Ay gfabuba kafag rirukan sas fagayu afud talun laman at fagaloan, ay gfasaful sas fagayu taw, laman ngay taw Udyu mafalganan tua gfalangfe at mesa sadili siginan at ngay fawayan ginanya fag menit.

Ester 8:15

Ay Mardukyu nu naduksun siginans fun at bale, kanya galanbungan malaksi ay maubian, ay sik lanbung aba at mawatan siginan at masine fag ramit maubian, ay gasangboan at mawatan siginans gintu, kata fun nu galanbungan. Ay ngay taw sis furuan Susa maksvn nu guro guseganan.

Takamoyung 9:10

Fakamuluni am fakamulun kaksvn am fagmakatuun, aroro sa ban at ngay kinbul at fagbanwanan am fakadasugan wo e fakamulun ya. Ay sanya wa yangay e gamatangan ya ay wa yangay e mamatanganan ya ay e fagsafulun.

Daniel 8:2

Ku nalag, malindug au sis tigyangan Liskung Ulay, sit ke alad fag furuan Susa sas Elam fag afud talun.

1 Samwel 21:8

Dabid nainto sas Akimelek te, “O ste e fiso o ay e bangko? Kwa nabuba ya nusnga setaw fag famawayan, aroro gabanganan kway gina au stie.”