Ester 7:9 - Fanawbuid tagsibaliwas Fakayabian

⁹ Karbuna, fun at fagsuguan at sadi, nalong te, “Aman nafawat sik fagrabingan Mardukyu, at nafalangfe emu fag taw. Kanya fag fagrabingan at kabatan duak safulu e tuluk sangbada ay munakbang sit day bale.” Fun nasugu anya fagayu te, “Fasanyai nu nanrabing am anya!”

Ester 7:9 ပူးပေါင်းရင်းမြစ်များ

2 Fun 9:32

Yeu natangda ay nalag Esebel sis fagbanawanan ay nainto te, “Sinu tagfadiuganan angku?” E dua ay mannga tuluk fagsuguan tagbanawan anya sis fagbanawanan.

Ester 1:10

Ay gina sis fafituk menit nu maful, fun guseganan aroro ngayuk fanlangu at nainum. Kanya nafauro at nafili fag fituk fagsuguan tagalaga anya. Kafag ngay fagsuguan: Meuman, Bista, Karbuna, Bigta, Abagta, Setar, ay Karkas.

Ester 5:14

At mangena ay at ngay fagadgalangan nalong anya te, “Fawati sik fagrabingan duak safulu e tuluk sangbada at kabatan. Ay balabag ban sbalabag, nanget o sas fun te, rabingi Mardukyu laman mabayan tuo fia gfadgaloan tam fun sat nafalganan fag yafun.” Nu katanya, Aman nafawat sik fagrabingan.

Ester 6:14

Kanya fagayu kaduge kamatoan, fun at fagsuguan masakit nu gtaban Aman sas Ester at nafalganan fag yafun.

Ester 6:2

Natap sanya sik afud at fansulitan sabaliwa Mardukyu nu gsaful Bigtana ay Teres at algan laman gfabul fun Akasuerus. Bigtana ay Teres, fun at ngay fagsuguan, ay kanya fag dua ebi tagulit fun at fagtiugan at sakbawan.

Ester 8:7

Fun Akasuerus nalong sas Ester ay sas Mardukyu fag taw Udyu te, “Nafarabing kwan Aman at ke algan mauri laman namabul ngay taw Udyu. Ay Ester, nafon kwan sa emu Aman at ngay ramraman.

Ester 9:14

Nu katanya, fun nasugu te, “Fakamuluni Ester at fagetun.” Ay nafasaful sa sangay taw Susa fun at suguan, ay narabing Aman at baguama fag safulu at bilug.

Ester 9:25

Ay fun nu nasaful kafag algan siginan at mangena Ester, kanya nafariruk sik suguan te, “Fakamuluni sas Aman talamean kata at algan mauri sa sangay taw Udyu.” Ay katanya wa fia at kinfasludan.

Alubad. 141:10

Kanya way ban nangus fagayu at kumsangdaw, ay au ban glangfe ktua manabayan.

Alubad. 35:8

Fagidapun nangus umdasug sa anya fagayu gina yud mafalganan. Kanya way ban nangus fagayu at kumsangdaw sat nafasangdawan, ay kanya yangay ban nangus at kumtong sat nalusung.

Alubad. 73:19

Kanya ban fagayu umfaurianan masakit: ay umke fakalimuun ay umbul.

Daniel 6:24

Fun Daryu nasugu laman fagayu taw at nalong mauri sas Daniel gagamatan ay gfatong sasad fagubungan ngay liun gfadgaloan at mesa mangena ay at ngay sisian. Ay kanya fagayu nu nafatong sasad fagubungan, gina yay yud andasug sat daga, ngay liun nayukfu wa vtv ay naon.

Daniel 6:7

Ami am ngay tagfangguna sam fagfagtainanan ansadi ami get sa emu te, awati ay faksvni sik faugali te, kaduge tuluk safuluk menit we taw gdarangin sas nusnga setaw fag dius ay mannga sas taw nu bunway sa yakman lang emu. Ay nusnga sinu ban at yud nafaning tuy fag faugali, gaukasan ban sas fagubungan ngay liun.

1 Samwel 17:51

Ay Dabid masakit nangakbang Gulyat ay nabul at fiso ay nalifung Gulyat at liug. Ay ngay taw Filistia nu nalag te, Gulyat anbul wan, kanya fagayu nafanaruayan way lang nalagyu.