Ester 7:10 - Fanawbuid tagsibaliwas Fakayabian

¹⁰ Nu katanya, kanya fagayu narabing Aman sat nafalganan fag fagrabingan laman sas Mardukyu. Ay fun at dotama nalyam wan.

Ester 7:10 ပူးပေါင်းရင်းမြစ်များ

Fakasigadan 40:22

Ay nafabul wan takamatama tinapay, ay narabing at bilug sas kayu. Ay Use at ngay nalong anfasludan.

Ester 2:1

Fun Akasuerus at dotama nu nalyam wan, kanya namatang at bubay Basti ay at nafakamulun ay at nafariruk fag suguan tagalvngvdan sas Basti at nafakamulun.

Ester 5:14

At mangena ay at ngay fagadgalangan nalong anya te, “Fawati sik fagrabingan duak safulu e tuluk sangbada at kabatan. Ay balabag ban sbalabag, nanget o sas fun te, rabingi Mardukyu laman mabayan tuo fia gfadgaloan tam fun sat nafalganan fag yafun.” Nu katanya, Aman nafawat sik fagrabingan.

Ester 7:7

Fun maksvn nu kadotama ay anlindug ay nasat tanuman sit day bale. Aman anfamato gfainfanyuan sas Ester aroro nasaful te, fun ro gfaurianan anya.

Ester 7:8

Fun nu nfoli siginan at tanuman, manlag di Aman malub sis Ester at salubangan fagtiugan. Ay fun nalong te, “Kaylat yay o namakamulun mauri sas Ester si ku basad bale!” Sanya ginan, fun nu ntabu garingang, tagsanya fag ngay tagulit nagamat Aman ay natabun at alfuyu.

Ester 8:7

Fun Akasuerus nalong sas Ester ay sas Mardukyu fag taw Udyu te, “Nafarabing kwan Aman at ke algan mauri laman namabul ngay taw Udyu. Ay Ester, nafon kwan sa emu Aman at ngay ramraman.

Ester 9:14

Nu katanya, fun nasugu te, “Fakamuluni Ester at fagetun.” Ay nafasaful sa sangay taw Susa fun at suguan, ay narabing Aman at baguama fag safulu at bilug.

Ester 9:25

Ay fun nu nasaful kafag algan siginan at mangena Ester, kanya nafariruk sik suguan te, “Fakamuluni sas Aman talamean kata at algan mauri sa sangay taw Udyu.” Ay katanya wa fia at kinfasludan.

Ub 18:8

Kanya yay at nalao sas sangdaw ay nafaiktan at sadili.

Ub 20:8

Kanya umkalyam kata sik taginfan at yud ya gdog kamatang.

Alubad. 37:15

Dewa katanya, at ngay sadili way at naurus, ay at ngay banyas umlifung.

Alubad. 7:16

Ay sumaful tam te, kanya yay ban fagayu at kumfaurianan sat nafakamulun fag fagmauriun.

Alubad. 94:23

Yawi em Dius, gfaurianan o anya fagayu aroro sat ngay asalanan. Anud wan, gfabul wo anya fagayu.

Fangatulun 11:27

Sik taw tagrvbvy at masine, lumag wa fia fagmasineun, ay sik taw tagrvbvy at mauri, lumag fagmauriun.

Fangatulun 11:8

Dius gfalangfe tua at matuyan fag taw gina e fagidapun, dewa katanya, kanya gfabayan way at mauri fag taw.

Fangatulun 26:27

Sik taw takali sasad daga laman at fagnamatongan tibak taw, sia yay ban at nangatong sat alian. Ay nusnga sinu at nafadaging gang sia way at kumsikfit.

Eremyas 34:17

“Nu katanya, au, Yawi, glong au te, aroro wam nafaning angku ay wam nafalfas ay ngay fagsuguan ay ngay kaiban fag ngay taw Udyu, namalfas au ayu laman kabul am sas awayan, sas fanlunus ay sas fakasaitun. Ay namasik masuya au ayu sas fagayu fagfagtainanan at daga salubangan sas fagdaul daga.

Esekyel 5:13

“Nu nfasludan waban takatanya, kwa ban kadotama ya ayu, nu katanya, nafasud kwan ay ngay nafakamulun mauri. Ay gina kban nafadasug sa ayu takatanya, sumaful ban am te, au Yawi tagfakamatoan ayu aroro maksvn nu kadotama au ayu.

Daniel 6:24

Fun Daryu nasugu laman fagayu taw at nalong mauri sas Daniel gagamatan ay gfatong sasad fagubungan ngay liun gfadgaloan at mesa mangena ay at ngay sisian. Ay kanya fagayu nu nafatong sasad fagubungan, gina yay yud andasug sat daga, ngay liun nayukfu wa vtv ay naon.

Daniel 6:25

Sanya ginan fun Daryu nariruk sas fagayu gaban taw sas fagayu talun sas fagdaul daga, tagsaman at ngay fangaringang te, Manabayan tuam nangus.

Sakaryas 6:8

Ay Yawi nalong te, “Damai ngay kabayu tagsabaliwas wala fag alvngvdan, kanya fagayu tagfafiangalay ku Falad tagsanya fag afud talun.”

Tagfangguna 15:7

Samsun nalong sa sangay taw Filistia te, “Aroro sa ay nafakamulun takatanya, gfatuyanan au te, kwa ban gfaragang yakmay au nafasud ayu.”