Ester 4:16 - Fanawbuid tagsibaliwas Fakayabian

¹⁶ “Namaful o fagayu taw Udyu tagbanwan ste sfuruan Susa ay darangini yud gfangon laman sa angku. Lag am gfangon ay ginum kaduge tuluk menit. Au ay ku ngay fagsuguan fag mangena nandarangin yangay mi yud gfangon. Sanya ginan, sa kro sfun dewa gsalan way sis faugali. Ay nu nafabul wa ro angku, mafalganan kwa kabul.”

Ester 4:16 ပူးပေါင်းရင်းမြစ်များ

Fakasigadan 18:19

Nafili au anya laman namafasludan sat ngay sisian ay sat kasugfunanan ku balyawvtan laman gfakamulun at matuyan ay at mafanud. Nu katanya, umfasludan ban ku ngay fatuyanan sa anya.”

Fakasigadan 43:14

Nangus at mabalyanan fag Dius gfabali fun sirut at amatanganan laman ro umfanyu ay gfafoli sa antam Simyun ay Benamin. Dewa katanya, kanya fag dua deyud ban anfoli ya, kaylat kwan, masine wa sa ku amatanganan.”

2 Samwel 10:12

Fabitsugi ay amatanganan! Ay namawayan tam sas fagdaul tam fagmabitsugun laman sa tam ngay taw ay sa tam Dius at ngay furuan. Ay Yawi namakamulun nusnge wain at algan te, masine.”

2 Fun 7:4

Nu nasakbo ro tam sas furuan, umbul tam sas lunus, ay nu ste way ngap ro tam gugat malunggung umbul yangay ro tam. Nu katanya, glao watam ay nansuyu sa sangay taw Aram. Siwa ro anya nu gfabul wan antam o mannga dia.”

2 Krunika 20:3

Ay Eusafat anlimu ay ankakbang sas Yawi. Ay nasugu sas fagayu taw Uda te, “Lag tam gfangon laman gdarangin tam.”

Esra 8:21

“Gina ami sis tigyangan Liskung Aaba, nalong au sa ku ngay fadgaloan te, ‘Lag tam gfangon laman kamababaun tam sa tam Dius, ay laman get tam sa anya te, “Gina ban mi glao, dirii emi anggan em ngay sisian ay em ngay ramraman.” ’

Ester 4:15

Ay katatuy Ester at longan sas Mardukyu,

Ester 4:17

Nu katanya, Mardukyu nalao, laman namakamulun Ester at fagetun sa anya.

Ester 4:3

Ay ngay taw Udyu sa sangay afud talun nu nadungug fun at suguan, kanya fagayu wa gfangon laman gdarangin, ay gwayway ay maksvn nu kabalu. Tangayu nasulun saku ay gtaygilidan sisad dafug.

Ester 5:1

Gina sis fatuluk menit, Ester nasulun at fagsulunun gugat fag lanbung at famatoglag te, fun at mangena, ay kanya namalindug sis fun at basad bale gsalubang sat fun at suluk. Ginanya, fun malunggung sit faglunggungan ay gsalubang sabaliwas sakbawan.

Ester 9:31

laman gfafasludan gugat Purim fag fagmafulun kata Mardukyu ay Ester at suguan, kata kanya fagayu ay at ngay kasugfunanan nu gfaning ngay faugali sabaliwa nu yud gfangon laman gdarangin.

Isayas 22:12

Ay tam Fun, Yawi at Mabalyanan, nafaidapan ayu laman umke fakabaluun am, ay gwayway am, ay gfalanu ay ngay alfuyu, ay nangalanbungan am saku laman sik fagtoglagan te, kabalu am.

Eremyas 36:9

Anfasludan takatanya gina yud gfangon fag menit laman gdarangin sis Yawi at daga salubangan, gina sis fasiamk magdanun sis falimak banwa Yuyakim, Usyas at baguama nu gfunan sis talun Uda. Ngay taw Erusalem ay ngay taw tagsiginan sangay furuan tagsis Uda anful sas Yawi at bale.

Daniel 2:18

Ay kanya nalong sa anya fagayu te, “Darangini laman Dius tagsis banwa kafanyu tua antam ay laman sumaful tam tam fun at taginfan, laman ban kanya di gfabul antam kata tibak tagfangatulun sis Babilunya.”

Mateu 12:40

Aroro kata yangay ebi Unas nu tuluk menit ay tuluk yabi nu sisad albon daul at ungdan, katanya yangay ban au, Taw at Baguama, tuluk menit ay tuluk yabi nu sisad luib.

Lukas 9:24

Aroro nusnga sinu takesug at leleg, umkalyam way ban at leleg. Ay nusnga sinu tagfon tua at leleg aroro gafanud sa angku, kanya ban e leleg tua kabavn.

Uan 19:22

Ay Pilatu nabalus te, “Ku nariruk, anriruk wan.”

Fakamulun 10:7

Ay kafag tagbarita nu nalao wan, Kurnelyu nagewan at fagsuguan at dua ay at sadi at tagfawayan at matuyan ay tagseg Dius. Kanya fag tagfawayan Kurnelyu at fagsuguan at sadi.

Fakamulun 20:24

Dewa katanya, wa mafanud sa angku ku leleg, at mafanud nu namatabu au ku fanambagun tam Fun Isus at nafatigwanan sa angku fag fakamulun, siginan nu gfoyung at Masine fag Barita sabaliwa tam Dius at fagmagalangun.

Fakamulun 21:13

Ay Pablu nabalus te, “Wain ay fagwaywayun? Lag am gfamomuy ku amatanganan. Aroro mafalganan au nangasiukan ay nangabul sas Erusalem aroro sa tam Fun Isus.”

Fakamulun 27:33

Ay sis daga kamenit sirut, Pablu glong sas fagayu taw te, “Fangoni yap, newa nu yud am gfangon labi ufat wak menit.”

Fakamulun 9:9

Ay Saulu nu yud glag tuluk menit, ay kadugenya, wa gfangon ay wa ginum.

Ruma 16:4

Kanya fag dadwa at leleg si was fakalimuun aroro sa angku. Ay bundi au lang taguseganan, nu bunway anggan tua at yud Udyu fag ngay tagafanud.

Filipus 2:30

Aroro siginan at nainlufuyan gfaning tam Fun Isus, arvs anbul wan, ay at leleg siwas fakalimuun laman gfakamulun sa angku ay fagyudun mafakamulun.

Uswe 24:15

Dewa katanya, wayam kaylat gfakamulun sas Yawi, katsi fag menit filii nusnga sinu ay fagnamausegananun. O namakamulun am sa ay ngay mangaguyang at ngay fagsegan sis dife Liskung Eufrates, o ay mannga sa sangay taw Amur at fagsegan sanya fag talun ay fagbanwanan katsi? Dewa katanya, au ay ku kalongan namakamulun ami sas Yawi.”

1 Samwel 19:5

Dabid nafon at sadili nusnga setaw man at kumdasug sa anya gina namabul Gulyat, dewa katanya, Israel at Dius nafababo tua anya. Takatanya fagayu nalag wo ay maksvn nu guseganan o. Wain yay am fakaylatun namabul sik taw at yud e asalanan, kata am fagsuguan Dabid deyud e fanlonganan?”