Ester 4:14 - Fanawbuid tagsibaliwas Fakayabian

¹⁴ Aroro dewa o fia manabayan gbanwan katsi fag buknga, e tiba way taggubuk ay tagfalangfe ngay taw Udyu, dewa katanya, o ay am ngay kalongan umbul ban. Tibaginan am faginsik fun at mangena laman gfalangfe o am ngay kaiban taw Udyu.”

Ester 4:14 ပူးပေါင်းရင်းမြစ်များ

Fakasigadan 22:14

Abrayam nafangayan kafag talun te, Yawi Takamon. Ginanya wan nu gfasigad nu glong te, “Sas Yawi at filian fag buksul e famonun tua gugat at mafalganan.”

2 Fun 13:5

Yawi nafili sik taw at namalangfe anya fagayu siginan sangay taw Aram, nu katanya, ngay taw Israel gdog yay gbanwan manabayan.

2 Fun 19:3

Ay kanya fagayu nu ndasug sas Isayas, nalong anya te, “Esekyas glong te, ‘Katsi maksvn nu gidapan tam, ay nu gafaurianan tam ay gafaplan. Kata tam sik mangena tagafasalugun at yud e bitsug ya gfasalug at ngenge.

Esra 9:9

Dewa ami sik ngay fagsuguan, di o naylat nu sik ngay fagsuguan ami gugat, nu bunway nafalag tuo sa emi am fakafanyun siginan nu gagbilug o talun Persya at fun laman kanya masine tua at amatanganan sa emi. Nafakamulun o takatanya laman kae fagmanabayanun ami, ay laman nandog ami namawat am bale at kinkiklas, ay laman gulit o emi ste sis talun Uda ay sis Erusalem.

Nemyas 6:11

Ay nabalus au te, “Au wan si sik afud talun at fun; wain ro ku faglagyuun ay ku fagnansuksuanun yay sas Dius at bale laman namalangfe ku leleg? Duan, kwa nanuksuan!”

Ester 2:15

Gina sis fasafuluk magdanun, Tebet fag magdanun, ay sis fafituk banwa gina fun Akasuerus nu gfunan, andasug wan at menit Ester nu nansalubang at fun sat bale. Ester nafaning Egay at longan fagayu, aroro kanya wan tagalaga ngay mangena. Ester nasulun Egay at nafon anya fag lanbung. Ay fagayu taw at nalag anya, andulo maksvn ay nauseganan, ay nataban anya sas fun at bale daul.

Ester 2:17

Fun naylat Ester gtungud yay sa tibak baguina. Kanya maksvn nu guseganan Ester, nu katanya, nafae sangbo ay namangena laman fantubus Basti.

Ester 2:7

Ay Mardukyu e lagbe sik baguina at ngayan Adasa. Ay kanya wan at nafagurang anya aroro at mama ay at mina anbul wan. Ay nafangayan yangay Adasa te, Ester. Ay Ester at bilug masine at kawalungan. Ay Mardukyu natuyan anya te, kata nu at sisian fia.

Ester 4:13

katatuy yangay Mardukyu at famalus sas Ester te, “Lag o gamatangan te, o way lang at kumlangfe sas fagayu taw Udyu aroro gbanwan o sis fun at bale.

Ester 4:15

Ay katatuy Ester at longan sas Mardukyu,

Ub 9:18

Arvs kwa maengasan ya aroro sat nafadasug fag fagidapun sa angku.

Takamoyung 3:7

E buknga ggirat ay e buknga gtiklis, ay e buknga gragangan ay e buknga garingang.

Isayas 49:23

Ngay fun ban gasfuan at ngay mangena namaning emu. Kanya ban nangulit am ngay sisian, ay gtudan ban gseg emu, ay nangafagtainanan emu. Nu katanya, sumaful o te, au wan Yawi. Fagayu tagafanud sa angku di ban umyud e fagsegun.”

Isayas 54:17

We mababo emu nusnga setaw fag famawayan, ay mabalus tuo nusnga sinu tagfalingun emu. Kanya wan ku famonun sa ku ngay fagsuguan, ay namababo kban anya fagayu. Au, Yawi, taglong tuy.”

Eremyas 30:11

Gufud ktua ban ay gfalangfe ayu. Ay grasras kban fagayu talun nu inda nu gfasaruayan au ayu, dewa katanya kwa ban gfakamulun sa ayu takatanya. Ay bunwa at masuad te, kwa ban gfaurianan ya ayu, nu bunway gfalag au sa ayu at matuyan.”

Eremyas 46:28

Nu katanya, ku fagsuguan Akub at ngay kasugfunanan, lag am kalimu, aroro gufud kban ayu. Namamin kban ngay talun nusnga nday nu gfasaruayan au ayu, dewa katanya, kwa ban gfamin ayu. Namaurianan kban ayu tagalvngvdan sa ay fagmauriun. Wa masine kway ban gfaurianan ayu. Au, Yawi, taglong tuy.”

Lebitiku 26:42

gfafasludan kban ku nasadian sa ay ngay mangaguyang: Abrayam, Isak ay Akub, ay gfafoli kban ayu sa ay talun.

Mateu 16:18

Ay glong kyay sa emu te, o wan Pedru, at masuad te Gang, ay namaful kban ku ngay taw stae fag gang, ay dewa fakabulun at fagmabalyananun di ban mababo ku nafaful fag ngay taw.

Mateu 24:22

Dius ban nu dway ban nafagud kanya fag buknga, wa ban e gleleg ya. Ay dewa katanya, aroro kesug tua at nafili fag ngay taw, gfagud way ban ginanya fag buknga.

Deuterunumyu 32:36

Yawi ban gfalangfe at ngay taw, ay kanya ban kafanyu at ngay fagsuguan, nu nalag ban te, kanya fagayu we fagmabitsugun ya, ay nu alay way lang at sawad, ay anggan at ngay fagsuguan.

Tagfangguna 15:6

Ngay taw Filistia nu nainto te, “Sinu at nafakamulun takatanya?” Ay e nafasaful te, “Samsun, aroro at nugangama fag taw Timna nafadadwa Samsun at bubay sat fagadgalangan.” Nu katanya, ngay taw Filistia nananggamat kafag mangena ay anggan at mama ay nairug.

1 Samwel 12:22

Yawi di gfabayan ayu, aroro kanya nafili tua ayu laman at ngay taw.

1 Samwel 17:29

Dabid gbalus te, “Ay nataw nunda ku nafakamulun? Ginto kway lang.”