Ester 4:1 - Fanawbuid tagsibaliwas Fakayabian

¹ Mardukyu nu nasaful fagayu at kinfasludan, kanya nagirat at lanbung laman gfalag te, kabalu. Ay kanya nasulun saku ay nafasat alfuyu dafug, ay nasakbo sas furuan daul ay gwayway.

Ester 4:1 ပူးပေါင်းရင်းမြစ်များ

Fakasigadan 27:34

Ay Isaw nu nadungug takatanya, maksvn nu gwayway ay nalong te, “Mama, fadantei yap anggan angku.”

Fakasigadan 37:34

Ay Akub nagirat wa vtv at lanbung ay nasulun saku laman gfalag te, kabalu. Ay ngaduge Akub nu kabalu at baguama at nabulan.

2 Samwel 1:11

Nu katanya, Dabid ay at ngay tagfawayan nu nadungug at kinfasludan sas Saul, kanya fagayu nagirat at ngay lanbung laman gfalag te, kabalu.

2 Samwel 13:19

Ay Tamar nagirat at lanbung ay nafasat alfuyu dafug. Ay kanya glao gwayway gtaup at mata.

Ester 4:2

Dewa katanya, si way tsigon day sakbawan fun at bale, aroro wa masine gfasakbo sas fun at bale at ke sulun saku.

Ester 4:3

Ay ngay taw Udyu sa sangay afud talun nu nadungug fun at suguan, kanya fagayu wa gfangon laman gdarangin, ay gwayway ay maksvn nu kabalu. Tangayu nasulun saku ay gtaygilidan sisad dafug.

Ub 1:20

Ay Ub anlindug ay nagirat at lanbung aroro maksvn nu kabalu. Ay naufo at buk ay namalub sas daga laman gseg Yawi.

Ub 2:8

Ay Ub nabul sik nagrufan tikung at fanggarit at ngay bangbang kaduge malunggung sisad dafug.

Ub 42:6

Nu katanya, kapla au aroro sa ku ngay nalong sabaliwa emu, ay katsi gubun kwan ku asalanan siginan nu nanmalunggung au sasad dafug ay sas wa lukbu.”

Isayas 15:4

Ngay taw tagsis furuan Kesbun ay anggan tagsis Elyale gwayway wan, ay kadungug sitsigons furuan Yaas. Nu katanya, Muab at ngay tagfawayan nafanguroan aroro maksvn nu kalimu.

Isayas 22:4

Fabayani wan nu gwayway au, aroro kabalu au ku ngay kaiban at kinbul. Lag am gfasun ya angku.

Isayas 37:1

Fun Esekyas nu nadungug kafag barita, kanya nagirat at lanbung, ay nasulun saku laman sik famasaful te, kabalu, ay kanya nalao sas Yawi at bale laman nandarangin.

Isayas 37:2

Kanya nasugu Elyakim, tagulit at bale, ay Sebna fag tagalaga salapi, ay anggan tiba tungud fag ngay tagfon fanggalangun laman glao sas Isayas fag taglong, Amus at baguama. Kanya fagayu galanbungan saku.

Isayas 58:5

Gina am yud gfangon laman gdarangin, maksvn nu kamababaun am. Garungan am kata sik ugun at ngay don. Gsulun am lanbung tagfatoglag te, kabalu am, ay gtaygilidan am sis dafug. O nunda kata kanya at matuyan nu yud gfangon laman gdarangin? O nu glong ro am guseganan au takatanya?

Esekyel 21:11

Nu katanya, nafaglat kwan ku fiso ay mafalganan kwan namabul.

Esekyel 21:6

“Nu katanya, taw at baguama, nanwayway o at ke fakabaluun maksvn sas fagdaul am amatanganan. Nu gwayway o, fadungugi sanya fag ngay taw.

Daniel 9:3

Nu katanya, ankakbang au sas Fun Dius ay kwa nafangon laman gdarangin, ay nasulun au saku ay nafasa ku alfuyu dafug laman gfalag te, kabalu.

Mikas 1:8

Nu katanya, Mikas nalong yay fia te, Aroro Samarya ban kaiklas wan, maksvn nu gwayway au ay kabalu, ay kwa galapakan ya, ay kwa galanbungan ya laman gfalag te, kabalu au. Maksvn nu gwayway au kata sik idu talun nu gsubang ay kata sik liaw nu guni.

Sefanias 1:14

Yawi at nafalganan fag menit nu gfaurianan munakbang wan. Kafag menit masakit kadasug. Ginanya ban fag menit malimu, aroro dewa at maseganama fag ngay tagfawayan guro laman get gubuk.

Mateu 11:21

Ay Isus nalong te, “Ida, furuan Kurasin ay furuan Betsaida at ngay taw. Aroro nu sa di ngap furuan Tiru ay Sidun nu gfakamulun au ku nafakamulun sa ayu at madulo, kanya ro fag duak furuan glugo wan nu gubun at ngay asalanan, ay gsulun saku, ay malunggung sis dafug, laman gfalag te, gubun wan at ngay asalanan.

Fakamulun 14:14

Pablu ay Bernabe nu nasaful, nagirat at ngay lanbung laman gfalag te, kabalu, ay nalao sanya fag ngay taw at wabilug ay nauro te,

Uswe 7:6

Aroro siginans fakabaluun Uswe ay anggan at ngay fagtainan sis Israel nagirat at ngay lanbung, ay nafae lukbu at mesa alfuyu, ay anlub sis salubangan Fagsuadan Nasadian anggan andulum.

At Nafasure 11:3

Dewa katanya gsugu kban ku tagfatuyan fagdua tagalanbungan at mataras fag lanbung, ay kaduge ban sadik libu duak sandan unumk safuluk menit, kanya ban gfoyung Dius at longan.”