Ester 3:2 - Fanawbuid tagsibaliwas Fakayabian

² Ay kanya nasugu sas fagayu at fagsuguan te, tudani famababauni sas Aman. Dewa katanya, Mardukyu wa kaylat gtudan.

Ester 3:2 ပူးပေါင်းရင်းမြစ်များ

Fakasigadan 41:43

ay nafagbilug sas Use at sadi at kabayu ke faguyudan, ay e sik ngay taw sit fagunan taguro te, “Fauseganani tam fun.” Ay Use gfasigad gfunan fagdaul talun Igiptu.

Ester 2:19

Ay sis fadua ginan nu gfaful ngay baguina, Mardukyu sik tagfangguna wan ay ke fanambagun sas fun at bale at sakbawan.

Ester 2:21

Mardukyu gina sik tagulit sis fun at bale at sakbawan, fun at fagsuguan at dua, at ngayan Bigtana ay Teres, gulit fun at sakbawan suluk. Kanya fag dua kadotama fun Akasuerus, ay namatangan namabul anya.

Ester 2:5

Ginanya fag buknga, e sik taw Udyu tagbanwan sis furuan Susa at ngayan Mardukyu, Yair at baguama, Simei at fufu, ay Kis at fufu tud, kataip sas Benamin at kasugfunanan.

Ester 3:1

Sanya ginan, fun Akasuerus nafabat Aman at fanambagun. Aman, Amedata at baguama, fag taw Agag. Nafili anya laman gtungud tua fagayu tagfangguna.

Ester 3:3

Tibak tagfangguna ginto Mardukyu te, “Wain am fagyudun gfaning tam fun at suguan?”

Ester 3:5

Aman nu nalag Mardukyu nu yud gtudan sit daga salubangan laman kamababaun, maksvn nu kadotama.

Ester 5:9

Ginanya fag menit, Aman guseganan mandi nu gduksun siginan sad fun at bale, dewa katanya, kanya kadotama nu nalag Mardukyu sis sakbawan fun at bale yud namalindug ay narungan laman gfalag te, gsuyu.

Alubad. 15:4

gaiyan ngay taw mauri, gfauseganan tua fagayu taw tagfaning Yawi, ay gfafasludan fagayu at fatuyanan dewa maidap,

Nu Galin 17:14

Sanya ginan, Yawi nalong sas Muisis te, “Riruki tuy laman wo kalyam ay namasaful o sas Uswe te, namamin kwa ban fia ngay taw Amalek.”

Nu Galin 17:16

Ay Muisis nalong te, “Aroro Arun ay Ur nafabat tua ku ngay take sabaliwa Yawi at fagbanwanan, kabavn ban Yawi gfataglayun gfawayan ngay taw Amalek.”

Daniel 2:49

Daniel naet sas fun te, “Filii Sadrak, Mesak, ay Abednegu laman taggubuk angku nu gfangguna au sanya fag afud talun Babilunya.” Fun Nabukudunusur naylat Daniel at fagetun. Ay Daniel si way gugat fun at bale.

Deuterunumyu 25:19

Nu katanya, fabuli wan fagayu taw Amalek, laman ay Dius Yawi gfae fagmanabayanun tua ban ayu sat fagnamonun ayu fag daga ay fagnangagbilugun. Lag am kalyam takatanya.

Filipus 2:10

laman fagayu awatan tagsis banwa ay tagsis daga ay tagsas daga daga nantudan laman gseg anya,

1 Samwel 15:3

Namawayan ban am ngay taw Amalek ay namamin at ngay ramraman. Ay namabul ban am at ngay mangama, at ngay mangena, at ngay sisian, ay anggan at ngay bagu kasalug, anggan yangay at ngay baka, at ngay tupa, at ngay kamelyu ay anggan at ngay asnu.’ ”