Ester 3:13 - Fanawbuid tagsibaliwas Fakayabian

¹³ Ay ngay tagfosuk longan nafarapyag kafag rirukan sas fagayu afud talun. Nariruk sanya fag suguan te, kadasug ban sik menit nu gfabul ngay taw Udyu: ngay sisian, ay at mafagtainan, mangama ay mangena, ay gbul kanya fagayu at ramraman. Umfasludan ban takatanya sis falabi tuluk menit sis falabi duak magdanun, Adar fag magdanun.

Ester 3:13 ပူးပေါင်းရင်းမြစ်များ

2 Krunika 30:6

Ay kata fun at suguan, ngay taw tagfosuk longan nalao sas fagdaul talun Israel ay Uda, gbuba fun ay at ngay tagfangguna at rirukan. Katatuy at rirukan: “Ngay taw Israel, anlangfe tuam siginan sangay taw Asirya at fun, nu katanya, katsi wan at buknga nu kafoli am sas Yawi, ay ngay mangaguyang, Abrayam, Isak, ay Akub at Dius, laman kanya kafoli yangay sa ayu.

Ester 7:4

Aroro e nafatuyanan sik famonun sas fagayu taw at namabul emi. Nu e namabayad way emi laman namafagsuguan emi, gragangan kway lang, aroro tuy wa fia mafanud laman gfasalag au emu.”

Ester 8:5

ay nalong te, “Nu mauseganan ktua sa emu, mesug fag fun, ay nu matuyan ktua ay masine sa emu, get au sa emu te, riruki sik suguan famayud e masuad Aman, Amedata at baguama fag taw Agag, at nafafagdaul fag suguan taglong te, fabuli fagayu taw Udyu sim fagfagtainanan.

Ester 9:1

Gina sis falabi tuluk menit sis falabi duak magdanun, Adar fag magdanun, fun Akasuerus nafafasludan at suguan. Ginanya fag menit, ngay taw Udyu at ngay fawayan nu glong, mafamin way anya fagayu. Ay wa nfasludan kata at algan aroro mangaro ngay taw Udyu way at nafabul anya fagayu.

Ester 9:10

Dewa katanya, ngay taw Udyu wa nabul at ngay fawayan at ramraman.

Ester 9:5

Ngay taw Udyu nafabul at ngay fawayan ginanya fag menit siginans fiso tagsumbalian at uyup. Ay nafakamulun at naylatan sas fagayu takadotama anya fagayu.

Ub 9:25

Ku ngay menit masakit kata sik taglagyu, ay kalangfe way vtv, ay we nfasludan at masine.

Isayas 10:6

Gsugu kban anya fagayu laman namawayan ku fakadotamaun fag ngay taw at yud gfaning angku, ay laman nanrasras ay nansiad anya fagayu kata nu gsiad lifak sa sangaba dalan, ay namul yangay ban at ngay ramraman.”

Eremyas 51:31

Ngay tagfosuk longan andasug laman nanlong sas Babilunya at fun te, ‘E nagbilug wan fagdaul am talun.’

Ruma 3:15

“Kanya masakit nu gfabul.

Santiagu 2:13

Aroro sik taw at yud kafanyu at iba, Dius ban we afanyu gfaurianan anya. Ay dewa katanya, takafanyu at iba wa kalimu dewa andasug nu gfaurianan fag buknga.

1 Samwel 15:3

Namawayan ban am ngay taw Amalek ay namamin at ngay ramraman. Ay namabul ban am at ngay mangama, at ngay mangena, at ngay sisian, ay anggan at ngay bagu kasalug, anggan yangay at ngay baka, at ngay tupa, at ngay kamelyu ay anggan at ngay asnu.’ ”

1 Samwel 22:19

Ay fun Saul nasugu yangay te, “Namabul yangay o fagayu tagbanwan sis Nub, si sangay tagfon fanggalangun at furuan: ngay mangama, ngay mangena, ay ngay sisian, ay anggan at ngay baka, asnu ay tupa.”