Ester 10:3 - Fanawbuid tagsibaliwas Fakayabian

³ Mardukyu at faduak fun sas fun Akasuerus at fagfagtainanan. Kanya kadungug sat ngay kaiban taw Udyu, ay kanya fagayu gsuyu tua anya aroro kanya nafakamulun tua fagayu laman sat ngay kasugfunanan taw Udyu at fagmasineun, ay kanya wan at namakamatoan sat fun gina ngay taw nung way e fagetun.

Ester 10:3 ပူးပေါင်းရင်းမြစ်များ

Fakasigadan 41:40

Ay katsi, gfili au emu tagfunan ban ku ngay taw sas fagdaul talun Igiptu, ay kanya ban fagayu gfaning am suguan. Ay dewa katanya, au, gtungud ktua emu.”

Fakasigadan 45:10

Ay longi yangay sa anya te, istei waban nu gbanwan sis talun Gusen gadgaloan at ngay sisian ay at ngay fufu, anggan at ngay fagbaugun ay fagayu at ngay ramraman, laman ban munakbang si angku.

Fakasigadan 45:11

Galaga kban anya ste sis Gusen aroro sa takadasug yay fag limak banwa nu malunus, laman ban fagayu am anggan ay ngay kalongan diam e fagidapun.”

2 Krunika 28:7

Ay Sikri, sik tagfawayan at maseganama tagsiginans Israel, nafabul Maaseya, fun Akas at baguama, ay Asrikam fag tagulit fun at bale, ay Elkana, tagsit daga vtv fag fun.

Nemyas 2:10

Ay Sanbalat tagsiginans Kurun ay Tubya fag fun tagfawayan sis Amun nu nadungug te, andasug au laman nanggubuk ngay taw Israel, duama maksvn nu kadotama.

Ester 2:5

Ginanya fag buknga, e sik taw Udyu tagbanwan sis furuan Susa at ngayan Mardukyu, Yair at baguama, Simei at fufu, ay Kis at fufu tud, kataip sas Benamin at kasugfunanan.

Ester 3:2

Ay kanya nasugu sas fagayu at fagsuguan te, tudani famababauni sas Aman. Dewa katanya, Mardukyu wa kaylat gtudan.

Daniel 5:16

Ay nadungug au te, saful o gfayamag at ngay masuksuk ay makatu o gfasine ngay malong. Nu nasaful tua ro wo gtap at marirukan sis dingding ay nafayamag at masuad, gfasulun kro sa emu sik lanbung at masine ay sik dalag at mawatan siginans gintu. Ay gfili kro emu laman at fatuluk tagfangguna si ku fagfagtainanan.”

Daniel 5:29

Sanya ginan, fun Belsasar nasugu te, “Fasuluni sas Daniel sik lanbung at masine ay sik dalag at mawatan siginans gintu.” Ay fun nafili anya laman at fatuluk tagfangguna sit fagfagtainanan.

Daniel 6:3

Daniel natungud tua at duama aroro siginan at madulo fag fagmakatuun. Ay nu katanya, fun at algan nanfili anya laman tagfangguna sas fagdaul at fagfagtainanan.

Ruma 10:1

Ku ngay faduksay, maksvn ku fakaylatun ay ku darangin sas Dius te, ngay taw Israel ban nangus umlangfe tua.

Ruma 14:18

Tagfaning takatanya aroro sa tam Fun Isus, gfauseganan tua Dius, ay fagayu taw kaylat tua anya.

1 Samwel 18:16

Dewa katanya, Israel ay Uda at ngay tagfawayan kaugat nu kesug Dabid aroro kanya gfangguna anya fagayu galay namawayan.

1 Samwel 23:17

Ay glong anya te, “Lag o kalimu! Ku mama wa mafakamulun sa emu at mauri. O waban fia at fun sis Israel, ay au ban fadua kway. Ay ku mama ban sumaful takatanya.”