Ester 1:3 - Fanawbuid tagsibaliwas Fakayabian

³ Ay gina sis fatuluk banwa nu gfunan, kanya nafalganan sik fagmafulun daul laman sat ngay tagfagtainan ay sat ngay fagsuguan ay sa tiba yak tagfakamulun sit bale. Nasanya yangay Persya ay Medya at ngay fun tagfawayan, ay anggan takadungug fag ngay taw ay ngay fun ayu sirut siginan sangay afud talun.

Ester 1:3 ပူးပေါင်းရင်းမြစ်များ

Fakasigadan 40:20

Ay gina sis fatuluk menit Igiptu at fun at fangasalug fag menit. Nu katanya, kanya gfalganan sik fagmafulun laman sas fagayu at tagfakamulun. Kanya nafalfas siginans fagubungan tagfangguna tagtalin fanginum, ay takamatama tinapay, ay nafasa at ngay fagsuguan at daga salubangan.

1 Fun 3:15

Sulumun anfulo ay nasaful te, Yawi nakamatoan anya siginan at taginfan. Ay gina Sulumun anfoli sas Erusalem, kanya namalindug sis salubangan Fagsuadan Nasadian ay nafon ngay fagirugun fag fanggalangun ay ngay fanggalangun laman sas fagmanabayanun, ay nafalganan wa vtv ngay fakonun laman sat ngay fagsuguan.

Esra 1:2

Katatuy fun Sirus, talun Persya at fun, at longan: Yawi, banwa at Dius, nafatigwanan wan sa angku fagayu fagfagtainanan sas fagdaul daga, ay nafatigwanan yangay sa angku laman nangawat at bale sis Erusalem tagsis talun Uda.

Ester 1:14

At fagnangetan gugat fangatulun sas Karsena, Setar, Admata, Tarsis, Meres, Marsena, ay Memukan. Kanya wa fag fitu tagfangguna sis Persya ay sis Medya, ay kanya fagayu magamut gugat at fun.

Ester 1:4

Ay kanya fag fagusegananun at kadugean unumk magdanun. Kadugenya, fun Akasuerus nafalag at ngay ramraman, ay at fagmabalyananun, ay at fagmakatuun nu mabanwan.

Ester 2:18

Fun nafalganan sik fagmafulun daul laman famauseganan Ester. Kanya nafauro ngay tagfangguna ay fun ayu sirut. Ginanya fag menit, fun nasugu sas fagdaul at fagfagtainanan te, “Lag am gfakamulun.” Ay fun nafon ngayuk famonun sa sangay taw siginan at ramraman.

Ester 3:7

Gina sis taguna fag magdanun, Nisan fag magdanun, sis falabi duak banwa Akasuerus nu gfunan, Aman nasugu te, “Insafuli laman sumaful te, nataw ban fag menit ay fag magdanun laman gfafasludan at algan.” (Kafag fanginsaful nafangayan te, “pur.”) Ay at nafili sis falabi tuluk menit sis falabi duak magdanun, Adar fag magdanun.

Isayas 21:2

Nalag au sik malimu fag taginfan sabaliwas fakamaboun ay faurianan. Elam ay Medya, fawayani Babilunya! Dius ban namaragang wan Babilunya nu gfaurianan tibak talun.

Eremyas 51:11

Yawi namasud talun Babilunya aroro kanya narasras at bale. Yawi nataban talun Medya at ngay fun laman nanrasras talun Babilunya aroro katanya wan at algan. Kanya glong te, “Fataresi ay ngay bangko ay falganani ay ngay famalabag.

Daniel 5:1

Gina Belsasar at fun sis Babilunya, kanya nafalganan sik tagbia fag fagmafulun laman sat nafili fag sadik libuk takadungug fag ngay taw. Kaduge kanya fagayu ginum fanlangu, Belsasar nasugu sat ngay fagsuguan laman namul ngay taya at mawatan siginans gintu ay sanbung salapi, at mama Nabukudunusur at nabul siginans Dius at bale sis Erusalem, laman Belsasar ay takadungug fag ngay taw, ay at ngay mangena, ay tiba yak fagsuguan fag mangena at faginuman. Nu nabuba wan kanya fag ngay taya, kanya fagayu nainum sanya ginan.

Daniel 5:28

Parsin: am fagfagtainanan ban kaduak afud ay gfon sa sangay taw Medya ay Persya.”

Daniel 6:1

Fun Daryu nafili sik sandan duak safuluk fun ayu sirut laman gfangguna sas fagdaul at fagfagtainanan.

Daniel 8:20

Kafag tupa at sunge fagdua gfafaskudanan sas Medya ay Persya.

Markus 6:21

Andasug sik menit Erudias at fakaylatun nu kafasludan. Ginanya, Erudes at fangasalug fag menit ay nafalganan sik ngay fakonun. Ay nafauro ngay fun ayu sirut ay ngay tagfangguna tagfawayan ay tiba tungud tagfangguna fag ngay taw sis talun Galilea.