Ester 1:1 - Fanawbuid tagsibaliwas Fakayabian

^1-2 Sis talun Persya e sik fun at ngayan Akasuerus. Kanya gbanwan sit bale sis furuan Susa. Kanya at fagagbilugun sadik sandan duak safulu e fituk afud talun siginans Indya sitsigons Etiupya.

Ester 1:1 ပူးပေါင်းရင်းမြစ်များ

Esra 4:6

Gina Akasuerus gfasigad gfunan, ngay taw Erusalem ay tiba yak taw Uda at ngay fawayan nariruk sik ngay fanlonganan sabaliwa anya fagayu.

Ester 10:1

Fun Akasuerus nasugu ngay taw sat fagfagtainanan anggan yangay tagbanwan sa sangay furu ayu sirut laman namon ngay famayad sas fun.

Ester 2:3

Filii sas galay afud talun am fagfagtainanan sik ngay fagsuguan laman nanrvbvy at masine fag ngay baguina ay gtaban stie sfuruan Susa, sa sangay mangena at bale. Ay fatigwanani sas Egay aroro kanya am fagsuguan at sadi tagalaga ngay mangena at bale. Kanya wan tagfon sa sangay baguina at ngay fagayudanun ay at ngay famasine.

Ester 8:9

Nu katanya, gina sis faduak safulu e tuluk menit sis fatuluk magdanun, Siban fag magdanun, nafauro ngay tagalaga fun at ngay ramraman. Kanya fagayu nariruk Mardukyu at ngay nalong. Kanya fag rirukan laman sa sangay taw Udyu, sa sangay fun ayu sirut, sa sangay fun ay sa tibak tagfangguna tagsanya fag ngay afud talun fag sik sandan duak safulu e fitu, tagsiginans Indya sitsigons Etiupya. Ay nariruk takatanya sas fagayu gaban taw at fangaringang, anggan sa sangay taw Udyu at fangaringang.

Ester 9:30

Ay Mardukyu nafabuba kanya fag rirukan sas sandan duak safulu e fituk afud talun sis fun Akasuerus at fagfagtainanan. Kafag rirukan nafae fagmasunun ay fagmanabayanun,

Isayas 18:1

Afanyuan talun at munakbang sis Etiupya fag ngay liskung at tigyangan. Sanya at ngay liung nu glayug, kadungug nu gfawvswvs at ngay fakfak.

Isayas 37:9

Ay Senakerib, Asirya at fun nu nadungug te, Tiraka, Etiupya at fun, namawayan ngay taw Asirya, kanya nasugu sik ngay tagfosuk longan sas Esekyas laman glong anya te,

Daniel 11:2

“Katsi glong au sa emu at mafanud, tulu ya bank fun at nanfunan sas talun Persya. Ay at faufat bank fun amaramraman yap tua at naguna fag ngay fun. Ay siginan ban at ramraman, kanya umke fagmabalyananun, ay gfaylatan ban tibak fun te, namawayan tam talun Gresya.

Daniel 6:1

Fun Daryu nafili sik sandan duak safuluk fun ayu sirut laman gfangguna sas fagdaul at fagfagtainanan.

Daniel 9:1

Daryu fag taw Medya, Akasuerus at baguama, ebi talun Babilunya at fun. Gina taguna fag banwa nu gfunan, nasaful au siginans Dius at Longan te, at kadugean Erusalem nu marasrasan fituk safuluk banwa, kata Yawi at longan sas Eremyas fag taglong.