Esra 10:3 - Fanawbuid tagsibaliwas Fakayabian

³ Nu katanya, katsi, gfatuyanan ami te, gfaning tua ban ami am ngay foyungan sa emi, ay gfaning yangay ban mi ngay tagfaning tam Dius at ngay suguan. Nangawat ami sik nasadian sa tam Dius te, gaiyan wami em ngay mangena tagsiginan tibak gaban taw anggan at ngay sisian. Ay namaning ban mi tam Dius at Faugali.

Esra 10:3 ပူးပေါင်းရင်းမြစ်များ

2 Fun 11:17

Sanya ginan, Euyada nawat sik nasadian sas Yawi ay sa sangay taw ay sat fun te, kanya ban fagayu Yawi at ngay taw. Euyada nawat yangay sik nasadian laman sas fun ay sat ngay taw.

2 Krunika 29:10

Dewa katanya, katsi kaylat au nangawat sik nasadian sas Yawi, ngay taw Israel at Dius, laman kanya gfalyam wan nu kadotama antam.

2 Krunika 30:12

Dius nafamatangan yangay ngay taw Uda, laman namakamulun yangay fun ay at ngay tagfangguna at suguan kata Yawi at suguan.

2 Krunika 34:21

“Nanginto am sas Yawi laman sa angku ay sa sangay taw Israel ay taw Uda at sawad, sabaliwa at marirukan si ay nalag fag fafil. Yawi maksvn nu kadotama antam, aroro tam ngay mangaguyang wa nafaning Yawi at ngay longan at marirukan sanya fag fafil.”

2 Krunika 34:27

Nadungug au am darangin ay nu kamababaun o sa ku daga salubangan, gina o nadungug ku longan sabaliwa tuy fag furuan ay ngay tagbanwan ste. Ay ginanya nagirat o am lanbung ay nawayway si ku daga salubangan laman gfalag o te, kabalu o. Nu katanya, au, Yawi, glong au te,

Esra 10:11

Katsi, foyungi ay ngay asalanan sas Yawi, ay mangaguyang at Dius, ay fakamuluni at fakaylatun. Ay asamani wan siginan ay ligung fag ngay taw, ay saruayani wan siginan ay ngay mesa bubay tagsiginan tibak talun.”

Esra 10:44

Kanya fagayu at nafamubay siginan tibak gaban taw at mangena, ay tiba kanya fag ngay mangena e ngay sisian wan.

Esra 10:9

Nu katanya, sis fatuluk menit fagayu taw tagbanwan sis Uda ay sis Benamin anful, ay namalunggung sis Dius at bale at fagaweanan tagsis Erusalem. Anfasludan takatanya gina sis faduak safuluk menit sis fasiamk magdanun. Ay kanya fagayu gtadtaruyan aroro sat kafanudan at kamatoanan ay at kaksvnan nu karak.

Esra 9:4

Ay ngay taw takalimu tua Israel at Dius at longan anful sa angku, aroro at kaiban fag ngay taw Israel at kinfoli siginan at fagatabananan nafamabo. Ay namalunggung au kabalu, sitsigons fafun baliwa gina namon fanggalangun.

Nemyas 10:1

Taguna at nariruk at ngayan, Nemyas sik afud talun at tagfangguna, Kakalya at baguama, ay Sedekya.

Nemyas 8:14

Ay kanya fagayu nasaful Yawi at Faugali siginans Muisis te, ngay taw Israel masine nu gbanwan sit ngay fayag galay e fagmafulun sis fafituk magdanun.

Nemyas 9:38

“Nu katanya, ami fag ngay taw Udyu, nawat ami sik nasadian. Ay em ngay tagfangguna, anggan ngay tagfon fanggalangun, ay ngay taw Lebi, nafadiuganan.”

Alubad. 119:120

Gtadtaruyan au kalimu emu, kalimu au am fagnamakamulunun fag ngay faugali.

Alubad. 119:59

Namatangan au sabaliwa ku ugali at kinlangfe, ay anfoli au sa emu laman namaning am ngay foyungan.

Isayas 66:2

O nunda bunwa au at nawat fagayu? “Au Yawi, glong au te, Guseganan au ngay taw takamababaun, tagubun at ngay asalanan, ay tagfaning tua ku ngay longan.

Isayas 8:20

Ay nu e gfoyung way yud gfadiuganan Dius at longan kata way sik ngay taw at yud yay nasaful at matuyan.

Esekyel 9:4

ay nalong sa anya te, “Sa o swabilug furuan Erusalem ay rvbvyi ngay taw takabalu sat nafakamulun at maksvn nu mauri sit furuan. Ay nanriruk o sanya fag ngay taw at dangasan laman sit famatoglag.”

Deuterunumyu 29:12

Katsi malindug am ste laman nangawat am sik nasadian sas Yawi. Ay katsi Yawi nafaksvn tuy fag nasadian.

Uswe 9:6

Sanya ginan, kanya fagayu andasug sas Uswe ay sa sangay taw Israel at ngay bale sit fagmafulan sis Gilgal, ay nalong sas Uswe ay sa sangay taw Israel te, “Andasug ami stie siginans tangayayu fag talun laman nanget ami sa emu te, awati sik nasadian sa emi laman wam gfauri em ngay taw.”