Eremyas 9:6 - Fanawbuid tagsibaliwas Fakayabian

⁶ Fagayu at fakamulun kamuag way lang, nu katanya, wa kaylat ya gtoglag angku.”

Eremyas 9:6 ပူးပေါင်းရင်းမြစ်များ

Fangatulun 1:24

gina au guro, wam nafandungug ku ngay famalun ay ku ngay fansalag,

Fangatulun 1:29

Aroro wam kaylat gfayfoyung, ay wam gsuyu Yawi.

Isayas 1:25

Gfadasug kban sa ayu ku faurianan laman namasaman ayu siginan ay maksvn fag fagmauriun, ay umkalyam wan ay ngay asalanan.

Isayas 1:3

Ngay baka gtoglag tua at tagalaga, ay ngay asnu saful tua nu dada at fagnamafangonan, dewa katanya, ku ngay taw Israel wa gtoglag angku, ay we fagsafulun.”

Isayas 4:4

Ay siginan ban tam Fun Dius nu ginsaful kata nu girug, kanya ban gfegus tagsis furuan Erusalem fag ngay mangena at fagmasuyaun, ay gfegus ngay taw Erusalem at ngay lanbung tagatagukun.

Eremyas 11:10

Kanya fagayu nafakamulun at mauri kata at ngay mangaguyang at nafakamulun, ay ankuri ku longan ay naseg tibak fagsegan. Ngay taw Erusalem ay taw Uda wa nafaning em nasadian.

Eremyas 11:19

Kanya fagayu nu gamatangan angku kata kway sik fagfabulun fag tupa ay kwa saful te, mauri at algan. Kanya fagayu glong te, “Gfabul watam anya, kata nu gfuan sik fun kayu tangayu at rawvg, ay laman ban umkalyam wan ay we gamatang ya anya sas fagdaul daga.”

Eremyas 13:10

Kanya fag ngay taw at mauri, wa kaylat gfaning ku longan. Kanya fagayu nafaning way at sadili amatanganan ay naseg ngay fagsegan. Nu katanya, kanya ban fagayu umkata kafag famutus fagwan at yud e tungkul ya.

Eremyas 18:18

Sanya ginan, ngay taw glong sat ngay kaiban te, “Gewan, gbalyawvtan watam laman namaragang tam Eremyas! E ngay tagfon fanggalangun yangay si antam, tagfoyung sa antam ngay suguan, ay e mamatanganan yangay fag ngay taw si antam, ay e ngay taglong yangay tam tagfoyung Yawi at longan. Nu katanya, kawat tam sik ngay mamalong laman sas Eremyas ay lag tam gdungugan ya at ngay longan.”

Eremyas 20:10

Nadungug au kafag ngay taw nu ginasan gfalingun angku. Ay kanya fagayu glong kata ku longan te, “Malimu takadasug sa antam!” Ay glong yangay fia te, “Gewan, katsi wan at buknga nu namasud tam Eremyas.” Anggan ku ngay fagadgalangan gfanya nu kafaurianan au. Kanya fagayu glong te, “Bangaran ro manandaya tua tam anya. Nu nfasludan tua ban takatanya, nababo tam ay mafasud anya.”

Eremyas 5:27

Kanya fag ngay taw at bale mapnu at nafangkamul fag ngay ramraman, kata sik fagubungan manuk tungud at yud e fakasakan ya. Nu katanya, kanya fagayu ansik ngay maramraman, ay ansik ngay mabalyanan.

Eremyas 8:5

Dewa katanya, am fag ngay taw Erusalem, wain ay fagtalyuyanun gugat angku? Ay wain ay fakaylatun yay gugat ay ngay fagsegan at yud matuyan, ay wayam kafoli sa angku?

Usea 11:8

Ngay taw Israel, kwa ban gaiyan ay gfabayan ayu. Kwa ban gfamin ayu kata ku nafakamulun sa sangay furuan Adma ay Sebuyim. Kauri au sa ku amatanganan nung au gfakamulun takatanya sa ayu. Maksvn nu kafanyu au ayu.

Usea 4:6

Ay gfaurianan kyangay ban ku ngay taw, aroro we fagsafulun sabaliwa angku. Aroro am oma fag ngay tagfon fanggalangun wam naylat fagsafulun, nu katanya, gfaurianan kyangay ban ayu. Ay wam yangay nafaning ku ngay suguan, nu katanya, gfaurianan kyangay ban ay ngay sisian.

Sakaryas 13:9

Ay at sadi fag afud namasine au kata nu e nafasine sik salapi sasad afuy. Namaskud au anya fagayu kata nu gfaskud sik gintu sasad afuy. Kanya ban fagayu nanguro sa angku ay gbalus ktua ban. Gtuyan kban anya fagayu te, ku ngay taw, ay kanya ban fagayu gtuyan te, ‘Yawi em Dius.’ ”

Ruma 1:28

Aroro kanya fagayu wa kaylat gfaning Dius. Dius nafabayan wan kafag ngay taw sat mauri fag ngay amatanganan, ay sat yud matuyan fag ugali.

1 Kurintu 15:34

Nu katanya, afolii sat masine fag amatanganan, ay ubuni wan ay asalanan. Am tiba wam natoglag Dius. Nafoyung au sa ayu takatanya laman gfapla au ayu.

1 Samwel 2:12

Eli at baguama fagdua mauri ay wa gfaning Yawi.