Eremyas 9:4 - Fanawbuid tagsibaliwas Fakayabian

⁴ Lag am gfasudsunan ya ay ngay iba, ay lag gfadiuganan ya ay ngay kalongan, aroro kamuag ay gfauri at ngay iba.

Eremyas 9:4 ပူးပေါင်းရင်းမြစ်များ

Fakasigadan 32:28

Ay kafag mangama nalong sa anya te, “Siginan ban katsi Israel wan am ngayan, bunwa ban Akub ya, aroro nafawayan o Dius ay anggan ngay taw, ay nababo o.”

Alubad. 101:5

Gfaurianan au ngay taw taglong mauri sabaliwa at ngay iba. Ay kwa manabayan gbanwan magamut ngay taw takamatungudun.

Alubad. 15:3

di gfalingun at ngay iba, ay di gfakamulun at mauri sat faduksay,

Fangatulun 10:18

Tagsuksuk at dotama kamuag way, ay takamauri at ngay iba, we fagsafulun.

Fangatulun 25:18

Sik taw nu gfatuyan sat faduksay nu dway matuyan, katanya gfauri way at faduksay kata sik fiso ay sik famalang ay sik godun.

Fangatulun 4:16

Aroro at yud matuyan fag taw wa gatiugun nu dyakmay nafakamulun at mauri, ay wa kabayan nu dyakmay e nafamauri.

Fangatulun 4:17

Ay kanya fagayu gfakamulun at fagmauriun, kaksvn nu katebo fakonun, ay nu kadanum.

Fangatulun 6:16

Yawi at fakauriun fituk ugali:

Fangatulun 6:19

ay takamuag nu gfatuyan, ay tagfae fagawayanun at iba.

Isayas 59:13

Nafamabo tam ay anyayu Yawi, ay wa tam nafaning tam Dius. Ankuri tam ay nafalingun tibak taw. Ay maksvn nu gamatangan tam te, setain nu mafamuag tam.

Isayas 9:16

Taw Israel at ngay tagfangguna gtabanan way at fagfanggunaun fag ngay taw sat yud matuyan, nu katanya, kafag ngay taw gaduanun.

Eremyas 12:6

Dewa am ngay faduksay ay am kalongan at nafamabo emu. Ay kanya fagayu anke algan mauri sa emu. Nu katanya, lag o gafanud kanya fagayu dewa mafalukmeanan fia nu garingang.”

Eremyas 6:28

Kanya fagayu kamabo ay kamaogatun, katugas sik ngay tansu ay sanbung fia. Ay kamalingun ay gfandaya at ngay iba.

Eremyas 9:8

Aroro at ngay leplep kamabul kata sik ngay godun. Ay at ngay longan fakamuaganun way lang. Kanya fagayu nu gfakamatoan at iba, masine mandi, dewa katanya, sat amatanganan, at algan mauri way.

Esekyel 22:9

Ay e gbanwan yangay sanya takamuagan laman gfabul at iba. Ay e kon yangay ngay fanggalangun at nafon sa sangay fagsegan, tagsi sangay buksul fag fagnansegan. Ay e tiba yak tagfakamulun at mauri.

Lebitiku 19:16

“Lag glong te, ay iba mauri nu dway matuyan. Lag am gfatuyan te, ay iba mauri laman gfae fakalimuun anya. Au Yawi.

Malakyas 2:10

Malakyas nalong sa sangay taw Israel te, “O nunda tam mama wa sadi? Ay o nunda wa sadi at nawat antam? Wain ay fakadkamuaganun? Nu katanya, nafa yud tam e masuad Yawi at nasadian sa tam ngay mangaguyang.

Mateu 10:17

Ay madiriani tua sa sangay taw, aroro tumaban ayu sa sangay taw Udyu at ngay fagtainan ay gfalang ayu si sangay bale fakafulan.

Mateu 10:21

“Ay sik taw ban nantaban at faduksay sa tibak taw laman namabul. Ay katanya yangay ban sik mama at fakamulun sat sisian. Ay sik sisian ban kamabo at fagtainan laman namabul.

Lukas 21:16

“Anggan ay ngay fagtainan, ay ay ngay faduksay, ay ay ngay kalongan ay anggan ay ngay fagadgalangan gfon ban ayu sat mauri fag ngay taw. Ay kanya ban fag ngay taw mauri gfabul wan ayu tiba.

1 Tesalunika 4:6

Lag am gfakamulun takatanya sa ay faduksay, aroro tam Fun gfaurianan nusnga sinu tagfakamulun at mauri, kata em nalong ay em nafararang wan sa ayu ebi.