Eremyas 9:3 - Fanawbuid tagsibaliwas Fakayabian

³ Yawi nalong te, “Kanya fagayu mafalganan kamuag kata at matonan fag godun. Fakamuagun way lang ste fag furuan takadungug ay we fagmatuyanun ya. Maksvn wan kanya fagayu nu gfakamulun at mauri ay wa gtoglag ya angku.

Eremyas 9:3 ပူးပေါင်းရင်းမြစ်များ

Fakasigadan 39:16

Kafag mangena nafasariu Use at lanbung kaduge at mangama yud andasug.

Fangatulun 12:5

Sik taw at matuyan, at ngay algan matuyan tua. Ay at mauri fag taw at fangatulun, kamuag way.

Isayas 1:3

Ngay baka gtoglag tua at tagalaga, ay ngay asnu saful tua nu dada at fagnamafangonan, dewa katanya, ku ngay taw Israel wa gtoglag angku, ay we fagsafulun.”

Isayas 3:5

Kanya ban fagayu gfauri at iba: at fasabale, ay at fagtainan. Ay at yud ban e fanambagun gfawayan wan at ke fanambagun fag ngay taw.

Isayas 6:5

Nu katanya, nalong au te, “Afanyuan au! Matuyan wan umfaurianan au, aroro glong au gugat at mauri, ay gbanwan au magamut si sangay taw taglong gugat at mauri. Ay katsi, nalag au tam Fun, Yawi at Mabalyanan!”

Isayas 9:18

Aroro kafag ngay taw at fagmauriun maksvn wan kata sik afuy tagirug sas wa makmak tagadugiun. Kanya gbia nu gigang kata afuy nu girug sik araw, ay kata sik takabat fag anus at madamvl.

Eremyas 12:6

Dewa am ngay faduksay ay am kalongan at nafamabo emu. Ay kanya fagayu anke algan mauri sa emu. Nu katanya, lag o gafanud kanya fagayu dewa mafalukmeanan fia nu garingang.”

Eremyas 22:16

Am mama nagubuk tua at yud e kwa ay tagayudan, nu katanya, ngay taw maksvn nu kesug anya. Kata anya tagtoglag angku.

Eremyas 31:34

Wa ban e glong ya sat ngay kaiban ay sat faduksay te, ‘Toglagi tua Yawi,’ aroro kanya fagayu toglag wan angku, siginan tagafalingunan ay anggan sat ngay takadungug. Namalyam kban kanya fagayu at ngay nafakamulun at mauri, ay kwa ban gamatangan ya at ngay asalanan.

Eremyas 4:22

Yawi nalong te, “Ku ngay taw we fagsafulun; kanya fagayu wa toglag angku, kata way sik ngay baguama yud e fagsafulun ay at yud gtogdungug, ay annanad gfakamulun at mauri ay wa saful gfakamulun at masine.”

Eremyas 5:4

Nu glong au, kanya fagayu sik ngay yud way e kwa ay at yud e fagsafulun. Aroro kanya fagayu sik ngay yud way saful at Dius Yawi at ngay balyawvtan.

Eremyas 5:5

Nu katanya, glao au sat ngay tagfangguna laman namakamatoan. Anud kanya ro fagayu sumaful Yawi at ngay balyawvtan, at masuad te, sumaful at Dius at fakaylatun.” Ay dewa katanya, nu nafakamatoan au, kanya fagayu wa naylat gfaning Yawi at fagyafafakamulunun.

Eremyas 6:28

Kanya fagayu kamabo ay kamaogatun, katugas sik ngay tansu ay sanbung fia. Ay kamalingun ay gfandaya at ngay iba.

Eremyas 7:26

Dewa katanya, wam nadungugan ay nafaning kanya fag ngay taglong. Ay ay ngay amatanganan amogat yap ay ngay mangaguyang at amatanganan, ay ay ngay fakamulun amauri yap ay ngay mangaguyang at nafakamulun.

Eremyas 9:5

Galay at sadi kamuag way sat ngay iba, ay nusdi sadik taw we glong ya at matuyan. At ngay leplep annanad wan nu garingang sas fakamuagun, ay gfalufuy at sadili siginan nu gfakamulun at mauri.

Eremyas 9:8

Aroro at ngay leplep kamabul kata sik ngay godun. Ay at ngay longan fakamuaganun way lang. Kanya fagayu nu gfakamatoan at iba, masine mandi, dewa katanya, sat amatanganan, at algan mauri way.

Esekyel 8:13

Yawi gdog yay glong te, “Lumag yay ro wo at fakamulun tagtungud yap tua kanya nu mauri.”

Daniel 11:27

“Ay kanya ban fag duak fun kasadi, dewa katanya, gsud ban kamuag ay gamatangan mauri sat iba. Ay wa ban kataglayun at mesa algan aroro ya ndasug Dius at nafalganan fag buknga.

Lebitiku 19:11

“Lag am gfangkamul, lag am kamuag ay lag yangay gfanlukan.

Markus 8:38

Nusnga sinu fag taw takapla gfoyung angku ay ku longan sa sangay taw tagasalanan ay at yud matuyan sas Dius, anggan au, Taw at Baguama, kapla kyangay ban anya gina kban andasug ke fagmabalyananun siginan ku Mama gfasfuan at masine fag ngay tagbarita.”

Uan 17:3

Katatuy sik taw nu e leleg at yud e fakatabuan: nu natoglag emu te, o wan at matuyan fag Dius, ay nu natoglag yangay angku am nasugu, Isus, am nafili fag Fun.

Fakamulun 24:9

Ay ngay taw Udyu nafadiuganan Tertulu at ngay nalong, ay kanya fagayu nafatuyan yangay te, “Matuyan, katanya wa fia.”

Ruma 1:16

Dakdi kapla gfoyung at Masine fag Barita, aroro tuy Dius at fagmabalyananun famalangfe fagayu at nafanud, taw Udyu taguna ay anggan at yud Udyu.

Ruma 1:28

Aroro kanya fagayu wa kaylat gfaning Dius. Dius nafabayan wan kafag ngay taw sat mauri fag ngay amatanganan, ay sat yud matuyan fag ugali.

Ruma 3:13

“Tagfadasug taw sas fakabulun, at longan yay at mauri, ay at leplep mapnu fagfandayaun.” “At lislis kata ule nu maganga.”

1 Kurintu 15:34

Nu katanya, afolii sat masine fag amatanganan, ay ubuni wan ay asalanan. Am tiba wam natoglag Dius. Nafoyung au sa ayu takatanya laman gfapla au ayu.

Filipus 1:28

ay diam kalimu ay ngay fawayan. Takatanya ay fakamulun gfatoglag te, ay fawayan ban umfaurianan, ay dewa katanya, Dius gfalangfe tua ban ayu.

2 Timuteu 3:13

Dewa katanya, at mauri ay tagfandaya fag ngay taw at fagmauriun umkaksvn ban. Kanya fag ngay taw gfataglayun nu gfandaya ay anggan kanya gadayan yangay.

Udas 1:3

Ku ngay fakesugun, maksvn nu kaylat au griruk sa ayu sabaliwa tam fakalangfean. Dewa katanya, gtungud yay nu kaylat au griruk sa ayu sabaliwa tagfaksvn ay fagafanudun, laman mabakvd tuam sa ay nadungug fag foyungan, Dius at nafatigwanan sat nafili fag ngay taw.

At Nafasure 12:11

Ay kanya nababo tua Satanas aroro siginan Tupa Riangan at taguk ay at ngay matuyan fag ngay foyungan, ay kafag ngay taw wa nesug ya at leleg, dewa ro nbul wan.

Tagfangguna 14:17

Ay at bubay gwayway way gugat sitsigon fafituk menit. Nu katanya, Samsun nalong wan at famalus aroro siginan nu gfabulun. Ay Samsun at bubay nalong sat ngay fagadgalangan at famalus.

Tagfangguna 2:10

Ginanya fag ngay talad kasugfunanan nu nbul wan, at fadogan fag ngay kasugfunanan wa natoglag Yawi, dewa nasaful Yawi at nafakamulun fag ngay madulo sa sangay taw Israel.

1 Samwel 2:12

Eli at baguama fagdua mauri ay wa gfaning Yawi.