Eremyas 9:24 - Fanawbuid tagsibaliwas Fakayabian

²⁴ Nusnga sinu fag taw takaylat nanfamatungudun, nu kamatungudun sa yakman baliwa nu gtoglag angku. Aroro au, Yawi at mafangesug, at mafakamulun kasakan ay at matuyan sas fagdaul daga. Katanya tua ku fakaylatun. Au, Yawi, taglong tuy.”

Eremyas 9:24 ပူးပေါင်းရင်းမြစ်များ

Alubad. 20:7

E ngay taw tagseg at ngay kabayu ay at ngay faguyudan. Dewa katanya, itam, gseg tua tam Yawi, tam Dius.

Alubad. 34:2

Gfanagsag au Yawi at nafakamulun, ay tagafalingunan fag ngay taw dumungug ay guseganan.

Alubad. 34:3

Gewan, gfauseganan tam Yawi, ay gfabat tam at ngayan.

Alubad. 44:8

Dius, o tua gugat em fakamatungudunun, ay em fagfausegananun kabavn ban.

Alubad. 44:9

Dewa katanya, katsi naiyan wo emi, ay nafaplan. Ay wo galo ya em ngay tagfawayan.

Alubad. 51:1

Dius, afanyui angku aroro mafangesug o. Ay siginan am fakafanyun, falyami fagayu ku asalanan.

Alubad. 91:14

Dius glong te, “Gfalangfe au ay gdiri fagayu taw takesug ay tagtoglag angku.

Alubad. 99:4

Kanya mabalyanan ay matuyan fag Fun. Nu gfawabilugan, di e fagfili, ay kabavn at fakamulun sas Israel, masine tua ay matuyan.

Isayas 20:5

Ay fagayu tagseg Etiupya ay takamatungudun talun Igiptu umlimu ban ay umkapla.

Isayas 41:16

Nanlayap o laman umlayug, ay sik maksvn fag tagmara namarapyag. Ay dewa katanya o nanguseganan tuo sas Yawi, ay nanseg tuo Israel at Dius at yud e Malong.

Isayas 45:25

Yawi gtap Israel at ngay kasugfunanan te, yud e asalanan, ay kanya ban fagayu sumeg anya.

Isayas 61:8

“Au, Yawi, guseganan ktua at matuyan. Kauri au ngay tagfangkamul ay tagfakamulun at mauri. Ay siginan ku fagmatuyanun, namon kban sa ku ngay taw nusnge wain, ay nangawat kban sa anya fagayu sik nasadian at yud e fakatabuan.

Eremyas 22:16

Am mama nagubuk tua at yud e kwa ay tagayudan, nu katanya, ngay taw maksvn nu kesug anya. Kata anya tagtoglag angku.

Eremyas 4:2

ay nu gfatuyan tuo fia sa angku, ay gugali at matuyan, ggubuk ban o sa sangay talun at taw 2 laman kanya fagayu gfauseganan yangay angku.”

Mikas 6:8

Mikas gbalus te, “Yawi nafoyung wan sa antam at masine. Katatuy at fakaylatun tam fakamulun: Fakamuluni at matuyan, afanyui tam ngay iba, ay ugalii famababauni sas Dius.”

Mikas 7:18

We tibak Dius tagtungud emu. Nafalyam tuo am ngay taw at ngay asalanan. Ay di o kadotama ya emi nu bunway guseganan tuo kesug emi.

Mateu 11:27

Ay Isus glong sa sangay taw te, “Ku Mama wan at nafon sa angku fagayu nusnge wain. Au, at Baguama, wa fia e gtoglag angku, ku Mama way lang tagtoglag angku. Ay we taw gtoglag fia ku Mama, nu bunway au way lang, at Baguama. Ay kayu ku fakaylatun gfatoglag ku Mama, anggan kafag taw tumoglag ku Mama.

Lukas 10:22

Ay Isus glong sa sangay taw te, “Ku Mama wan at nafon sa angku fagayu nusnge wain. Au, at Baguama, wa fia e gtoglag angku, ku Mama way lang tagtoglag angku. Ay we taw gtoglag fia ku Mama, nu bunway au way lang, at Baguama. Ay kayu ku fakaylatun gfatoglag ku Mama, anggan kafag taw tumoglag ku Mama.”

Uan 17:3

Katatuy sik taw nu e leleg at yud e fakatabuan: nu natoglag emu te, o wan at matuyan fag Dius, ay nu natoglag yangay angku am nasugu, Isus, am nafili fag Fun.

Ruma 5:11

Bundi lang katanya, nu bunway guseganan tam sas Dius aroro at nafakamulun siginan tam Fun Isus. Siginan anya, ansadi tua tam sas Dius.

1 Kurintu 1:31

Nu katanya, faningi at Rirukan te, “Nusnga sinu takaylat kamatungudun, at fakamatungudunun sai tua baliwa tam Fun.”

2 Kurintu. 10:17

Kata at longan sit Rirukan te, “Nusnga sinu takaylat kamatungudun, nu kamatungudun sai tua baliwa tam Fun.”

2 Kurintu. 4:6

Aroro Dius wan at nalong te, “E yamagi sasad madulum,” ay kanya yangay tagfayamag tam amatanganan laman tumoglag tam at fagmabalyananun at kinsure siginan tam Fun Isus.

Galasya 6:14

Lag au nangus kamatungudun, nu dway sabaliwa tam Fun Isus at nabulanan sas fasulungan kayu. Aroro siginan takatanya, fagayu nusnge wain ste sfagdaul daga we tungkul ya sa angku, ay anggan au kwa yangay e tungkul ya sas fagdaul daga.

Filipus 3:3

Amatangani te, itam wan Dius at ngay sisian, ay gseg tam anya siginan at Masine fag Falad, ay guseganan tam aroro siginan tam fagmasadiun sa tam Fun Isus, ay tam fagsegun bunwa siginans taw at faugali.

1 Uan 5:20

Ay nasaful yangay tam te, Dius at Baguama andasug ay nafon sa antam fagsafulun, laman sumaful tam at Matuyan. Ay katsi gbanwan tua tam sit Matuyan aroro gbanwan tua tam sit Baguama Isus tam Fun, aroro sia wan at matuyan fag Dius ay leleg at yud e fakatabuan.

1 Samwel 15:22

Ay Samwel gbalus te, “O nunda Yawi nu guseganan ngay fagirugun fag ngay fanggalangun gtungud yap tua sa tagfaning anya? At matuyan, tagfaning Yawi gtungud yap tua ngay fanggalangun. Ay tagdungugan anya gtungud yap tua ngay fanggalangun fag ngay tupa at ngay taba.