Eremyas 9:23 - Fanawbuid tagsibaliwas Fakayabian

²³ At ke ngay fagsafulun wa masine kamatungudun. Ay at mabalyanan fag taw wa masine kamabatun. Ay at maramraman wa masine kamanagsag sat ngay ramraman.

Eremyas 9:23 ပူးပေါင်းရင်းမြစ်များ

Ub 32:13

Ay lag am gamatangan te, am way lang at ke fagsafulun. Dius tua tagbalus anya ay bunwa taw.

Ub 41:15

Ay at sariksik sit tungud guyuy madamvl, kata sik ngay famalabag tagladlaniban ngayu.

Alubad. 33:5

Yawi at fakaylatun at matuyan tua ay kanya tagsaful gfawabilugan. Ay kanya nu mafangesug kalag sas fagdaul daga.

Alubad. 34:3

Gewan, gfauseganan tam Yawi, ay gfabat tam at ngayan.

Alubad. 44:9

Dewa katanya, katsi naiyan wo emi, ay nafaplan. Ay wo galo ya em ngay tagfawayan.

Alubad. 62:10

Lag am gfanagsag gseg ay ngay ramraman, tagsiginan ay nafamalimu ay ay nafangkamul. Dewa am anke ramraman, dangay lang sanya ay amatanganan.

Fangatulun 11:4

Ramraman wa mafagubuk nu si wa sfanginsafulan fag menit, dewa katanya, at matuyan fag ugali, mafalangfe emu siginans fakabulun.

Fangatulun 21:30

We mafasud Yawi at fagsafulun ay at fagmamatanganun.

Fangatulun 3:5

Afanudi tua gugat sas Yawi sas fagdaul am amatanganan, ay lag o gseg am sadili fagsafulun.

Takamoyung 2:19

Sinu nunda at mafatuyan te, e fagsafulun ay we fagsafulun? Nusnga sinu fag taw magbilug way fagayu ku nainlufuyan ay ku nainkidapanan nafakamulun sas fagdaul ku fagmabitsugun ay ku fagsafulun. Ay fagayu ku nainlufuyan we masuad!

Takamoyung 9:11

E nalag kyay fia stes fagdaul daga. Bunwa fagayu at masakit gtarung tagbabo, ay bunwa fagayu at mabitsug tagbabo nu gfawayan. Ay bunwa fagayu at ke fagsafulun at ke fakamulun laman at fagbulan at fagayudanun, ay bunwa fagayu ke fagsafulun at maramraman, ay bunwa fagayu ke fagmakatuun tagbabo. Aroro galay sik taw mesa e kayaunanan.

Isayas 10:8

Nu katanya, kanya kamatungudun te, “O nunda fagayu tagfangguna ku ngay tagfawayan wa kata sik ngay fun?

Isayas 20:5

Ay fagayu tagseg Etiupya ay takamatungudun talun Igiptu umlimu ban ay umkapla.

Isayas 47:10

Ay gafanud o te, we faurianan takadasug sa emu dewa o gfakamulun at mauri, aroro gamatangan o te, we glag emu. Am ngay fagsafulun ay am fagmamatanganun nafalyam emu, ay kanya wan am fagnalongun te, ‘We gfasud angku.’

Isayas 5:21

Ida, afanyuan am! Am takamanagsag te, “E fagsafulun au!”

Eremyas 31:34

Wa ban e glong ya sat ngay kaiban ay sat faduksay te, ‘Toglagi tua Yawi,’ aroro kanya fagayu toglag wan angku, siginan tagafalingunan ay anggan sat ngay takadungug. Namalyam kban kanya fagayu at ngay nafakamulun at mauri, ay kwa ban gamatangan ya at ngay asalanan.

Eremyas 48:14

Ngay taw Muab kamatungudun te, at ngay tagfawayan maseganama nu gfawayan.

Eremyas 48:7

Ngay taw Muab, nu gafanud am sa way ay fagmakatuun ay sa ay ngay ramraman. Nu katanya, e tumaban ban ayu gasfuan ay fagsegan Kemus ay anggan at ngay tagfon fanggalangun ay at ngay tagfangguna.

Eremyas 49:4

Am fag ngay taw takamabo, wain ay fakamatungudunun ay gamasun tangayu nu ggutlu? Gafanud am sa ay ngay ramraman ay glong am te, ‘We namawayan ya emi.’

Esekyel 29:9

Mabalu ban sis talun Igiptu ay sumaful ban am te, au Yawi. Nalong o te, Liskung Nilu am fagagbilugun laman am fagnangigusan,

Esekyel 7:19

Kanya ban fagayu gukas wan at ngay salapi ay gintu sa sangay dalan kata sik ngay masuya. Gina kban nafadasug ku dotama, at ngay ramraman ban wa mafalangfe anya fagayu. Kanya ban fagayu wa yangay maon at ngay ramraman laman kapsug, aroro at ngay ramraman wan at nafae asalanan anya fagayu.

Daniel 3:15

Katsi gsugu au ayu te, nung ro am nadungug ngay fagfawangun at awang, malubi ay segi ku nafawat fag fagsegan. Ay nu dway ro am gseg, gsugu kro te, ukasi ayu sa sik faygangan daul. Sumaful ro tam te, o anud e dius at mafalangfe ayu.”

Daniel 4:37

Nu katanya, katsi, gfauseganan au ay gfabat Dius tagsis banwa, aroro at ngay fakamulun matuyan, ay kanya gfababa ngay takamatungudun.

Mikas 6:8

Mikas gbalus te, “Yawi nafoyung wan sa antam at masine. Katatuy at fakaylatun tam fakamulun: Fakamuluni at matuyan, afanyui tam ngay iba, ay ugalii famababauni sas Dius.”

Sefanias 1:18

Gina kban gfaurianan fag menit, we mafalangfe anya fagayu, dewa at ngay salapi ay at ngay gintu. Ku dotama kata afuy tagirug fagdaul daga. Ay masakit nu gfamin au fagayu tagbanwan sas fagdaul daga.”

Markus 10:24

Ay at ngay tagadal andulo nu nadungug Isus at longan. Ay Isus nalong yangay te, “Ku ngay sisian, maidap tua at nangatap sas Dius at fagfagtainanan.

Ruma 1:22

Kafag ngay taw glong te, “E fagsafulun ami.” Dewa katanya, kanya fagayu wa mamatanganan.

1 Kurintu 1:31

Nu katanya, faningi at Rirukan te, “Nusnga sinu takaylat kamatungudun, at fakamatungudunun sai tua baliwa tam Fun.”

Deuterunumyu 8:17

Malong ban am sa ay ngay sadili te, “Nagbilug au tuy fag ngay ramraman siginan ku fagmakatuun ay ku fagmabitsugun.”

Filipus 3:10

Katsi, kaylat au gtoglag tam Fun Isus, ay gyasafulun au at kamabalyananan aroro nadog naleleg, ay kata anya kaylat au nanginkidapan, ay namaning anya anggan sat nabulanan.

Filipus 3:8

Matuyan, we tungkul ya sa angku takatanya fagayu, aroro katsi at mafanud sa angku nu gtoglag ktua ku Fun Isus. Aroro siginan anya, fagayu tagsi angku ebi, gtuyan kwa te, kata way lang sik nakaurian laman tam Fun Isus gbanwan tua si angku,

1 Timuteu 6:10

Aroro fakesugun salapi, kanya wan fagsigadan fagayu fagmauriun. Tibak taw naubun wan at fagafanudun aroro kesug salapi, nu katanya, ngayu at fakabaluun.

1 Samwel 17:42

Ay Gulyat nu nalag te, Dabid mamunama yay ay at kamatan masine, kauri Dabid.