Eremyas 9:22 - Fanawbuid tagsibaliwas Fakayabian

²² Ay Yawi nalong te, “At ngay mabulan kata sik fagbaugun at kek nangarapyag sa sangay gamasun, ay kata yangay taggutlu at nafamato fag ngay rawvg at yud e namul ya.

Eremyas 9:22 ပူးပေါင်းရင်းမြစ်များ

2 Fun 20:13

Ay Esekyas naylat kanya fag ngay fagsuguan at nadasugan, ay nafalag sa anya at fagfungsuan nusnge wain fag ramraman sanbung salapi ay gintu, ay famaenamnam fakonun, ay at mafilian fag langis, ay nusnge wain fag famawayan, ay tiba yak ramraman. Kanya nafalag wan fagayu nusnge wain sit bale daul ay sit fagfagtainanan.

2 Fun 20:15

Ay Isayas gdog yay nainto te, “Nataw at nalag sim bale?” Ay Esekyas nabalus te, “Kanya nalag wan fagayu nusnge wain si ku bale daul. Kwe nasuksuk fagayu ku fagmaramramanun; nafalag kwan.”

2 Fun 9:37

Kafag mangena at bilug anrapyag kata sik masuya sas Esreel at gamasun ay we toglag ya anya.”

Ub 5:13

Kanya saful way te, at ke fagsafulun kamasaweun way, ay nasalag way ngay tagfandaya at algan.

Alubad. 49:7

Dewa katanya, kanya fagayu wa makatu gbayad sas Dius laman gfalangfe at ngay sadili siginans fakabulun.

Alubad. 83:10

Kanya fagayu anbul sis furuan Endur, ay at ngay bilug andan ay ansik ngay famataglu fananumun.

Fangatulun 18:11

At maramraman fag taw at fagsegun at ramraman ban mafagubuk anya, kata sik maksvn fag alad nu maligung furuan.

Fangatulun 23:4

Lag o gfaidapan am sadili laman nangaramraman. Faragangi ay amatangani am sadili nu setain at masine.

Isayas 5:25

Nu katanya, Yawi maksvn nu kadotama at ngay taw, ay kanya mafalganan wan namaurianan anya fagayu. Ngay buksul ban guigan, ay ngay taw ban at mabulan rumapyagan sa sangaba dalan kata ngay nakaurian. Dewa katanya, Yawi at dotama ya nalyam, ay mafalganan yay namaurianan anya fagayu.

Eremyas 16:4

Kanya ban fagayu umbul siginan at maksvn fag fakasaitun. Wa ban e gamatang ya ay we namoli ya anya fagayu. At ngay bilug ban grapyagan sanya fag talun kata sik fagbaugun at ngay kek. Ay e kabul yangay ban sas awayan ay sas fanlunus. Sanya ginan ban ngay manuk tungud ay at madot fag ngay mela nangon kanya fag ngay taw at ngay bilug.”

Eremyas 25:33

Ginanya ban fag menit, Yawi gfabul ngayuk taw ay at ngay bilug ban grapyagan sas nusnga nday sas fagdaul daga. Wa ban e kabalu ya ay we kaful ya ay we namoli ya anya fagayu. Gfabayan way lang ban anya fagayu kata sik fagbaugun at ngay kek sis tungud daga.

Eremyas 6:21

Nu katanya, namoli au sa sangay taw at dalan sik fakataidan laman umlub. Ngay fagtainan ay at ngay sisian, anggan at ngay fagadgalangan ay at ngay fasabale umbul.”

Eremyas 7:33

Ngay manuk tungud ay at madot fag ngay mela nangon ku ngay taw at bilug at mabulan, ay nusnga sinu we manansabug ya.

Eremyas 8:2

Ay namarapyagan kban sa sik talun kafag ngay taw at ngay bini. Ay matimrangan ban sis menit at sugba ay sis magdanun ay si sangay galeme at yamag. Katanya ban at faurianan sa kafag ngay taw aroro nesug menit ay magdanun ay ngay galeme, ay nafaning kafag ngay tagyamag ay ankakbang sanya ay nafauseganan.

Abakuk 1:11

Sanya ginan, kanya fagayu masakit glao, kata tagmara nu gdalan. Nu katanya, kanya fagayu anke asalanan, aroro we fagtoglagun ngay fagsegan, nu bunway gseg wan at sadili fagmakatuun.”

Sefanias 1:17

Yawi nalong te, “Namae fagidapun au ngay taw, ay kanya ban fagayu glao kata sik yud glag, aroro anke asalanan sa angku. Ay at taguk gtaribisan kata mamam, ay at ngay bilug kadan kata ngay nakaurian.

Deuterunumyu 8:17

Malong ban am sa ay ngay sadili te, “Nagbilug au tuy fag ngay ramraman siginan ku fagmakatuun ay ku fagmabitsugun.”