Eremyas 9:21 - Fanawbuid tagsibaliwas Fakayabian

²¹ Ay fakabulun nasakbo wan sa tam mesa bale ay anggan sa tangabat fag bale. Ay kanya nafabul tam ngay sisian si sangay dalan anggan tam ngay baguama sis fagaweanan.

Eremyas 9:21 ပူးပေါင်းရင်းမြစ်များ

2 Krunika 36:17

ay naylat ngay taw Babilunya nu namawayan anya fagayu. Ngay taw Babilunya gfabul kafag ngay taw at ngay baguama dewa sis Yawi at bale. Kanya fagayu we afanyu ya sas nusnga sinu fag taw, mangama ay mangena, ay at mafagtainan ay at mamomuy. Dius nafagbilug at ngay taw sas fun Nabukudunusur.

Isayas 40:30

Ngay baguama kamomuy yangay ay kalufuy ay kataid,

Eremyas 15:7

Namaurianan kban ayu kata upa nu kalayug sas sakbawan furuan daul. Namamin kban ayu anggan ay ngay sisian, aroro wam nafaragang nu gugali am at mauri.

Eremyas 18:21

Nu katanya, fabayani wan at ngay sisian nu kabul sis fanlunus ay sis awayan. Fasik ngay fagbubayuni wan at ngay mangena, ay fabayani wan at ngay sisian nu kabul. Ay fabayani yangay at ngay mangama nu kabul sas fakasaitun ay at ngay baguama nu kabul sas fagawayanan.

Eremyas 44:7

“Au Yawi at Mabalyanan, Israel at Dius, ginto au te, wain ay fagnafauriun ay ngay sadili? O nunda kaylat wam ngay taw Uda nu kamin, ngay mangama, ngay mangena, ngay baguama ay anggan at bagu kasalug fag ngay sisian?

Eremyas 50:30

Ginanya ban fag ngay menit, at ngay baguama anggan fagayu at tagfawayan kabul sas fagaweanan.

Eremyas 6:11

Maksvn yangay nu kadotama au, kata Yawi nu kadotama, ay kwa kagwanta ya.” Yawi nalong te, “Namadasug au ku dotama sa sangay sisian tagawean, ay sa sangay baguama at maful, ay sa sangay dadwa ay anggan sat ngay mafagtainan wan.

Eremyas 6:21

Nu katanya, namoli au sa sangay taw at dalan sik fakataidan laman umlub. Ngay fagtainan ay at ngay sisian, anggan at ngay fagadgalangan ay at ngay fasabale umbul.”

Eremyas 7:33

Ngay manuk tungud ay at madot fag ngay mela nangon ku ngay taw at bilug at mabulan, ay nusnga sinu we manansabug ya.

Eremyas 8:2

Ay namarapyagan kban sa sik talun kafag ngay taw at ngay bini. Ay matimrangan ban sis menit at sugba ay sis magdanun ay si sangay galeme at yamag. Katanya ban at faurianan sa kafag ngay taw aroro nesug menit ay magdanun ay ngay galeme, ay nafaning kafag ngay tagyamag ay ankakbang sanya ay nafauseganan.

Uel 2:9

Kafag ngay liung namawayan furuan ay nangkato sa tangabat fag ngay alad. Ay nangkato yangay sa sangay bale, ay gdalan sas fagbanawanan kata sik tagfangkamul.

Amus 5:2

Israel kata sik baguina at kintaygilid at yud manangalindug ya. Kanya mataygilid way lang sit talun ay we namangkad ya.

Amus 6:9

Nu safulu way lang ktaw at kinsawad si sik bale, fagayu umbul.

Sefanias 1:17

Yawi nalong te, “Namae fagidapun au ngay taw, ay kanya ban fagayu glao kata sik yud glag, aroro anke asalanan sa angku. Ay at taguk gtaribisan kata mamam, ay at ngay bilug kadan kata ngay nakaurian.