Eremyas 9:20 - Fanawbuid tagsibaliwas Fakayabian

²⁰ Eremyas glong sa sangay mangena te, Katsi, dungugani fia Yawi at longan. Ay foyungi ay ngay baguina ay anggan ay ngay iba nu setain nu nanwayway ay nu nangabalu.

Eremyas 9:20 ပူးပေါင်းရင်းမြစ်များ

Ub 22:22

Faningi at ngay suguan, ay fasii gugat am amatanganan at ngay longan.

Isayas 3:16

Yawi nalong yay fia te, “Tagsis furuan Erusalem fag ngay mangena kamatungudun. Kaduge glao kamaseganinaun, ay nu gdama kamaylatan, ay nu glao kamasayaun, ay at famasine sit tiusan bitis kadkalingan.

Isayas 3:4

Ay Yawi ban nanfili sik ngay sisian laman at namangguna anya fagayu.

Eremyas 14:16

Ay e nangukas ban sas furuan Erusalem at ngay dalan at ngay kinbul at nafanud sanya fag ngay taglong. Kanya ban fagayu umbul sas awayan ay sas fanlunus. Wa ban e namoli ya at ngay mangena ay at ngay sisian. Ay namadasug kban sa anya fagayu at kasakan fag faurianan.

Eremyas 23:16

Yawi at Mabalyanan glong sa sangay taw Erusalem te, “Lag am gafanud takamuag fag ngay taglong at longan. Kanya fagayu nafaseg way ayu sat fakamuagun. Wa siginan angku at ngay taginfan, siginan way at ngay sadili amatanganan.

Eremyas 23:28

Fabayani wan ngay taglong tagfoyung sabaliwa at sadili taginfan, dewa katanya, fagayu taglong at nadungug ku ngay longan gfoyung tua nangus at matuyan. Aroro takamuag fag ngay taglong at ngay taginfan saman way ku ngay longan, kata trigu ay nagruyusan nu saman.

Eremyas 6:11

Maksvn yangay nu kadotama au, kata Yawi nu kadotama, ay kwa kagwanta ya.” Yawi nalong te, “Namadasug au ku dotama sa sangay sisian tagawean, ay sa sangay baguama at maful, ay sa sangay dadwa ay anggan sat ngay mafagtainan wan.

Eremyas 7:29

“ ‘Ufoi ay ngay buk ay ukasi ay nagufoan laman gfalag am ay fakabaluun. Waywayani sis talun yud e taw fag ngay tagbudbuksulanun aroro Yawi natalyuyan wan ay nafabayan ayu fag ngay taw at nafadotama anya.’ ”

Eremyas 8:2

Ay namarapyagan kban sa sik talun kafag ngay taw at ngay bini. Ay matimrangan ban sis menit at sugba ay sis magdanun ay si sangay galeme at yamag. Katanya ban at faurianan sa kafag ngay taw aroro nesug menit ay magdanun ay ngay galeme, ay nafaning kafag ngay tagyamag ay ankakbang sanya ay nafauseganan.

Eremyas 9:12

Ay nainto au sas Yawi te, “Sinu ro manga at ke fagsafulun gtogdungug am ngay longan? Ay sinu fag taw am fagfoyungan sabaliwa am longan laman kanya gfoyung yangay sa sangay taw? Wain faginrasrasun tuy fag talun ay faginkataun sik talun at yud e taw at yud e nandalan ya?”

Takabalu 2:19

Afuloi sis buknga yabi ay eti gubuk sas Fun Dius. Ay longi wan sa anya fagayu ay fagamatanganun, fakatai nu gbusbus am mamam. Ay darangini fabati ay ngay take laman sa ay ngay sisian at mamomuy kalunus tagsi sangaba dalan.

Takabalu 2:21

Ay at kinbul fag ngay sisian ay fag ngay fagtainan grapyagan si sangaba dalan. Ay anggan ngay baguama ay ngay baguina anbul sis fagawayanan. Andotama o anya fagayu, nu katanya, wo nfanyu ya gfabul.