Eremyas 9:2 - Fanawbuid tagsibaliwas Fakayabian

² Nu e fagbanwanan kdi sat yud e taw fag talun, namanwan au laman kayayu ku ngay iba, aroro kanya fagayu nafamabo kata sik mangena takamatugtug.

Eremyas 9:2 ပူးပေါင်းရင်းမြစ်များ

Isayas 59:3

Gfabul am ngay taw, ay gfakamulun nusnga setaw fag ngay fagmauriun. Kamuag am ay glong at mauri.

Eremyas 12:1

Yawi, kabavn matuyan tuo dewa au nafamayud sa emu. Ay katsi e fagintoun au sa emu: wain ro at mauri fag ngay taw at fakaramramanun? Ay wain ngay taw takamabo emu fagmanabayanun?

Eremyas 12:6

Dewa am ngay faduksay ay am kalongan at nafamabo emu. Ay kanya fagayu anke algan mauri sa emu. Nu katanya, lag o gafanud kanya fagayu dewa mafalukmeanan fia nu garingang.”

Eremyas 13:22

Nu ginto o sam sadili te, “Wain ku faginfauriananun kata sik mangena at nagiratan at lanbung ay at natugtugan?” Andasug sa emu takatanya aroro siginan am asalanan at kayuan.

Eremyas 23:10

Mapnu wan ste fag talun tagseg tibak fagsegan, aroro sat ngay taglong at ngay fakamulun at mauri ay nu gfasawe nu gfakamulun. Nu katanya, Yawi nafauri kafag ngay taw at talun, ay at ngay fananumun an-gong wan ay anlangke.

Eremyas 4:22

Yawi nalong te, “Ku ngay taw we fagsafulun; kanya fagayu wa toglag angku, kata way sik ngay baguama yud e fagsafulun ay at yud gtogdungug, ay annanad gfakamulun at mauri ay wa saful gfakamulun at masine.”

Eremyas 5:1

Yawi nalong te, “Ngay taw Erusalem, loi sa ay ngay dalan ay damai ay ngay fagaweanan! Ay nu e nalag tua ro am at masine ay at matuyan, gfalyam kban ay furuan at asalanan.

Eremyas 5:11

Ngay taw Israel ay ngay taw Uda wa matuyan ya sa angku. Au, Yawi, taglong tuy.

Eremyas 5:2

Dewa am glong te, ‘Gfatuyanan au sas Yawi, tagleleg fag Dius,’ kamuag wayam.”

Usea 4:2

Abat ngate, gfataglayun wayam glong at mauri sa ay iba, ay kamuag, ay kamabul, ay gfangkamul ay gfanugtug. Ay wam gfaning ya ku ngay faugali, ay wam gfaragang nu kamabul am.

Usea 5:7

Nafamabo am angku siginan nu gsisian am siginan ay yud mangena. Nu katanya, namabul au ayu ay nanrasras ay ngay gamasun, gina ban am maful sabaliwa Magdanun nu Bagu Kasure.

Usea 6:7

Nafaning wayam Adan, wam nafaning tam nasadian. Natalyuyan am angku gina am si ay talun.

Usea 7:4

Kanya fagayu sik takamabo way fag ngay taw. Ay kata sik tagfatama tinapay at faygangan at yud kalay ya siginan nu gfasigad gluag famabia tinapay yakmay kafag tinapay anbia.

Mikas 6:12

Ay am fag ngay taw at maramraman, madot am, ay kamuag.

Sefanias 3:4

Ay at ngay taglong nu gfakamulun gfangabanganan, ay bunwa sik fagfatigwanan. At ngay tagfon fanggalangun wa gfae masuad Dius at bale, ay wa gfaning Yawi at ngay suguan.

Malakyas 2:11

“Ngay taw Uda nafamabo. Kanya fagayu nafakamulun at ngay mauri sas Erusalem ay sas fagdaul talun Israel. Ay nafauri Yawi at bale siginan nu gfafamubay at ngay baguama sa sangay baguina tagseg tibak fagsegan.

Malakyas 2:14

Ay ginto am te, ‘Wain faginfasludanun takatanya?’ Anfasludan sa ayu takatanya aroro Yawi wan tagfatuyan te, naubun am ay ngay mesa mangena ay wam nafae masuad ay nasadian gina am kadadwa.

Santiagu 4:4

Wam mangaro matuyan sas Dius. O nunda wam nasaful te, nu gfagadgalangan wayam ste swa daga, gfawayan wayam Dius? Nusnga sinu tagfagadgalangan fagdaul daga, kanya gfawayan Dius.

Tagfangguna 2:10

Ginanya fag ngay talad kasugfunanan nu nbul wan, at fadogan fag ngay kasugfunanan wa natoglag Yawi, dewa nasaful Yawi at nafakamulun fag ngay madulo sa sangay taw Israel.