Eremyas 9:16 - Fanawbuid tagsibaliwas Fakayabian

¹⁶ Ay namarapyagan au anya fagayu sat fagyudun toglag fag ngay talun, ay anggan at mangaguyang at fagyudun toglag. Ay namadasug kban sa anya fagayu tagfawayan laman namawayan ay namamin.”

Eremyas 9:16 ပူးပေါင်းရင်းမြစ်များ

Nemyas 1:8

“Amatangi ebi am nalong sas Muisis te, ‘Ngay taw Israel, nu dway ban am matuyan sa angku, namasaruayan kban ayu sa sangay talun.

Alubad. 106:27

ay namasaruayan kban at ngay kasugfunanan sa sangay talun, ay sanya waban nu kabul.”

Takamoyung 12:5

ay kagawan ban o nangundaud sa tangabat fag buksul, ay kayudbak waban o gsadilian glao sa sangaba dalan; ay nu gubanun waban o, ay gina ban o yud bangan malao ya, ay way ban o gamatangan ya fagayu am fakaylatun. Ay sa ban taguyan, glao wo sam fagbanwanan yud katabu ay ngayu ban takabalu emu sa sangay dalan.

Eremyas 13:24

Yawi nalong te, “Namarapyag au ayu kata tagmara tagsiginan at yud e taw fag talun, nu gfalayug ngay upa.

Eremyas 24:10

Gfadasug kban sa anya fagayu awayan, fanlunus, ay fakasaitun yakmay ban anbul si ku nafon sa anya fagayu ay sat ngay mangaguyang fag fagbanwanan.”

Eremyas 25:27

Sanya ginan, Yawi nalong sa angku te, “Nanlong o sa sangay furuan te, ‘Au, Yawi at Mabalyanan, Israel at Dius, glong au te: Agvd, inumi sis taya ku fandotaman yakmay am nalangu, ay nafangkok ay antangda, ay wam makatu ya kalunggung aroro namae awayan au sa ayu.’

Eremyas 29:17

Namadasug kban sa anya fagayu, fanlunus ay fakasaitun. Ay kanya ban fagayu umkata igus at rawvg at madanan yud kaon ya.

Eremyas 44:27

Abat ngate kban gdiri ayu laman e fagmasineun am, gfaurianan kway ban ayu. Ay fagayu am tagbanwan stes talun Igiptu, kabul ban am sas awayan, sas fanlunus yakmay ban am ankamin.

Eremyas 7:29

“ ‘Ufoi ay ngay buk ay ukasi ay nagufoan laman gfalag am ay fakabaluun. Waywayani sis talun yud e taw fag ngay tagbudbuksulanun aroro Yawi natalyuyan wan ay nafabayan ayu fag ngay taw at nafadotama anya.’ ”

Eremyas 8:19

Dungugani! Ku ngay kaiban gwayway kadungug sas fagdaul talun, ay glong te, “O nunda Yawi naubun wan furuan Erusalem? O nunda Siun at fun wa sanya ya?” Yawi nabalus te, “Wain ay fagnafadotamaun angku, siginan nu gseg am tibak fagsegan?”

Esekyel 11:17

Nu katanya, au, Fun Dius Yawi, glong au te, gdog kyay ban namaful ayu siginan ay fagsaruayanan fag ngay talun, ay gfafoli kyay ban sa ayu talun Israel.

Esekyel 12:15

Ay gina kban nafasaruayan kafag ngay taw sa sangay talun, kanya ban fagayu sumaful te, au Yawi.

Esekyel 14:17

“Ay namadasug kban sanya fag talun sik awayan laman namabul at ngay tagbanwan ay at ngay fagbaugun.

Esekyel 20:23

Ay sis talun at yud e taw nafatuyan au te, namasaruayan kban anya fagayu sa sangay talun.

Esekyel 27:2

“Taw at baguama, abalui furuan Tiru,

Esekyel 5:12

Nangafud kban ayu tuluk afud. Taguna ban fag afud kabul sis furuan daul siginans lunus ay fakasaitun. Ay at fadua bank afud, nangabul sas day furuan daul siginans fiso tagsumbalian at uyup. Ay at fatulu bank afud, namasaruayan au sas fagdaul daga ay gfataglayun kyay ban fia gfaurianan.

Esekyel 5:2

Taguna fag afud namoli o sam natagis fag furuan Erusalem. Ay nangirug o sas wabilug furuan nu ntabu wo gfalag nu setain furuan Erusalem nu gababawan. Ay at faduak afud, gatvngi ay fatunglui sas furuan daul. Ay at sawad, falayugi wan sas tagmara. Aroro namabul kban ku ngay taw siginan sik fiso tagsumbalian at uyup.

Lebitiku 26:33

Umke awayan ban maksvn si ayu laman grasras ay furuan, ay namasaruayan kban ayu sa sangay talun.

Amus 5:16

Nu katanya, katatuy tam Fun, Yawi at longan: “Umdasug ban sik menit umdungug nu e gwaywayan sa sangay fagaweanan ay sa sangay dalan. Ay namauro yangay tagsi sangay gamasun laman gfasfuan at ngay tagfakamulun fag ngay taw laman nanwayway sat ngay kinbul.

Mikas 2:4

Ginanya ban, ngay taw gfalingun ayu siginan nu galubad at mabalu te, ‘Katsi afanyuan wami! Yawi nagbilug wan em ngay daga ay nafon sa sangay tagfandaya.’ ”

Sakaryas 7:14

Kata au sik maksvn fag tagmara namarapyagan au anya fagayu sas nusnga nday fag talun. Kanya fagayu naubun at ngay talun at masine nu katanya, we masuad ya ay we manamanwan ya.”

Deuterunumyu 28:25

Yawi ban gfababawan ayu sa ay ngay fawayan. Masadi ban am namawayan anya fagayu, dewa katanya, gsaruayan way ban am ay glagyu anya fagayu. Ay umsik mauri ban am sas fagayu fagfagtainanan sas fagdaul daga.

Deuterunumyu 28:36

Yawi ban namataban ayu gasfuan ay nafili fag fun sa ay fagyudun toglag fag ngay taw, ay anggan ay ngay mangaguyang at fagyudun toglag. Ay nanseg ban am sat ngay fagsegan at mawatan kayu ay gang.

Deuterunumyu 28:64

Yawi ban gfasaruayan ayu nusnga nday fag talun. Ay sanya ban gseg am sa tibak ngay fagsegan at mawatan kayu ay gang, am ay anggan ay mangaguyang ay fagyudun toglag fag ngay fagsegan.

Deuterunumyu 32:26

Nalong au te, gfaurianan kban anya fagayu, yakmay ban kanya fagayu yud kamatang ya sas fagdaul daga.

Deuterunumyu 4:27

Yawi ban namasaruayan ayu sa tibak ngay talun ay wa ban am ngayu ya takasawad si sangay talun at ngay taw nu inda Yawi nu gaiyan ayu.

Santiagu 1:1

Au, Santiagu, Dius ay tam Fun Isus at fagsuguan. Gfadasug au ku longan sas taw Israel at kasugfunanan fag labi dua at nasaruayan sas fagdaul daga.