Eremyas 9:11 - Fanawbuid tagsibaliwas Fakayabian

¹¹ Yawi glong te, “Nanrasras kwan Erusalem, ay kanya umkata at kinbaras fag ngay gang, ay tagbanwan ban sanya idu talun way lang. Ay fagayu ban furuan tagsis Uda namakata au at yud e taw fag talun, ay wa ban e gbanwan ya sanya.”

Eremyas 9:11 ပူးပေါင်းရင်းမြစ်များ

Nemyas 4:2

Ay gina at ngay ufud ay Samarya fag ngay tagfawayan sit salubangan, kanya nalong te, “Nataw kafag ngay afanyuan fag ngay taw Udyu at fakamulun? O nunda at amatanganan mafatabu way nu kawat Erusalem at alad kaduge sadik menit laman gdog manamon fanggalangun? Malgau kafag ngay taw at amatanganan at ngay kinkirug ro ay at kinrufa fag alad gang masine yay.”

Alubad. 107:43

Ngay taw at ke fagsafulun gamatangan tua nangus gugat takatanya fagayu, ay gamatangan tua nangus gugat te, Dius mafangesug.

Alubad. 44:19

Dewa katanya, nafamomuy o ay nafabanwan emi sa ngay idu talun at fagbanwanan at maksvn nu madulum. Ay natabun o emi fagmadulumun.

Alubad. 79:1

Dius, tibak talun at ngay taw nababo am nafili fag talun, ay nafasuya am bale, ay naiklas furuan Erusalem.

Isayas 13:22

Ay ngay idu talun gsubang ay gbanwan sa sangay mogat fag ngay bale ay sa sangay bale daul. Munakbang wan talun Babilunya nu karasras; wa glugo ya.

Isayas 25:2

Narasras wo at maaladan fag ngay furuan sa tibak talun. Ay narasras wo yangay tibak talun at ngay taw at mogat fag furuan, ay wa ban e gdog ya nangawat.

Isayas 34:13

Ay tumugbung sanya sik ngay makmak madugi sit maaladan fag afud furuan. Ay sanya ban tagbanwan sik ngay ebo way lang ay ngay idu talun.

Isayas 44:26

Ay dewa katanya, namafasludan ktua ku ngay taglong at ngay longan. Gfoyung au te, ‘Gdog yay ban e namanwan sas furuan Erusalem, ay gdog kyay ban namawat tibak furuan sis talun Uda at kinrasras wan.’

Eremyas 1:15

Dungugani! Nanguro au ngay tagfawayan siginans fagayu fagfagtainanan, tagsis wala baliwa fag alvngvdan laman namawayan furuan Erusalem. Ay kanya ban fag ngay talun at ngay fun nangawat at ngay mesa fagfagtainanan sis furuan Erusalem at ngay sakbawan anggan sat ligung. Ay katanya yangay ban at fakamulun sa tibak furuan sis Uda.

Eremyas 10:22

Dungugani ngay tagfawayan takadasug siginans fawalan fag alvngvdan nu gtadtalasan! Kanya fagayu nanrasras Uda at ngay furuan ay at namanwan ban sanya ngay idu talun way lang.

Eremyas 16:10

“Nu nalong ban o takatanya sanya fag ngay taw, ay kanya ban fagayu nu nainto te, ‘Wain Yawi at fagnafararangun te, kadasug ban sa emi takaksvn nya fag faurianan? Nataw em nafakamulun at mauri? Ay nataw em asalanan tagfauri Yawi em Dius?’

Eremyas 25:11

Ay tuy ban fag talun umsik mabaluan. Ay tagbanwan sanya fag talun namakamulun sas Babilunya at fun kaduge fituk safuluk banwa.

Eremyas 25:18

Nafainum kwan sas Erusalem ay sa sangay furuan tagsis Uda anggan sat ngay fun ay sat ngay tagfangguna laman umfaurianan wan. Ay tiba bank taw umdulo at kindasug sa anya fagayu, ay gfalingun ay gfauri, kata takafasludan katsi.

Eremyas 26:18

“Ebi gina Esekyas gfunan sis talun Uda, Mikas, tagsiginans Mureset, nalong Yawi at longan laman sa sangay taw Uda. Kanya nalong te, ‘Yawi at Mabalyanan nanrasras wan Siun, Erusalem fag furuan daul. Ay kafag furuan ban umkata sik fagtanuman at malian, ay sik fagfungsuan at kinkiklas fag ngay bale, ay at fagfalindugan Yawi at bale fag buksul umkata sik araw.’

Eremyas 26:9

Wain am fagnalongun te, Yawi nalong sa emu te, grasras wan tuy fag bale kata Silu, ay tuy ban fag furuan mabaluanan way lang ay wa ban e gbanwan ya?” Nu katanya, kanya fagayu nagamat Eremyas.

Eremyas 34:22

gsugu kyay ban anya fagayu laman namadog namawayan, nangagbilug, ay nangirug ayu. Fagayu ban furuan sis Uda namasik mabaluanan au ay wa ban e gbanwan ya.”

Eremyas 4:27

Katatuy Yawi at longan te, “Fagdaul talun umrasras, dewa katanya, kya ban fia grasras.

Eremyas 44:2

Katatuy Yawi, Israel at Dius, at longan: “Nalag wam ku nafadasug fag faurianan sas furuan Erusalem ay sa sangay taw Uda. Ay katsi kanya fag furuan anrasras wan ay we gbanwan ya sanya,

Eremyas 49:33

Kabavn ban mabalu way lang sis furuan Kasur; tagbanwan ban sanya idu talun way lang.”

Eremyas 50:3

E sik talun ban siginans fawalan fag alvngvdan namawayan talun Babilunya, ay Babilunya ban mabaluanan way lang. Ay wa ban e gbanwan ya sanya aroro at ngay taw anggan at ngay fagbaugun nalagyu wan.

Eremyas 51:37

Nanrasras kwan kafag talun, ay tiba bank taw umdulo at kindasug sa anya fagayu, ay gfalingun, ay tagbanwan ban sanya ngay idu talun way lang.

Eremyas 8:22

O nunda sis Gilyad we famafia ya? O ay sanya we tagfafia ya? Wain ku ngay kaiban at ngay bangbang fagyudun kafia ya?

Takabalu 1:4

Dalan tagsas furuan Erusalem maksvn fag fakabaluun, aroro we kadasug ya laman nangaful galay fagmafulun. Ay we taw ya si sangay sakbawan furuan. Ay fagayu tagfon fanggalangun gidapan, anggan ngay baguina maksvn nu kabalu. Maksvn sis Erusalem nu mabalu.

Takabalu 2:2

Ay kanya narasras yangay ngay taw Israel at fagbanwanan. Ay siginan at dotama, kanya narufa yangay furuan Erusalem at alad. Ay nafaragang wan sanya fag fagfunanun, ay nafaragang yangay ngay tagfangguna ay nafae fakaplaun.

Takabalu 3:47

Ay nadalan ami sat maksvn fag fagmalimuun, fag fagafanawaun, fag fanrasras ay fag faurianan.”

Lebitiku 26:32

Nanrasras kban ay ngay talun ay ay ngay fawayan ban at nangagbilug ayu, kadulo.

Mikas 1:6

Nu katanya, Yawi nalong te, “Nangiklas kban Samarya laman umsik fagtanuman wat ubas. Ay namabaras kban ngay gang sanya ginan fag furuan yakmay andasug sas datag ay yakmay ansure kafag furuan at ngay fagfatungkudan turuk.

Mikas 3:12

Aroro nafakamulun am takatanya, umkiklas ban Siun, furuan Erusalem. Ay kanya ban umkata sik fagtanuman at malian, ay sik fagfungsuan at kinkiklas fag ngay bale, ay at fagfalindugan Yawi at bale fag buksul umkata sik araw.

Mikas 6:16

Umfasludan ban sa ayu takatanya, aroro nafaning am fun Umri, ay at baguama fun Akab at ngay fakamulun mauri, ay at ngay faugali, ay at ngay famalun longan. Nu katanya, namaurianan kban ayu, ay tiba bank talun namauri ay namalingun ayu.”

Deuterunumyu 29:23

Ay fagdaul ban ay fagbanwanan umkata sik talun at yud e taw, asupre ay barara at natabun. Wa ban e gtanum ya sanya fag talun aroro we gtugbung ngay fananumun. Ay umrasras ban kata furuan Suduma ay Gumura, ay Adma ay Sebuyim, Yawi at nafaurianan aroro maksvn nu kadotama.

At Nafasure 18:2

Ay kanya maksvn nu guro te, “Anrasras wan at mabalyanan fag furuan daul Babilunya, ay katsi tagbanwan sanya, at mauri fag ngay falad, kanya at mauri fag ngay taw yabi, ay at mauri fag ngay manuk tungud, ay at mauri fag ngay mangilafang.