Eremyas 9:10 - Fanawbuid tagsibaliwas Fakayabian

¹⁰ Eremyas nalong te, Nanwayway au maksvn laman sa sangay buksul ay sa sangay fagnamafangonan, aroro at makmak an-gong wan ay we gdalan ya sanya. Ay kwe dungganan ya ngay baka nu guni, ay anggan ngay manuk tungud ay tiba yak mela anyayu wan.

Eremyas 9:10 ပူးပေါင်းရင်းမြစ်များ

Isayas 41:15

Damai! Namakata au emu sik bagu fag fanruyus ke ngay bagang at maglat. Ay nanrufa o ngay buksul ay ngay fungsu kata nu gruyus, ay namakata o sik ngay upa.

Isayas 49:19

Anrasras wo ay nafasik mabaluanan, dewa katanya, katsi tagbanwan si emu wa sak ya. Ay at narasras emu umyayu wan.

Eremyas 12:10

Ngayuk tagfangguna nanrasras Uda, ku nafangayan fia te, ku tanuman wat ubas. Ay kanya umkata sik talun at yud e taw.

Eremyas 12:11

Ay kanya ban fag talun we tungkul ya. Ay kafag furuan umkata sik talun at yud e taw, aroro wa ban e ggubuk ya anya.

Eremyas 12:4

Seduge ya ban lutuk nu magong ay ngay makmak nu mayangoan? Aroro siginan ngay taw at fagmauriun, ngay mangilafang ay ngay manuk tungud kabul wan. Ay kanya fagayu glong yay fia te, “Yawi wa glag em ngay fakamulun.”

Eremyas 14:6

Ay ngay asnu araw nananmalindug sa sangay buksul tagsis talun at yud e taw, ay gengasan kata ngay idu talun. Ay nu kamanawan gyawyawa wan aroro we fakonun ya.”

Eremyas 2:15

At ngay fawayan kata sik ngay liun gsubang anya fagayu, ay nafauri at ngay daga, ay nairug at ngay furuan, ay we gbanwan ya sanya.

Eremyas 2:6

Kanya fagayu wa grvbvy ya angku dewa au at nafalangfe siginans talun Igiptu, ay at nafangguna sas talun at yud e taw, ay sa tagagangun, ay sat magong fag daga, ay sa sangay buksul, ay sat malimu, ay sat yud e gbanwan, ay sat yud e gdalan ya.

Eremyas 23:10

Mapnu wan ste fag talun tagseg tibak fagsegan, aroro sat ngay taglong at ngay fakamulun at mauri ay nu gfasawe nu gfakamulun. Nu katanya, Yawi nafauri kafag ngay taw at talun, ay at ngay fananumun an-gong wan ay anlangke.

Eremyas 50:3

E sik talun ban siginans fawalan fag alvngvdan namawayan talun Babilunya, ay Babilunya ban mabaluanan way lang. Ay wa ban e gbanwan ya sanya aroro at ngay taw anggan at ngay fagbaugun nalagyu wan.

Eremyas 7:29

“ ‘Ufoi ay ngay buk ay ukasi ay nagufoan laman gfalag am ay fakabaluun. Waywayani sis talun yud e taw fag ngay tagbudbuksulanun aroro Yawi natalyuyan wan ay nafabayan ayu fag ngay taw at nafadotama anya.’ ”

Eremyas 8:18

Sanya ginan, Eremyas nalong te, Wa kafalyam ya ku fakabaluun. Maksvn nu gidapan au gamatangan.

Takabalu 1:16

Kanya wan ku fagwaywayun. We gfaksvn ya ay gfasun angku. Afanyuan ku ngay taw aroro at ngay fawayan nababo anya fagayu.”

Takabalu 2:11

Nawayway au ay ku ngay mata anbuksul. Maksvn wan nu gafanawa au ay ku amatanganan kata nu nrapyag, aroro sat kindasug fag faurianan sa ku ngay kaiban. At ngay sisian ay at ngay ngenge anmomuy gina si sangaba dalan.

Takabalu 5:18

Aroro nafabayan wan Erusalem, ay idu talun way lang tagbanwan sanya.

Esekyel 14:15

“Ay nu nafadasug kban sat talun tagfangagat fag ngay mela laman namabul fagayu tagbanwan sanya, kanya ban fag talun mabaluanan way lang, ay wa ban e nandalan ya sanya aroro kalimu way kafag ngay mela.

Esekyel 27:2

“Taw at baguama, abalui furuan Tiru,

Esekyel 29:11

Kaduge ban ufatk safuluk banwa, we taw ay we fagbaugun at nandalan ay at namanwan sanya.

Esekyel 33:28

Ay talun Israel ban namasik mabaluanan kwan fag talun ay gbul kwa ban at fakamatungudunun fag fagmabalyananun. Anggan ban at ngay buksul mabaluanan way lang, ay wa ban e nandalan ya sanya.

Esekyel 6:6

Ay fagdaul ban ay furuan kaiklas wan, laman ay ngay fagnansegan ay ngay fagnangirugan ay anggan ay fagnangirugan at mabebanglu fag lune ay tiba ya ay nafakamulun, umkalyam wan.

Usea 4:3

Nu katanya, wa ban kafatugbung ya ngay fananumun sa ay daga, ay fagayu ban tagbanwan sanya maksvn nu kabalu, ay fagayu mangilafang, ay ngay manuk tungud ay anggan ngay albon, umbul wan.

Uel 1:13

Am fag ngay tagfon fanggalangun tagfakamulun si ku Dius at bale, suluni ngay saku ay waywayi maksvn fagngabak yabi aroro namin wan ngay rawvg fangawat fanlangu laman fanggalangun sa ay Dius.

Uel 1:19

Ay Uel gdarangin te, “Yawi, guro au emu aroro ngay makmak sa sangay fagnamafangonan anyango wan, ay anggan fagayu kayu sis talun anyango yangay, kata afuy nu nafamin.

Amus 5:1

Ngay taw Israel, dungugani at mabalu fag ngay longan sabaliwa ayu:

Amus 5:16

Nu katanya, katatuy tam Fun, Yawi at longan: “Umdasug ban sik menit umdungug nu e gwaywayan sa sangay fagaweanan ay sa sangay dalan. Ay namauro yangay tagsi sangay gamasun laman gfasfuan at ngay tagfakamulun fag ngay taw laman nanwayway sat ngay kinbul.

Mikas 2:4

Ginanya ban, ngay taw gfalingun ayu siginan nu galubad at mabalu te, ‘Katsi afanyuan wami! Yawi nagbilug wan em ngay daga ay nafon sa sangay tagfandaya.’ ”

Mikas 3:12

Aroro nafakamulun am takatanya, umkiklas ban Siun, furuan Erusalem. Ay kanya ban umkata sik fagtanuman at malian, ay sik fagfungsuan at kinkiklas fag ngay bale, ay at fagfalindugan Yawi at bale fag buksul umkata sik araw.